تحليل مبارة الاهلى وغزل المحلة

2022-06-23 08:44:00 رياضة ...







تحليل ماتش الاهلى والمحلة

اولا : خطة لعب الفريقين

الاهلى ( 4-2-3-1 )   &  المحلة ( 4-1-4-1 )  

ثانيا :تشكيل الفريقين

الاهلى : الشناوى – وحيد  – ياسر ابراهيم – ربيعة – كريم فؤاد– كوكا– السولية – تاو – طاهر- افشة - محمد شريف

غزل المحلة  : عمرو شعبان – محمد فتح الله – خالد سامى – مصطفى العش – هشام نبوى – حميد ماو – الندرى – احمد غريب – عبدة يحيى – يحيى حامد -  ماليك تورى

ثالثا : الشوط الاول

بدأ الاهلى المبارة بتشكيلة يغيب عنها 11 لاعب بسبب الاصابات ولكن دخل الاهلى في المبارة بدرى واستخدم اسلوب الضغط المتوسط والحقيقة كان ناجح فى استخلاص الكرة من فريق المحلة وللاسف محمود وحيد مش عارف يستغل فرصة غياب معلول وبيستمر فى ادائة العادى جدا لاى باك شمال ضعيف بالمقارنة بـ كريم فؤاد اللى بيحاول يثبت نفسة بس محتاج يشتغل كتير على نفسة اكتر فى التدريبات وصناعة الفرص ونجح الاهلى انه يحرز الهدف الاول اللى جابة ( افشة ) اللى كان بيتحرك اكتر بالعرض خلال الماتش وحاول انه يصنع فرص استمر سير اللقاء وهدد المحلة مرمى الاهلى مرة فى الشوط الاول ونجح الشناوى فى صدها  ونجح عمرو شعبان فى صد اكتر من كورة خلال الشوط الاول من الاهلى

 من ضمن احداث الماتش اتصاب طاهر محمد طاهر ونزل مكانة صلاح محسن وزادت مستشفى الاهلى الى 12 لاعب من ضمن اللاعبين اللى مستواهم غريب جدا هو ( بيرسى تاو )  اللى محدش علمة واجبات مركزة لدرجة انه كتير جدا بيسرح ويلاقى نفس فى قلب الهجوم وهو فى الخطة بيلعب جناح .

رابعا : الشوط الثانى

بدأ الاهلى  الشوط الثانى ضاغط وبيستخلص الكورة فى ظل عدم وجود اى فعالية للمحلة لغاية لما جت الدقيقة 58 عمرو السولية عمل باص بالخطأ قطعة الاعب خالد الاخميمي وعمل اسيست لـ حميد ماو اللى جاب جول التعادل للمحلة ليصبح اللقاء 1-1 وهنا ناس كتير حللت الهدف وقالت انه خطأ كريم فؤاد فى التغطية لكن فنيا لحظة استلام الكورة من حميد ماو كان عند قبل قوس منطقة الجزاء وراوغ رامى ربيعة وبعد ما عدى منة ظهر كريم فؤاد فيعتبر رامى ربيعة المسئول عن الهدف مع السولية وليست التغطية العكسية لــ كريم فؤاد

استمرت احداث الماتش ونزل سامي قمصان كل اللى عندة على الدكة اى حد ينفع يلعب فى الهجوم لدرجة انه طلع محمود وحيد وتاو اللى مش موجودين ونزل وليد سليمان وحسام حسن اللى اسم مش على مسمى خالص ونزل زياد طارق          ( شكلة عندة فكرة ) اللى عمل الجول لــ محمد شريف وللاسف انا حاولت افهم خطة الاهلى بعد التغييرات موصلتش لحاجة غير ان اى حد يطلع قدام ويارب نجيب جول لدرجة ان رامى ربيعة بقي يشوط هو كمان

الخلاصة  :  

الاهلى محتاج مدرب كبير جدا محتاج لاعيبة تبقى على مستوى فى كل المراكز حتى حراسة المرمى       الاهلى محتاج يستغل الفرص ويسجل ويضمن الفوز عشان الدورى مايروحش منه                             سامى قمصان مدرب عادى ممكن يدرب فرق صغيرة ويصعد بها لغاية لما يخرج من جواة موسيماني      الحالة السيئة اللى فيها منتخب مصر احد اهم اسبابة ان مفيش لاعيبة على مستوى عالى فى الاهلى

- احسن لاعب فى المبارة ( محمد شريف  + عمرو شعبان )

- اسوء لاعب فى المبارة ( تاو  + محمود وحيد )
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق