تحليل مبارة القمة 124 بين الاهلى والزمالك

2022-06-21 13:19:57 رياضة ...







تحليل ماتش القمة 124 بين الاهلى والزمالك

اولا : خطة لعب الفريقين

الاهلى ( 4-2-3-1 )

الزمالك ( 3-4-3 )

ثانيا :تشكيل الفريقين

الاهلى : محمد الشناوى – على معلول – ياسر ابراهيم – رامى ربيعة – محمد هانى – حمدى فتحى – عمرو السولية – تاو – احمد عبد القادر- افشة – محمد شريف

الزمالك : محمد عواد – عبد الشافى – الونش – محمد عبد الغنى – عبد الله جمعة – روقا – امام عاشور – سيد نيمار –زيزو – عمر السعيد – بن شرقى

ثالثا : الشوط الاول

- النادى الاهلى كان مستحوزعلى معظم الشوط الاول وكان عبد القادر واقفشة بيباصوا اغلب الوقت فى نص الملعب وكان تاو بيسيب مركزة الاساسي ويدخل مهاجم تاني جنب محمد شريف وكانت الجبهة اليمين للاهلى ضعيفة جدا وكمان عدم قدرة محمد هانى على انه يعدى من عبد الله جمعة ويعمل اى مساندة هجومية ولكن بخط محمد عبد الغنى قدر الاهلى يتقدم فى النتيجة واضاع الاهلى اكتر من فرصة وكان فى ايدية يقتل الماتش بس اما نادى الزمالك كان تايهه فى الملعب واعتقد دة بسبب خطة الزمالك لان عبد الشافى وعبد الله جمعة كانوا بيلعبوا فى نفس المركز ومش عارفين يخلقوا اى مساحة يطلعوا بالكورة بيها

- فى بعض اوقات الماتش فيريرا غير الطريقة ولعب 5-4-1 وبرضو مجبتش نتيجة لان عمر السعيد كان لوحدة جدا ومحدش عارف يوصل ليه كورة و زيزو كان من اكتر الماتشات انانية بطريقة غريبة ( ولعب لعب فردى على راى كابتن شاذلى )

رابعا : الشوط الثانى

- كان فى نقطتين تحول فى الماتش اولهم خروج حمدى فتحى اللى كان بصراحة ماسك نص الملعب كويس جدا وثانيهم فيريرا عمل تغييرات كويسة جدا ادت ان نادى الزمالك استحوذ على كل انحاء الملعب وكانت التغييرات بنزول شيكابالا وبصراحة على قد ما شيكابالا كبر فى السن على قد ماهو اكتسب خبرة فى ازاى ينظم نفسة ولياقتة يعني مش بيجرى وخلاص وفعلا غير الماتش وعمل جول حلو ( اشرف بن شرقى ) والجول كان خطا فى تمركز محمد هانى فى التغطية العكسية

وبعدها نزل يوسف اسامة نبيه وعمل الهدف الثانى لشيكابالا بعد غلطة تانية من محمد هانى اللى محتاج يشتغل اكتر على نفسة وتمركز خاطى لمعلول والزمالك فعلا استحق التقدم

- الماتش كان هيروح من الاهلى لولا ان سامى قمصان عمل تغيرين كويسين ونزل (طاهر + صلاح محسن ) ورجع حسين الشحات باك يمين وعلى طول حصل التعادل والنتيجة كانت 2-2

الماتش كان حلو وعامل زى ماتشات الشطرنج  وفى خطط بتتفذ وفى تغييرات تكتيكية فى الملعب كتيرة ولازم لما يكون عندك الفرصة انك تخلص الماتش ماتضيعش الفرصة لان الزمالك عمل ريمونتادا عالية

احسن لاعب فى المبارة ( شيكابالا + امام عاشور )

اسوء لاعب فى المبارة ( اقفشة + محمد هانى )
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق