تفاصيل تطبيق منظومة النقل الذكي على شبكة الطرق فى مصر

2021-07-30 15:24:27 منوعات ...






تفاصيل تطبيق منظومة النقل الذكي على شبكة الطرق فى مصر



   منظومة ITS هي منظومة الكترونية
ذكية و أحدث ما توصل إليه العالم في إدارة الطرق ، مراقبة ٢٤ ساعة للطرق من خلال
كاميرات ذكية متوصلة بغرف تحكم مركزية ، رادارات فرنسية حديثة على الطرق للمراقبة
و رصد المخالفات.



   وفي نفس توقيت المخالفة هيتبعت رسالة نصية على
التليفون للسائق بالمخالفة اللي حققها و هتتخصم فورًا من محفظته الالكترونية ، بخلاف
نظام متابعة للحوادث على الطرق و ربطها مع نقاط الإسعاف لسرعة التدخل و نظام لرصد
المناخ و التقلبات الجوية لبيان إمكانية استخدام الطرق أثناء السيول والأمطار.



 ونشر نقاط لتحصيل رسوم استخدام الطرق بشكل
الكتروني بدون الحاجة للتوقف عن طريق الملصق الالكتروني ونظام التعرف على اللوحات
المرخصة و الغير مرخصة و السيارات المسروقة المبلغ عنها والتواصل مع اقرب نقطة
وكمين للتعامل معها.



   هيكون في شاشات
الكترونية متاح عليها بيانات كتير منها درجة الحرارة و الرطوبة للمدينة اللي أنت
متجه إليها أو إذا كان فيه حادث على الطريق اللي أنت داخل عليه ولا الطريق سالك و
هيتبعت ليك فورا رسالة نصية بتحذرك أن فيه حادث على الطريق



   أضخم غرفة عمليات و
مراقبة تم تنفيذها بالعاصمة الإدارية الجديدة ، هيديرها وزارة النقل و وزارة
الداخلية منها هيتم مراقبة كل الطرق المصرية على مدار الساعة و هيفتتحها الرئيس مع
افتتاح العاصمة ، من الغرفة دي هتقدر الدولة تتابع اللي بيحصل على أبعد نقطة من
الطرق من أسوان إلى مرسى مطروح.



المرحلة الأولى تشمل 1187 كم طرق :



شبرا - بنها الحر بطول 40 كم



القاهرة - الإسماعيلية - بورسعيد بطول 195 كم



القاهرة - الإسكندرية الصحراوي بطول 220 كم



القاهرة - القطامية - العين السخنة بطول 110 كم



الدائري الإقليمي بطول 380 كم



الطريق الدائري بطول 108 كم



المرحلة الثانية تشمل 5000 كم طرق :



الصعيد الصحراوي الغربي بطول 360 كم



بورسعيد - إسكندرية - مطروح بطول 573 كم



السويس - الزعفرانة بطول 114 كم



وادي النطرون - العلمين بطول 134 كم



الجلالة - الزعفرانة - الغردقة - القصير بطول 485 كم



النفق - النخل - التمد - النقب بطول 350 كم



قنا - سفاجا بطول 160 كم



بني مزار - البويطي بطول 220 كم



القنطرة شرق - العريش بطول 135 كم



شرق النيل الصعيد الحر بطول 309 كم



محور 30 يونيو بطول 95 كم



الضبعة - روض الفرج بطول 345 كم



أكتوبر - الواحات - الفرافرة - الداخلة -
شرق العوينات بطول 1350 كم



وجاري تجهيز الطرق اللي
هتدخل في المرحلة الثالثة



   المنظومة الجديدة هتعالج
أغلب مشكلات المرور اللي بنعاني منها انهاردة و هتقضي على كل المخالفات المخيفة
اللي موجودة على الطرق ، كل سيارة هتمشي في الحارة المخصصة لها.



   وكل سائق هيلتزم بالتعليمات ، مفيش سيارة نقل
هتسيب الحارة بتاعتها وتمشي في حارة الملاكي ، مفيش سيارة نقل هتشيل اكبر من الحد
المسموح لها بيه ، مفيش سيارة هتمشي عكس ، مفيش سيارة هتمشي أسرع من الحد المسموح
ليها بيه ، مفيش سيارة غير مرخصة هتمشي عالطريق ، مفيش حد هيسوق وهو بيتكلم في
التليفون أو من غير ما يكون لابس حزام الأمان.



   منظومة النقل الذكي هي
مجرد بداية لتطبيق منظومة مرور جديدة هتفرض السيطرة على شبكة الطرق المصرية بشكل
يحقق السلامة لكل المواطنين وسوف يتم الانتهاء من تطبيق منظومة

ITS
بشكل
كامل على 7000 كم
طرق يونيو 2024
 




























نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق