يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

هل سيرفع القرآن؟

2021-06-16 09:26:20 دين ...







من الأشياء المرعبة اللي هتحصل في نهاية الزمان إن القرآن هيترفع، هيختفي من على الأرض، كل اللي حفظ آية هينساها، وكل اللي معاه مصحف هيختفي أو هيكون بالشكل اللي في الصورة دا، القرآن هينتهي من على الأرض تمامًا، وهيترفع للسما.
الوقت دا هيكون من أصعب الأوقات اللي هتمر على البشرية، الناس هيُصابوا بفزع، وهيعرفوا إن القيامة خلاص على الأبواب.


كل الناس هتدور على المصاحف مش هتلاقيها، أو مش هتلاقي كلمة فيها مكتوبة، حسب الشكل اللي هيتنفذ بيه الأمر من ربنا.
هيجتمع كل الشيوخ، وكل حفظة القرآن، علشان يفتكروا كلمة واحدة من القرآن هيعجزوا!
القرآن خلاص، اترفع من الأرض، اتنزع من الكتب والصدور، مبقاش فيه قرآن!
الرسول -صلى الله عليه وسلم- قال:
(ليسرين على القرآن ذات ليلة ولا يترك آية في مصحف ولا في قلب أحد إلا رفعت.)


وقال كمان:
(يخرب الكعبة ذو السويقتين من الحبشة، ويرفع الله عزّ وجلّ القرآن من الأرض فلا تبقى منه آية في المصاحف والصدور، والله يغار أن يبقى كتابه في الأرض بلا فائدة لا يُعمل به فيحدث هذا الأمر.)
فزع، خوف، ترقب، رعب، خلاص؟! مبقاش فيه قرآن؟! طيب واللي لسه مقرأش؟! اللي محتاج يحفظ، يحصن نفسه، خلاص، دستور الدنيا انتهى.
الرسول -صلى الله عليه وسلم- قال:
(أكثروا تلاوة القرآن قبل أن يُرفع، قالوا: هذه المصاحف ترفع؟ فكيف بما في صدور الرجال؟ قال: يُسرى عليه ليلًا فيصبحون منه فقراء، وينسون قول لا إله إلا الله، ويقعون في قول الجاهلية وأشعارهم، وذلك حين يقع عليه القول.)
والمقصود بالقول هنا الآية ( وَإِذَا وَقَعَ القَوْلُ عَلَيْهِمْ أَخْرَجَنا لَهُمْ دَابَةً مِنَ الأَرْضِ تُكَلِمُهُمْ أَنَّ النَّاسَ كَانُوا بِآياتِنَا لا يُوْقِنُون (82)) سورة النمل.


يعني لا قرآن، ولا شهادة لا إله إله الله، كل دا هيترفع، وهيبدأ أصعب زمن هيمر على الأرض، زمن الفواحش، والنهاية.
في الوقت دا فيه ناس كانت فاهمة القرآن واتعلمته كويس، الناس دي هتنجو، الناس دي هتعرف إن ربنا كان بيأمرهم بالمعروف وينهاهم عن المنكر.
الرسول -صلى الله عليه وسلم- قال:
(يدرس الإسلام كما يدرس وشي الثوب، حتى لا يدري ما صيام ولا صلاة ولا نسك ولا صدقة، وليسري على كتاب الله عز وجل في ليلة فلا يبقى في الأرض منه آية، وتبقى طوائف من الناس والشيخ الكبير والعجوز يقولون أدركنا آباءنا على هذه الكلمة "لا إله إلا الله"، فنحن نقولها.)
هنعيش على الذاكرة، احنا فاكرين أجدادنا كانوا بيقولوا "لا إله إلا الله".
والسؤال الجدلي هنا، الحدث الجلل دا هيحصل كدا فجأة، الناس هتصحى من النوم مش فاكرة القرآن ولا كلام ربنا!
ولا هياخد وقت مع الزمن، الناس في الوقت دا هيبعدوا عن الطاعات تدريجيًا، وعن قراءة القرآن، والخير، لحد ما يموت كل المؤمنين، ويفضل الناس الفاسدة اللي عمرهم ما قرأوا قرآن أو عملوا خير، فيتم رفع المصاحف وما بقي في صدور القليل، وينتهي القرآن!


العلماء بيقولوا إن القرآن مش هيترفع إلا بعد موت كل المؤمنين، ووقتها هيسود الشر في العالم، وهيفضل الناس السيئة هي اللي عايشة، وقتها القرآن هيترفع، وبعدين تقوم عليهم الساعة، والله أعلى وأعلم.
وآخرًا كلها اجتهادات في تفسير كتاب الله والسنة، والله أعلى وأعلم بصحتها.















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق