يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

حكمه الأقدار ( الخضر والقدر)

2021-05-30 23:24:55 دين ...







منذ بضعه ايام تعرضت لحادث سير نجوت منه والحمد لله ولكن سيارتي الجديده تعرضت لبعض الأعطال التي كلفتني من الأموال الكثير ، وبينما انا جالس في شرفه منزلي والخزن قد نال مني ما نال إذا بجدي يدخل علي بجلبابه الواسع وعصاه التليده ووجه البشوش الذي ترعي فيه تجاعيدالزمن والخبره قائلا : "يعوض عليك يابني عوض الصابرين انت ربنا فاداك "
لم تمر علي مسامعي تلك الجمله المعتاده مرور الكرام سألت : يعني ايه ربنا فاداني ما انا برده اتكلفت كتير عشان اصلحها ده انا لسه جايبها موديل السنه ، ده لسه عليها اقساط 
جدي مقاطعا : بس بس انا هفهمك وهريحك خالص اسمع وركز فكلامي كويس 
اعتدل جدي في جلسته وبدأ في سرد قصه سيدنا موسي والخضر و احسست كأني اسمعها منه لأول مره برغم حرصي علي قراءه سوره الكهف والتي تحوي بين طياتها تلك القصه يوم الجمعه من كل اسبوع 
جدي : الخضر والقدر ملاحظتش حاجه في الكلمتين دول البناء اللغوي لكلاهما متشابه قوي لحد التطابق 
وهنا نستنتج انا ربنا سبحانه وتعالي حب يعلم نبيه موسي ويعلمنا معاه حكمه التعامل مع القضاء والقدر وكأن القدر تمثل في صوره انسان علشان الصوره تكون قريبه لاذهاننا
يبقي عايزين نتفق اتفاق تخيل معايا ان الخضر ده هو القدر خلال القصه وحاول تشيله من الأحداث وبعدين تأمل الاحداث من غير وجوده فيها 
يعني ايه ؟؟ كان ذلك انا متسائلا ؟؟
يعني تخيل ان السفينه اللي كان بيمتلكها البحاره الفقراء ماشيه بيهم في البحر في رحله معتاده من رحلاتهم وتعرضت لإصتدام بسيط في بعض الشعب او الصخور اللي في البحر سبب تلف بسيط فيها التلف ده لو مر عليه مده طويله هيتسبب في غرق السفينه لكن لو اتصلح بسرعه هترجع زي ما كانت بس هيكلفهم يوميات الصيد فاليوم اللي حصل فيه الحادث .
طبعا كان رد فعلهم كان زي رد فعلك كده بصو للضرر القريب بس مشافوش الضرر اللي كان مكتوب في علم الغيب ، 
هما خسروا يومياتهم فاليوم ده بس كان ممكن يخسروا كل حاجه لو مكنتش الحادثه دي حصلت ، ربنا فاداهم وحفظلهم مصدر رزقهم بالتلف البسيط ده لأنها لو كانت فضلت سليمه كان الملك الظالم صادرها منهم زي ما كان بيصادر السفن فالمنطقه دي وبكده يكون حجم الضرر الواقع عليهم اكبر واسوأ وزي ما ربنا فاداهم فداك انت كمان واكيد منع عنك شر مكنش حد يعرف مداه إلا هو سبحانه وتعالي . 
انا : سبحان الله استغفر الله العظيم واتوب إليه الحمد لله علي كل حال 
جدي يستطرد قائلا : 
اختك لما ربنا قدر وعمر ابنها غرق فالبسين كلنا زعلنا واستعوضنا ربنا ، وكانت فوسط انهيارها وصدمتها بتقول استغفر الله العظيم ليه كده يارب ليه كده كنا بنهديها ونقولها حرام مش كده ربنا يعوضك واهي الحمد لله ربنا عوضها بعمار وياسين والأيام عدت ، افتكرت ساعتها قصه الغلام اللي لما الخضر قتله النبي موسي صاح فيه مستنكرا : "اقتلت نفسا زكيه بغير نفس لقد جئت شيئا نكرا " ليرد عليه الخضر بكل هدوء الم اقل لك انك لن تستطيع معي صبرا. 
الصبر مطلوب في وقت حدوث القدر 
الغلام مات والخضر كان سبب فقط 
لو كان الغلام عاش كان هيبقي عاق وكان هيبقي مصدر شقاء لوالديه الصالحين 
فربنا قدر ان الولد يموت طفل ويدخل جنته وعوض الابوين بذريه خيرا منه زكاتا واقرب رحما ، وهو ده جوهر الإيمان بالله وجوهر الإيمان بالقضاء والقدر ، ان يكون عندك يقين في اختيار ربنا ليك لانه هو المطلع علي الاقدار في علم الغيب عنده  .
صحيح اخبار الشركه ايه وشغلك ماشي ازاي ؟؟
بخير يا جدو ماشي الحال. 
، فاكر قابلت المهندس جمال ازاي ؟
... ياه فكرتني ايام ما كنت مهندس عنده   فالشركه وفجأه بدون اي مقدمات عرض عليا اكون مدير فرع الشركه فالشيخ زايد ومع الوقت وثق فيا وسمحلي اشاركه باسهم في الشركه ده غير سلسله المطاعم إللي لولا تمويله ليها فالبدايه مكنتش نجحت ده كأن ربنا بعته ليا مالسما
جدي قائلا : لا هو مش كأن هو ربنا بعته ليك فعلا زي ما بعت الخضر وسيدنا موسي للغلامين اليتامي عشان يرمموا الجدار اللي تحته كنز ابوهم الصالح واللي لو كان انهار كان اهل القريه البخلا استولوا عليه ولكن ربنا شاء ان يبعتلهم حد يرمموا بدون مقابل لحد ما يكبروا ويستخرجوا كنز ابوهم الصالح  وهو ده اصل الدعوه اللي بتقول ربنا يوقفلك ولاد الحلال اللي بيدوا ويساعدوا ويقفوا جمبك بدون مقابل 
ربنا يابني يوقفلك ولاد الحلال ويرزقك ويلهمك بالصبر في الشدائد ..
حبيبي يا جدي متعرفش انا بستريح وبتعلم قد ايه من حضرتك ربنا يخليك لينا يارب 
، حبيبي يا واد يلا بينا قوم نصلي العصر جماعه فالمسجد. 
يلا بينا 
رجائي















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق