بطلة فيديو إنقاذ طفلة المعادى من التحرش تكشف تفاصيل الواقعة

2021-03-09 21:31:11 حوادث و تحقيقات ...











بطلة فيديو إنقاذ طفلة المعادى من التحرش تكشف تفاصيل الواقعة



علقت إنجي
أسامة منقذة طفلة  تحرش المعادي التي ظهرت في مقطع  فيديو
أظهرته كاميرا مراقبة أحد معامل التحاليل التي واجهت فيه المتحرش على
الواقعة قائلة : أنت بتعمل إيه في البنت؟ قلي مش بعمل حاجة .. قلتله أنا
شايفاك في الكاميرا فبص ناحية الكاميرا زي ما ظهر في الفيديو"



تابعت:
"لما شاف الكاميرا جري على طول بسرعة  ...أنا بشتغل في معمل
تحاليل كانت في "ريسبشن" المعمل وشفت الموقف قدامي  وكانت
زميلتي  في الغرفة الداخلية وأول ماشفت الموقف خرجت وهي جت
ورايا"



أكملت:
"وقتها ماجاش حاجة في بالي غير الرهبة والخوف والموقف الي كانت فيه
البنت والحالة النفسية الي ممكن تتعرضلها ومستقبلها كل الأفكار دي جت في بالي
وأنا بفتح الباب عشان أنقذها ".



 وكشفت
أنها أم ولديها أبناء أكبر من الطفلة المتحرش بها في الفيديو قائلة:
"ماستحملتش  المنظر عشان  تخيلت بنتي مكانها والأحداث
كلها تمت في لحظة  فتحت الباب وواجهته ولم أتردد لثانية واحدة في إيقافه
ولم أتردد أن أبث الفيديو على السوشيال ميديا.



ربنا
كان عاوز ينقذ الطفلة دي وإتحركت  بمشاعري مش بعقلي  ومافكرتش
لحظة واحدة وتعاملت بتلقائية وأنا عندي بنت زيها  وقلت أكيد
ربنا هيوقف الي عملته  لاولادي لاني بنقذ بنات وأطفال أخريات
".



 وأكملت:
"البنت كانت مرعوبة وأول ما فتحت الباب هربت منه.. الطفلة دي بتبيع
مناديل برفقة أسرتها في شارع مجاور وشفتها قبل كده مرة أو
مرتين وعارفها  بتبقى دائماً واقفة في ميدان الحرية ".



 واصلت:
"أنا مكنتش مهتمة بالسوشيال في حياتي في حياتي العادية لكني قررت بث
الفيديو بنية الوصول للمتحرش والقبض عليه  ولم أكن أتخيل سرعة انتشار
الفيديو  وضبط الرجل ..وأنا ماعنديش متابعين كتير على الفيسبوك غير
أصحابي وقرايبي.. وبمجرد وصولي للبيت لقيت قسم المعادي بيكلمني ولحد الصبح بيتواصل
معانا واليوم كله بيدوروا على المتهم  لحد ماقبضوا عليه
".



أكملت:
" أنا ماعرفش إستدرجها إزاي؟ "



 وفي
تعليقها على  تعليقات  بعض رواد السوشيال ميديا
المهاجمين لنشرها للفيديو قالت: شفت كافة التعليقات لكن أنا مقتنعة أنو عمله كذا
مرة وربنا رفع ستره من عليه وده تدبير ربنا عشان يفضحه وينقذ بقية الأطفال" .



ونفت
أن يكون صاحب المعمل قد ضغط عليها لعدم نشر الفيديو قائلة: "بالعكس
شجعني من أول لحظة رفع الفيديو وقلي الي إنتي
شايفاه  مناسب جواكي إعمليه عشان ضميرك يستريح لان ربنا كتبله
يتفضح هنا وأنا مستغربة من الي إتقال  أنو ضغط عليا "



وأوضحت
أن أسرتها  تخشى عليها   لكنهم في ذات الوقت شجعوني
وقالولي  "برافو" ولم يغضب أحد منهم، وأكملت : "لما
واجهت المتحرش قلتله أنت مش محترم ... وجري.. وأنا مش خايفة أبدا هو الي عمل
الغلط  أنا عملت الصح وأنقذت طفلة من مستقبل مظلم وكل الناس معايا
واصدقائي.



كانت
حالة من الغضب قد سيطرت خلال الساعات القليلة الماضية، على مواقع
السوشيال ميديا، بعد تداول فيديو من داخل إحدى العمارات السكنية في المعادي، لرجل
يستدرج طفلة صغيرة في «بير سلم» ليتحرش بها، والذي عُرف بـ متحرش الأطفال.



وهو
الفيديو الذي انتشر على نطاق واسع، ومع ارتفاع حدة الغضب،
 قبل أن تتمكن قوات الأمن
من ضبطه خلال ساعات
  . 


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق