لميس تكشف تفاصيل حادثة أديب وهوية الـ 4 شباب الذين قاموا بإنقاذه

2021-02-20 19:59:12 تقرير ...






لميس تكشف تفاصيل حادثة أديب وهوية الـ 4 شباب الذين قاموا
بإنقاذه



طمأنت  الإعلامية
لميس الحديدي الجمهور على الحالة الصحية   للاعلامي  عمرو
أديب بعد تعرضه لحادث مروري مساء الثلاثاء.



وقالت: "عاوزه أتكلم
في موضوع مالوش علاقة بالشغل، عاوزه أطمن كل الناس اللي بتسأل علي عمرو بعد الحادثة
الصعبة اللي تعرض لها مساء الثلاث الماضي، انه الحمد لله بخير بشكل عام ربنا نجاه
بأعجوبة.



الحقيقة
لان العربية اللي خبط فيها  واللي وقفت فجاه، كانت محمله بأنابيب
بوتاجاز فكان ممكن تنفجر في أي لحظه، فالحمد لله علي كل شيء قدر ولطف زي ما بنقول.



الدكاترة
طمنونا علي حالته عموما، لكن هو لسه بيعاني من الأم مبرحه  غالبا من
الكدمات و الردود نتوقع أنها تاخد بعض الوقت، وإنشاء الله يحاول يرجع لجمهوره
قريبا بإذن الله، لكن هو محتاج يستريح شويه علشان يقدر يرجع تاني".



وتابعت عبر
برنامجها " كلمة أخيرة " المذاع على شاشة " 
ON"
قائلة : " انا طبعا ما كنتش حاقدر انزل الشغل أو أكون معاكم إلا وأنا
مطمئنه عليه انه بيتماثل للشفاء و أن حالته تسمح اني اسيبه بعض
الوقت  ،لان في مثل هذه الأحداث دوري كزوجه بييجي قبل دوري
كإعلامية ".



ووجهت
الشكر للجمهور ولكافة المسئولين  في الدولة قائلة: "عاوزه اشكر كل
الناس اللي سألوا علينا و عليه من  أصغر حد لأكبر حد، من الجمهور البسيط
اللي كان بيبعتلي رسائل ودعوات و شمع في الكنائس، لأكبر مسئولين في
البلد بشكرهم جميعا.



زملاءنا
الإعلاميين، الفنانين من كل الوطن العربية ، الدكاتره اللي كانوا بيكلموني، مستشفي
دار الفؤاد اللي أنقذت عمرو في اللحظات الأولي، ألفا سكان اللي دايما في ضهرنا،
وطبعا أصدقائي و أصدقاء عمرو اللي ماسابونيش لحظه واحده، ويعتذر اني ماكنتش بارد
علي الاتصالات ، لكن ممتنين  جدا لاهتمامهم، وحبهم  اللي
حسينا بيه".



وأكملت:
"في وقت الصعاب زي ماعمرو دايما بيقولي أننا ماكناش بنزرع  في
البحر .الحمد لله. وساعات وقت ألازمه بيكشفلك عن معدن الناس و عن حبهم و تقديرهم و
خوفهم عليك  اللي يمكن ما بتحسوش في الوقت العادي.و الشكر الحقيقة مش
للناس في مصر فقط و لكن في كل العالم العربي في الإمارات و السعودية و الأردن و
لبنان، والعراق" .



وكشفت
لميس الحديدي  لأول مرة عن هوية أربعة شباب  كان لهم دور كبير
في إنقاذ  زوجها الإعلامي عمرو أديب للمستشفى وإنقاذه قائلة :
" أنا هنا  سأخص بالشكر ٤ شباب بالاسم لأنهم هم دول اللي نقلوا
عمرو المستشفى بعد الحادث مباشره و فضلوا معاه لحد ما أنا وصلت مباشره بعد الحلقة
يوم الثلاث.



وهما
المهندس مصطفي عزب، د كريم النحاس، د طارق سلامه، المهندسة داليدا. الشباب دول انا
ما أعرفهم، لكنهم تصادف وجودهم في نفس مكان الحادث و نقلوه المستشفى و فضلوا معاه
لحد وصولي و كملوا معايا لحد ما اتطمنوا عليه . الشباب دول انا صممت أخد أساميهم
علشان اشكرهم بنفسي ، فيه لسه ناس محترمه بجد. 



أتمت
قائلة : " شكرًا لحبكم و اهتمامكم و يا رب ماحدش يجي له حاجه وحشه ابدا،
خللوا بالكم من الطريق لان الحوادث بتقع في ثانيه واحده، وربنا يحفظ الجميع."



 


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق