علاقه التدخين بالجنس

2020-08-28 08:50:42 منوعات ...











انا حزين وانا بكتب الكلام ده والله وانا يصعب عليه جدا ان ربنا يبقي انعم علينا بنعمه الصحه ونهدرها نحن بكل تلك السهوله

عزيزي القاري سنتكلم في هزا الموضوع عن علاقه التدخين بالعلاقه الحميمه وهو كلام علمي مبني علي اساس علمي كامل وليس من وحي خيالي

.. لو افترضنا إن قوتك الجنسية 100٪ لو بتدخن ف انت طيرت 40٪ من قوتك بإيدك، ولو تخين ضيعت كمان 40٪ حرمت نفسك من 80٪ من فحولتك وقوتك واستمتاعك.

كان يا ما كان يا سعد يا إكرام.. كان في ماكينة اسمها بني آدم بتشتغل بطريقة ميكانيكية بحتة، وقرر الإنسان يبوظ الماكينة دي.. توته توته خلصت الحدوتة.
التدخين والطلمبة ..
الجنس وخاصة الانتصاب بيعتمد على 3 حاجات رئيسة، ومحورية، الموتور حرفيا مش بيشتغل غير بيهم مع بعض
  • مفتاح التشغيل أو شرارة الاشتعال " هرمون التستوستيرون " هرمون الذكورة.
وده بيحتاج نسبة ولو صغيرة طالما موجودة هيدي شرارة بالانتصاب
  • العصب وده عامل زي بطارية العربية، طالما سحبت هتفضل شغالة، ملكش تحكم عليه، بس ده مسؤول عن الإحساس والكهرباء والقذف..
طالما العربية او الموتور اشتغل وفيه كهرباء كافية في البطارية انت في السليم، طيب لو مفيش؟
ممكن تحتاج زقة صغيرة، استثارة معينة باي شكل بقى
  • البنزين
أو الطلمبة، وهو ده الاساس يا غالي.. طالما الطلمبة فل يبقى الانتصاب قوي وزي الحجر، وبنقول طلمبة هنا عشان القضيب عامل زي مضخة
طالما الضخ مستمر جواها هيكون الانتصاب موجود
وطالما السائل ضخه شديد هيكون الانتصاب حجر
والضخ ده بيعتمد ع الدم، والطلمبة هي القلب وأوعيته وشرايينه والليل وسنينه، وانت وأنا يا حبيبي أنا .. معلش سرحت..
لو التانك فل وقوي هيكون انتصابك قوي ومستمر
لو فيهم مشكلة لا قدر الله يبقى هيكون الانتصاب ضعيف جدا ويتحول الحجر لخرطوم طري غير قادر على الانتصاب، دبوس ضعيف الوقوف والدنيا غدرت بيه " بصوت محمد سعد "
طالما انت شخص معافى الحمدلله معندكش مشاكل في القلب لا قدر الله يبقى تركز معايا .. لا ركز جامد
الانتصاب مجددا عبارة عن تركيز ضخ الدم في العضو
يعني الجسم بيحول معظم الضخ ما بين القلب مباشرة للرئتين والقضيب
وبالتالي أي حاجة هتضعف دول هتضعف انتصابك
زي الانيميا او نقص الاكسجين او السبب المدمر

التدخين

التدخين ببساطة بيضعف الدم والقلب والشرايين
ويبتدي الدم يبقى غير قادر على حمل الأكسجين وإمداده يضعف وبالتالي العضو بدل ما هيبقى منتصب هيبقى طري ومتني يا متني

🙁 عيب والله .. ده انتو مشغلين شركات أدوية الانتصاب لما خليتوهم يبيعوا منتجاتهم بـ 2 مليار في السنة .. لا مش المنتجات الجنسية .. منتجات الانتصاب بس 🙁 انت متخيل يا مان، يعني أنا لو وزير الاستثمار هخلي شركات السجاير ياخدوا نسبة من شركات الادوية اللي بتبيع منتجات الانتصاب.. واخذ انا منهم هم الاثنين نسبة
والمشكلة التانية هيضعف النفس ويقلل الأكسجين لباقي الأعضاء اللي محتاجاه وأولهم القلب والدماغ فتبدأ تفقد تركيزك..
وبالتالي الجسم يبدأ يقلل فترة الانتصاب ويسرع عملية القذف
ويخليك تخسر السباق يا صاحبي. يا سلحفة انت يا بتاع الجزر
وتجيبهم في أقل من ثواني.
وبكدة يبقى عندك سرعة قذف رهيبة..
وتبدأ تحاول تشوف علاج وانت في عز شبابك وتتجه للبرشام
طيب يا مولانا اعمل ايه؟ اعمل ايه ده انت سودتها ف وشي 🙁
اقطع التدخين
اقطع التدخين
اتعالج من إدمان الدخان، لا تقتل دبوسك المسكين
مفيش حل غير ده في الأساس
عشان تصلح العطل اللي في الطلمبة
بعدها تبدأ تركز على صيانة كاملة للموتور " عَمرة "أ
أول حاجة تعوض أكل وفيتامينات من الفاكهة والخضروات وكإنك مريض أنيميا لأنها نفس الأعراض في حالة الجنس.
بعد ما تعوض دول
هتبتدي تحاول تلين المكنة
تمارين وجري
وحط خط تحت جري دي .. لا خط كبير.
عشان الطلمبة تعرف تشتغل حديد ويرجع الانتصاب بتاع الشباب
إذا ...
  • التدخين يسبب ضعف الانتصاب، وتصلب في الشرايين
  • التدخين يسبب ضعف جنسي عام.
  • التدخين يسبب سرعة قذف
  • النيكوتين يضعف الرغبة الجنسية بشكل مبالغ فيه 🙁
  • التدخين بيعمل ريحة فم منفرة لزوجتك 🙁 وبتتكسف تقولك وده بيخرب البوس، وبالتالي بيخرب المداعبة وبالتالي بيخرب الجنس.
  • التدخين سيء جدا على صحة السائل المنوي، بسبب زيادة ما يعرف بـ مركبات أو أنواع الأكسجين التفاعلية، مما قد يؤدي إلى الإجهاد التأكسدي، مما يسبب تأثيرات مختلفة وضارة على جودة الحيوانات المنوية، ووظيفتها مما قد يؤثر على الخصوبة عند الرجال.
  • عادة شرب السجائر بعد الجنس مباشرة من أسوء العادات التي تصيب الجسد.
  • الحشيش أيضا يؤدي لضعف انتصاب ولا يطيل فترة الجماع، وما الذين قالوا ذلك إلا واهمون، والعلم أثبت عكس كلامهم، لإنه بيمنع العضلات المبطنة للأوعية الدموية من الارتخاء.
  • الكحوليات بعيدا عن كونها من الكبائر في دينا الحنيف، الموجبة للعن، فإنها تقلل من نسبة افراز هرمون الذكورة، وبتؤدي للضعف الجنسي العام، الإحصائيات قالت 70٪ من متعاطي الكحوليات يعانوا من الضعف الجنسي.
  • الترامادول بغض النظر عن حرمته الصريحة، ومنعه القانوني، فإننا علميا نعترف أنه يطيل مدة الجماع ويؤخر القذف، إلا أنه من مسببات الإدمان، والجمعية العالمية للصحة الجنسية ISSM مانعة استخدامه كدواء معالج لسرعة القذف، فلو سمحت اهل العلم بيقولولك متسمحش لدماغك تسوحك 🙂

    للحفاظ علي حياتك ابتعد عن التدخين ,للحفاظ علي صحتك ابتعد عن التدخين


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق