يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

تعرف على البطيخه المسكره

2020-07-05 20:04:02 صحة ...






هل العلم يقدر يفيدنا ونقدر نشتري بطيخه 🍉🍉🍉وميندحكش علينا ولا الموضوع كله حظ تعالوا بنا في هذه المقاله نتعرف مع بعض
هذا الكائن الكيوت بينزرع في الارض وتفضل تكبر لحد ما تروح للفكهاني وتتحط في الاختيار الصعب؛ ازاي تختار بطيخه حلوه ومتكونش قرعه؛ دا فيه ناس إنجازاتها الوحيده في العيله اللي الكل بيفتكرهاله بيقولك ان محمود او عباس انه بيجيب بطيخه حلوه وعلى النقيد تماما فيه ناس ضايعه خالص تلاقيه يروح عند الفكهاني ويخبط على البطيخة قال إن هو عارف بيعمل إيه 😂يخبط على الأولى ويسبهاويخبط على الثانيه ويسبهاويخبط على الثالثه ويخودها ويمشي؛ كلنا بنحب البطيخ ولو قدر الله لو مش بتحب البطيخ بعد المقاله دي هتروح تشتري البطيخه وتاكلها بقشرها كمان😂😂😂🍉🍉🍉👍



خلينا الاول نقول إن البطيخه اللي احنا مش عارفين قيمتها دي ليها يوم عالمي وهو يوم ٣أغسطس عاوزين كده يوم ٣أغسطس ننزل نجيب بطيخ ونحتفل بيه 🍉🍉🍉🍉😍


البطيخ يعتبر فاكهه وخضار في نفس الوقت، تأكله فاكهه ماشي، تحطه في السلطه ماشي وفيه بعض المزارعين بيعتبروه انه خضار لانه بيتزرع في نفس الارض مع الخضار وهو كمان من نفس فصيله الخيار 🥒🥒🥒واليقطين
مبدأيا كده فيه ١٢٠٠نوع من البطيخ والبطيخه الواحده فيها ٩٢٪ماء علشان كده اسمها watermelon وفيهاsugar6٪ ومفهاش كليسترول ولا دهون؛ البطيخه الحلوه المرمله اللي احنا بنقدسها في الصين بيقلوها ويخللوها 🤔وفي أوروبا بيشوها🙄البطيخ بيكون فيه منه ذكر وأنثى؛ الذكر بيكون طويل وفيه مياه كتيره والأنثى بتكون مدوره وحلوه ومسكره 💋انا قصدي على البطيخه على فكره 😂


البطيخ مفيد للوقايه من بعض الامراض زي القلب والكلى والسرطان والذاكرة فيه ناس هتشكك في كلامي وهوضحها واحده واحده
البطيخ فيه ماده Lycopene ودي مضاد اكسده ودي بتساعد في الوقايه من السرطان وخصوصا سرطان البروستاتا
البطيخ مليان فيتامين سي واه c, a ودا مفيد لأمراض القلب والسكر والامساك؛ البطيخ فيه ماده Choline ودي مفيده جدا للتعلم وتقويه الذاكره والأعصاب


البطيخ فيه بوتاسيوم وده بيطرد السموم المترسبه في الكليه وكمان بيقلل اليورك أسد


البطيخ فيه بوتاسيوم وده بيطرد السموم المترسبه في الكليه وكمان بيقلل اليورك أسد في الدم وكمان البوتاسيوم والماغنسيوم بيخفضوا الضغط وبيظبطوا الأنسولين في الدم.
البطيخ فيه ماده Beta_carotene ودي مفيده بالأمر اض المرتبطة بتقدم العمر ومفيده للنظر.



لو معاك تدريب ورايح الجم لو اكلت او شربت عصير البطيخ قبلها هيخفف من ألم العضلات وده علشان الحمض الأمين اللي فيه واللي اسمه L_Citruline.
عاوزين تعرفوا معلومات تانيه ولا كفايه؟ 🤔
اقول تاني
تخيلوا فيه ناس بتاكل قشر وبذور البطيخ وعلى فكره قشر البطيخ مفيد جدا لانه غني بالالياف وده مفيد لمرضى السكر اللي المفروض ياكلوا الياف كتير علشان السكر ميعلاش بسرعه في الدم بس نخلي بالنا اللي عندهم سكر ميكتروش من البطيخ علشان السكر اللي فيه وكمان بذر البطيخ فيه كالسيوم وزنك وماغنسيوم وبروتين وعلشان جسمك يمتص الفوايد دي انك تمضغ البذر قبل ماتبلعه أو تجففه وتاكله على انه لب؛ طيب ندخل في الحته اللي كلنا منتظرها وهي:(ازاي نختار بطيخة حلوه)
اولا :ندور على البقعه الصفراء او بقعه الحقل واللي اسمها بالانجليزي Field spot ودي الحته اللي البطيخه فيها بتلمس الارض لوكانت البطيخه بيضاء يبقى لسه لم تستوي وصفراء كويس واورنج يبقى ممتاز
ثانيا :ندور على الخطوط البني اللي بيسموها بالانجليزي Webbing Bee Sting وده ناتج عن النحله لما تلمس الزهره اثناء التلقيح وكلما زادت التلقيح تطلع مسكره اكتر 🍉🍉🍉🍉🍉
جربوا المعلومات دي ونلتقي على خير في لقاء آخر دمتم في رعاية الله وحفظه.
رمضان شتات


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق