يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

حُب بـ نكهة الفلفل الجزء التاني

2020-06-29 16:23:30 قصص و حكايات ...







-بسرعة يا كريم، هات الحاجات بسرعة
-حد يشوف لي حورية، يا حورية!
-يا حورية! مش ممكن بتعملي ايه فـ المطبخ
= مالك يا مستر متعصب ليه!
-أنتي هنا و سايباني محتاس برا! لازم تبقي معايا برا ماتسبنيش لـ وحدي، هرتب المكان لـ وحدي يعني!! 
= أنا موجودة فـ المطبخ، بس مدياهم تعليمات لـ كُل حاجة برا.. مش عايزاك تخاف و لا تقلق، اليوم هيعدي زي أي يوم
-بس ضيف النهارده مش زي أي ضيف، دا وزير يا حورية عارفة يعني ايه وزير!!
= عارفة يا مستر إبراهيم عارفة
-اُمال مالك مش قلقانة ليه زيي، هادية ليه كدا!
=عشان احنا عاملين اللي علينا، و أنا بقالي أسبوع بـخطط للـ يوم دا، مش عايزاك تقلق، أنا عاملة حساب لـ كُل حاجة 
-دا وزير يا حورية! مش كُل يوم هيجي لينا وزير!
=وحياتك لـ أخليلك الوزير دا مايتعشاش و مايعملش مُقابلاته الخاصة غير هنا
-بـ الحق يا حورية لو اللي بتقوليه دا حصل 
=ايه!!
-و لا أقولك خلاص خليها مُفاجاءة


-صباح الورد
=مستر إبراهيم! أتفضل أتفضل، أنا آسفة قعدت ع المكتب
-المكتب دا بتاعك، ماتعتذريش
=لكن برضو ماينفعش أقعد عليه فـ وجودك
-وجودي ايه بقي! من يوم ما جيتي هنا و كُل الناس بقيت تسمع كلامك، حتي أنا!!
= و دي حاجة حلوة و لا حاجة وحشة!!
- دي أحلي حاجة ممكن تحصل ليا فـ حياتي
=أنت اللي جايب ليا الورد دا!
-عجبك!
=حلو أوي
-شبهك، ألوانه مبهجة و بتدخل السرور ع قلب كُل اللي يشوفه، زيك بـ التمام، من يوم ما جيتي هنا، نورتي المكان، لونتيه يا حورية
= يا مستر أنا ماعملتشـ..
-مستر ايه بقي، دانتي اللي مستر 
=يعني مش مضايق مني!!
-أنتي جميلة أوي يا حورية
=أنا!
-كُل ما أفتكر إني كُنت ببعدك عن طريقي فـ كُل مره ربنا يحطك فـ سِكِتي، بخبط ع دماغي و بحس إني غبي، هو أنا غبي يا حورية!؟
=لأ أنت مش كدا
-اُمال أنا ايه!
=إييييـ..... أنت كمان جميل!
جريت من قدامه رغم إن المكتب مكتبي، بس ماقدرتش أقف قصاد عنيه، لأول مره أحس إني أتكسفت منه، و إننا مش بنتكلم فـ الشُغل، و إنه قرب مني و عنيه نظرتها أتغيرت و هو بيكلمني! غريب! هو أحلو كدا ليه!؟
-حورية، تعالي عايزك!
= ع فين طيب، احنا خارجين برا المطعم!!
-فاكرة لما قولتلك إني هكافئك بـ حاجة لو الوزير بقي زبون عندنا؟!
= و وقتها مارضتش تقولي هتكافئني إزاي!
- و اهو دلوقتي الوزير و كُل صحابه بقيوا زياين للمحل، يبقي جه وقت المُفاجأة
-كان حلمك ايه!
=حلمي!!
- إن يبقي عندك مطعم بـ اسمك! صح!!
=و حققته هنا!! أنا أديت المكان هنا كُل حاجة جوايا، و كأنه بتاعي و أكتر، مش فارق معايا حاجة تانية
- المكان من جوا _من يوم ما جيتي_ و أخد من روحك و ذوقك، فـ لازم من برا ياخد منك كمان
=يعني ايه!
-أرفعي راسك لـ فوق كدا!
=ايييييه داااا!!!
-روسترام حورية
=مش مُمكن!
- كان لازم أكافئك عن كُل حاجة عملتيها معايا من يوم ماعرفتك
=أنا مش مصدقة!!
-أنتي من النهارده شريكتي يا حورية، شريكتي فـ كُل حاجة
بصيت فـ الأرض و الإحراج مغرقني، هو دا اللي ماكنش طايقني! غريب الحُب! بيشقلب حال البني آدمين
لما حس بـ إحراجي فـ غيَر الموضوع


- حلوة أم كلثوم، بتخلق للـ كلمة لحن و بتغنيها بـ إحساس، فيها روح مش مُجرد كلام مرصوص طالع مع مزيكا
=و أنت من أمتي بتركز معاها!؟
-من يوم ما عرفتك ياحورية..
 أول مره أصدق جُملة "إن وجود بنت فـ المكان بيحليه" حليتي المكان و حليتي كُل حياتي، أنتي قلبتي كيان كُل حاجة هنا، حتي دا!
= دا ايه!
-المسكين دا *شاور ع قلبه* كان فاكر ياعيني إنه هيفضل وحده و إن مافيش حد هيقدر يقرب منه؛ لحد ما جيتي و غيرتي كُل حاجة حواليا.. من يوم ما عرفتك و أنا رافض إن أعترف إن الدنيا لسه بـ خير.. و أتاري كُل خير الدنيا متجمع فيكي.. فـ إنسانة زيك، بسيطة بتتعامل بـ طبيعتها، بتعمل الخير من غير مُقابل.. حورية أنا مش عايزك تغيبي من قُدامي
=أنا لازم أرجع المطعم بسرعة
-خليكي أنا لسه ماخلصتش كلامي
= أفتكرت حاجة لازم أدخل أعملها 
كُل ما بحس إنه غريب و مش ع طبيعته، بجري من قدامه.. بتخض من التغيير اللي بيحصل، بتخض لما بلاقيه يزعق فـ العمال و فـ نفس الثانية لما عنيه تقع عليا يتحول و ينقلب 180 درجة و صوته يرق و يتكلم بـ حنية، تحول مُفاجئ بيحصل له لما بيشوفني و أنا بحس بيه عشان كدا مابقدرش أقف قصاده و بتكسف و بجري
لكن دا مايمنعش إني أفتكرت حاجة مُهمة فعلًا و لازم أدخل المطبخ، أعملها دلوقتي
-بتسبيني و بتجري يا حورية!!
=أصلك بتخُضني!!
-طب مانتي خضاني من يوم ماعرفتك و أنا ماجريتش منك!
= و كلامك دا بيوترني بـ زيادة
- أول مره تسمعي كلام حلو!!
=مخضوضة منك مش من الكلام، مخضوضة إن دا إبراهيم اللي متعقد من الستات اللي بيكرههم، بيقولي أنا كدا!! 
-عشان أنتي غير أي واحده عرفتها فـ حياتي، أنتي صالحتيني ع الدنيا من تاني، خلتيني أحب الحياة و الألوان و الأغاني، خلتيني أحب سيرة الجواز و الحُب و كلام الحُب
- أنتي لسه شايفاني زي الأول!!
= كُنت شايفاك قاسي و شديد و بتخوفني
- و دلوقتي!
= دلوقتييييـ... طيب و رقيق و حنين.. و بتخوفني!
- حورية أنا عايزك، عايزك تفضلي دايمًا قصاد عيني، المطعم و حياتي و الدنيا كُلها بقيت أجمل من يوم ما بقيتي فيها
- حورية أنننـ..اااا... أنتي بتعملي ايه!!! أنا بكلمك!
=بقطع فلفل!
-بتقطع فلفل و سايبة قلبي متقطع عليها!!!
=أصلك مش فاهم، أول ما جيت هنا ماكُنتش بعرف أقطعه سريع.. لكن شوف دلوقتي! بقيت أقطعه بسرعة إزاي!! بس كمل، سامعاك كُنت بتقول أنت ايه!
قرب خطوتين و سكت ثانيتين و هو بيبُص ليا و مُبتسِم جدًا و أتكلم 
- أنا بعرف أقطع فلفل أسرع منك، وريني كدا!
-لأ لأ و أنا ماسك أيديكي عشان تتوتري كويس و تركزي معايا!


#TiRo















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق