يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

مشاعري اتغيرت

2020-06-29 10:39:01 اقلام و اراء ...







_هي المشاعر ممكن تتغير ؟ 


لو مكنتش صادقة من الاول تتغير، لو كان في إطار انه "ملقتش غير دا " 
في حلقة من الحلقات كان بيقول إن كُنا أنا وهي في غُربه ومصدقنا لقينا بعض...
زي مثلًا الابرة اللي اخيرًا لقها وسط كوم قش..
حس ان مشاعرهُ اللي خرجها مكنتش كفيلة انهُ يكمل...او مكنتش مشاعر اصلًا ! دا ممكن نسميه ان كُنت منبهر ! ملقتش غيرهُ قُصادي !!! 
ينفع احب اتنين في نفس الوقت ! 
اكيد لا طبعًا إلا وان اللي كُنت حاسه من الاول دا كان"وهم" كنت واهم نفسي إني بحب..ولما لقيت الشخص التاني دا عرفت ان هو الحُب !!
هي بالعكس كانت مأمنلهُ وكانت بتقولهُ...
_انا كُل مااحاول اقرب منك بتبعد..، كان بيتلكك يعني ! في حين ان لما بنحب حد فعلًا بنفضيله نفسنا حتى لو كُنا بنغرق وبنعامله بِـ استثناء إنهُ دا مش هينطبق عليه اللي مطبقه على غيرهُ....
طب وازاي اصلًا امنيه خليل عارفه إنه بيحب ومشاعرها ساقتها ناحيتهُ برضو !! 
جايز مشاعرها مكنتش اتحركت..لولا مشافت في عيونه حاجه اتحركت من ناحيتها....
لما كانت قاعدة مع خالتلها قالتلها! 
_ان اللي عمل كدا مرة هيعمل كدا الف مره"ومش فاكرة قالت اي بالظبط بس دا معنى كلامها" 


ازاي ممكن اسيب حد عشان حد تاني!! واقول ان الاول دا مكنش صادق..واللي حسيتهُ من ناحية الشخص التاني هو اللي بدور عليه فااروح اسيبه وانا مبسوط ان اخيرًا لقيت اللي كان نفسي فيه ! واسيب الطرف التاني يولع مع نفسه....
وكإن العلاقة قايمة على طرف واحد بس من حقه يسيب ويقرر...يحقله وميحقليش..
_كان بيقول ان علاقته بايظه معاها، طب مكان ممكن دا يشوفه من الاول ! ولا حط استوب لما حس ان علاقتهم وصلت لحيطة سد !! كان ممكن لو لسه حاسس بحاجة ناحيتها يحاولوا ينقذوها سوا"لانهم دخلوا العلاقة دي سوا مش لوحده فيها!" 
بس الكويس في الموضوع دا انهُ "صراحها" 
قالها حاسس ان مشاعري ابتدت تتحرك ناحية حد تاني...مفضلش يلوم فيها..ولا يقول انتي متستهلنيش..ولا..ولا...وعلى قد ماالصراحة بتوجع بس بتريح من دوامة تفكيرك حتى لو شوية!! 
بس ردها كان ملخص لِـكُل دا لما قالت !
_سمي الحاجات بأساميها، مشاعرك إتحركت يعني حبيتها.. حبيتها وانت معايا.
مهي الخيانة، خيانة برضو، بتكون اسوأ حاجة خيانة الصدق والمشاعر !!
في اول العلاقة بنبقى متعمدين إننا نبهر الطرف التاني عشان يميل لينا، وساعات اصلًا بنبين حاجات عكس شخصيتنا لِـمُجرد تعجبهُ وتنول رغبته !  بس دا مبيدمش لان بتجي فترة "الملل" من العلاقة وان مليت من الطرف دا...حتى لما بتجي ان اخُد هُدنة !! بطول المُدة واخليها راحه منه وللابد !!


ليا واحد زميلي كان بيحب وحدة "وكانت اول حُب في حياتهُ" بعدها فترة من "علاقتهم" سوا شاف وحدة زميلتة في الكُلية...واول مرة شافها فيها حس إن قلبه اتحركلها !!في حين إنهُ بيحب حد تاني غيرها...واكيد فكر في البنت التانية دي...هو مش عيب فيه ولا في البنت اللي قال انهُ بيحبها ولا في التانية إنها اجمل مثلًا لا !!
بس طول مقلبي مال لحد تاني وانا في اسمي في علاقة يبقى مبحبش الاول دا إلا ومكنش اتحرك ناحية التاني !! 
ليا وحدة صحبتي كان في واحد في حياتها، وفي علاقة"علاقة ارتباط" بس كانت دايمًا تقولي مش حاسه مني ولا شبهي!! حاسه اني نفسي امشي بس مش عارفه ازاي!! مش حاسه اني عايزة اكمل !! في فترة من حياتها في حد اتعرفت عليه وبعدها بفتره ابتدت تحس انها بتنبسط لما بيتكلموا، ولما بتشوفه مثلًا بتتبسط وقلبها بيدق !! بعدها عرفت انها مبتحبش اللي كانت معاه، وعرفت تاخد الخطوة إنها تمشي وتسيبه بكل قوة !يمكن في الاول كانت خايفه تاخدها لتكون تهيأت وتندم على قرارها، لما قعدت معها في مرة قالتلي" انا مكنتش حاسه إني بحب قبل كدا !! غير لما شوفت الشخص دا! مشاعري دي حسيتها فعلًا إنها حُب !!" 
*في جملة بتتقال على اعلان فيلم هندي...
( إذا احببتي شخصين ف إختاري الثاني لانك اذا كُنتي تُحبين الأول ما خفق قلبك للآخر) *
اوقات بنكون موهمين اننا بنحب، ومش عارفين نسمي اللي احنا فيه دا حب ولا لا!! في فجوة بتحصل في العلاقات كدا بعدها بنبان احنا مُتمسكين ولا عايزين نمشي...اصلا مينفعش ابقى في علاقة واجي القي حد تاني احبه! واحس اني عُمري محسيت بالمشاعر دي غير وانا معاه !! 


 #Marina_Atya















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق