يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

فيديو يكشف سر رسالة جحوتي للملك تحتمس الثالث عن النصر الكبير علي الأعداء..يوم أن سقطت يافا2

2020-05-22 19:26:08 قصص و حكايات ...







علاء الدين ظاهر



يستكمل الدكتور مصطفى الصغير مدير عام آثار الكرنك والمشرف على طريق الكباش حكاية"يوم أن سقطت يافا"وهي الإصدار الثالث من السلسلة التي أطلقتها الإدارة المركزية للشئون العلمية والجرافيك والتدريب في الأثار بعنوان"حكايات منسية"المصورة عن التراث والتاريخ المصري القديم،ويقدمها مجموعة من الأثريين والمتخصصين،بسرد وحكي مشوق باللهجة العامية.

 

ولمن لا يعرف يمكن متابعة الجزء الأول من حكاية يوم أن سقطت يافا من هذا الرابط

 

حكاية مشوقة عن ملك مصري يؤدب أعداء البلاد علي جدران الكرنك"فيديو" .. يوم أن سقطت يافا1

https://www.aklmko.com/story/2020/5/20/61236/-%d8%ad%d9%83%d8%a7%d9%8a%d8%a9-%d9%85%d8%b4%d9%88%d9%82%d8%a9-%d8%b9%d9%86-%d9%85%d9%84%d9%83-%d9%85%d8%b5%d8%b1%d9%8a-%d9%8a%d8%a4%d8%af%d8%a8-%d8%a3%d8%b9%d8%af%d8%a7%d8%a1-%d8%a7%d9%84%d8%a8%d9%84%d8%a7%d8%af-%d8%b9%d9%84%d9%8a-%d8%ac%d8%af%d8%b1%d8%a7%d9%86-%d8%a7%d9%84%d9%83%d8%b1%d9%86%d9%83-%d9%81%d9%8a%d8%af%d9%8a%d9%88--..--%d9%8a%d9%88%d9%85-/

==========

 

المقمعة ارتبطت بقوة وسلطة الملوك المصريين من فجر التاريخ٬ وسيطرتهم على اعدائهم .. وكتير كانوا بيظهروا وهما ماسكين المقمعة وبيندفعوا لضرب الأعداء .. وعلى جدران معبد الكرنك بيظهر الملك تحتمس التالت وهو ماسك في ايده المقمعة .. المقمعة اللي كانت حلم لأمير يافا

 

مع كل الاغراءات دي وحلم السلطة .. خرج امير يافا وراح لجحوتي علشان يحصل على مقمعة الملك ويبقى القائد الشهير جحوتي من اتباعه .. وكمان علشان ياخد الهدايا الفخمة اللي كانت مع جحوتي

 

وكان طول الوقت بيسأل عن مقمعة الملك .. شكلها إيه؟ وامتى ممكن تبقى ملكي؟

جحوتي قاله هتشوفها في الوقت المناسب .. المقمعة خبيتها في سلال العلف بتاعة الخيول ولما الجنود يبدأوا يأكلوا الخيول هيلاقوها ويجيبوهالي.. انا معايا 200 سلة .. جزء منها للعلف .. وجزء فيه هدايا هقدمهالك

السلال دي موجودة في اخر المعسكر بتاعنا .. وانا خايف احسن حد يسرقها.. اصدر الأوامر لجنودك بأنهم يخصصوا مكان بداخل اسوار يافا نشيل فيها السلال كلها .. وانا هخلي جنودي يشيلوا كل حاجة ويدخلوا السلال جوة

 

أمير يافا بلغ جنوده بموضوع السلالوانها هتدخل المدينة .. دي فيها هدايا قيمة جدا وكمان فيها مقمعة الملك تحتمس التاني

وفي نفس الوقت .. جحوتي بلغ جنوده انهم يجيبوا سلال العلف لاطعام الخيول .. ودي كانت الإشارة اللي مستنيها الجنود لتجهيز ال 200 سلة اللي جواهم 200 جندي مقاتل من افضل الجنود في مصر

 

بدأت الخيول تاكل العلف .. لحد ما ظهرت مقمعةالملك .. وجه أحد الجنود لجحوتى قدام امير يافاوقاله انهم لقيوها ..

الأمير اول ما سمع الكلام دة اتجنن

وقال لجحوتي انا نفسي اشوف المقمعة ديونفسي انها تكون ملكي اكتر من أي حاجة .. واترجاه انهيبعت حد يجيبها

وبالفعل .. راح جحوتي جاب مقمعة الملك تحتمس التالت ورجع بيها لأمير يافا .. وبدل ما يديهاله٬ وقف وقاله: بصلي هنا .. هي دي مقمعة الملكالأسد القوي.. ملك مصر العظيم من خبر رع تحتمس التالت

وضربه ضربة واحدة بالمقمعة كانت كافية لأنه ياخده اسير .. وحط في ايديه وفي قدميه الكلبشات البرونزية .. وحطه جوة كيس الجلد اللي أمر جنوده بتجهيزه قبل ما يخرجوا من مصر .. وقفل عليه

 

وبدأ 300 جندي يدخلوا يافا محملين ب 200 سلة فيها 200 جندي؛ وكل جندي جوة السلة معاه الصندل بتاعه والحبال والكلبشات الخشبية

وكانت الأوامر انهم بمجرد دخولهم المدينة يخرجوا زملائهم ويبدأوا بالهجوم على جنود الحراسة .. واهم شيء عنصر المفاجأة .. لازم تتحركوا بسرعة وقبل ما حد ياخد باله

 

واتفتحت أبواب يافا .. ودخل الجنود بحيلة كان اساسها دهاء ومكر جحوتي .. حيلة طريفة سجلها التاريخ  قبل سنين كتير من قصة حصان طروادة أوعلي بابا والأربعين حرامي

 

الجنود سيطروا على يافا بسرعة البرق وأسروا كل الجنود والحرس اللي كانوا فيها وربطوهم بالحبال وحطوا الكلبشات الخشبية في أيديهم واقدامهم

 

وبكدة .. سيطرت قوات الملك تحتمس التالت على يافا وقدر جحوتي انه ينفذ القسم اللي اقسمه الملك .. دمر حصون يافا .. وايده طالته وهو في مكانه ومن غير ما يخرج من طيبة..وعلمه درس مش هينساه"

 

بعض الباحثين بيقولوا ان النص اللي على بردية هاريس بيحكي وقائع قصة حقيقية

والبعض الاخر بيقول انها قصة أدبية تندرج تحت قائمة ادب الروايات .. ودليلهم على كدة ان النص دة مش هو الوحيد اللي تم ذكره في بردية هاريس رقم 500

البردية عليها قصة تانية هي رواية الأمير المسحور .. وكمان في الناحية التانية مكتوب عليها بعض ابيات الشعر الرومانسية

فاحتمال ان اللي كتبها كان شخص بيألف روايات وقصائد وان القصة بالكامل ماتكونش حقيقية

 

لكن احتمال وقوع القصة بالفعل امر وارد جدا .. وان الكاتب ممكن يكون حول عملية عسكرية لعمل ادبي .. زي ما أي مؤلف في عصرنا الحالي يقدر يكتب عمل ادبي عن حرب أكتوبر

وبيدعم النظرية دي ان شخصيات القصة كلها شخصيات حقيقية .. وكمان تفاصيل الأماكن وبعض الاحداث التاريخية اللي صعب جدا تكون موجودة في عمل ادبي خيالي ..  دة غير الاثار المصرية اللي بيتم اكتشافها لحد دلوقت في يافا

 

وفي سنة 1824 تم اكتشاف مقبرة القائد جحوتي في سقارة وكانت وقتها لسة سليمة وبكامل مقتنياتها ..

مقتنيات مقبرة جحوتي موجودة دلوقت في عدد كبير من متاحف العالم .. وفي الغالب كان هو صاحب الخاتم الرائع في المتحف البريطاني اللي بيحمل اسم الملك تحتمس التالت واللي عثر عليه في سقارة

 

وعلاقته القوية بالملك تحتمس التالت بيخلدها اناء من الدهب في متحف اللوفرواللي بيعتبر وسام للشجاعة والعبقرية الحربيةوتقدير لمجهودات جحوتي في خدمة الإمبراطورية المصرية.. واللي مكتوب عليه "اهداء من ملك مصر العليا والسفلى لصاحب السمو النبيل٬محل ثقة الملك بكل الأراضي الأجنبية وبكل الجزر وسط البحار .. هو من يملأ خزائن الملك بالذهب والفضة .. القائد المفضل جحوتي"

القائد اللي بعد ما دخل المدينة وسيطر عليها بالكامل ماكانش فاضله غير الخطوة الأخيرة ... ابلاغ الملك

ومع دخول الليل .. جحوتي بعت رسالة للملك تحتمس التالت وقاله فيها انهم مش محتاجين غير حاجة واحدة بس .... ابعتلنا عدد اكبر من جنود المشاه علشان نعرف نرجع بكل الأسرى .. فقد سقطت يافا


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق