يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

هدية أهل الجنوب للملك المصري الحاكم ومهر زواج بنات كبار القبائل الافريقية .. حكاية زرافة 2

2020-05-19 01:26:01 قصص و حكايات ...






علاء الدين ظاهر





واصلت الدكتورة برديس سمير أمين متحف بالمتحف الكبير كشف
حكاية الزرافة في مصر القديمة،وذلك ضمن الجزء الثاني من سلسلة"حكايات منسية"المصورة
التي أطلقتها الإدارة المركزية للشئون العلمية والجرافيك والتدريب في الأثار عن التراث
والتاريخ المصري القديم.





وتعتمد الحكايات التي يتم سردها باللهجة العامية علي
الحكي بطريقة مشوقة في فيديو مرفق،وهو ما فعلته الدكتورة برديس ببراعة،وتستكمل حكاية
زرافة وتقول:
استمرت ندرة مناظر الزرافة
في الدولة الوسطي، لكن نقدر نشوفها في مقبرة أوخ حتب اللي عاصر فترة الملك سنوسرت الاول،
في منطقة المير بأسيوط، واللي هنلاقي الزرافة مصورة في منظر صيد، واقف صاحب المقبرة
بالقوس الخاص به وبيصطاد حيوانات صحراوية مختلفة، والغريب هنا انه رغم كل الحيوانات
في حالة خوف وهلع ومتوجه ليها السهام او حتي بيصطادها كلاب الصيد المدربة، إلا ان الزرافة
وقفت لوحدها في سلام وكأنها منفصل عن المنظر كله، وكأن المصري القديم نفسه خايف عليها
وقت الصيد وده طبعا بسبب ندرتها.



 



مع دخولنا بقا في الدولة الحديثة، ابتدينا نشوف الزرافة شوية
تاني، لكن الوضع هنا كان مختلف شوية،فمثلا هنلاقيها متصورة وكأنها في بيئة مش مصرية
زي بلاد بونت، وده بنشوفه مثلا في معبد الملكة حتشبسوت في الدير البحري، صاحبة البعثة
التجارية الشهيرة لبلاد بونت، وهنا هنشوف جزء بسيط من رأسها، لكن البيوت والاشجار والبيئة
كلها بتأكد انها بيئة بلاد بونت



 



او هنلاقيها مثلا جاية كهدية من اهل الجنوب تقديرا وتعزيزا
للملك المصري الحاكم، زي ماحصل في مقبرة رخميرع وزير الملك تحتمس الثالث، اللي بنلاقي
فيها الشعوب المختلفة وهي جايبة معاها النفيس والطيب للملك المصري الحاكم وطبعا اللي
من بينها جميلتنا الزرافة



 



وبنشوفها كمان في مقبرة حوي، اللي عاصر فترة الملك أمنحتب
الرابع (اخناتون) والملك توت عنخ امون، وهنلاقي الرجال ذو الملامح الافريقية واقفين
أمام الملك وبيقدموله الزرافة ومش بس كده، بيقدموله كمان ذيل الزرافة، اللي بيعتبر
عند القبائل الافريقية هام وغالي جداً، وبيتعبروه شارة ورمز للحاكم، كمان بيعتبروه
مهر لطلب الزواج من بنات كبار القبائل الافريقية



 



عشان كده هنلاقي الزرافة في مصر القديمة كان إسمها (mmy)
مع مخصص جلد وذيل الحيوان، وده طبعاً دليل علي أهمية ذيلها، اللي كان بيستخدم في مصر
القديمة في صناعة باروكات الشعر وخيوط الحلي، وكمان منشات الذباب،كمان ممكن نشوف الزرافة
في معبد بيت الوالي الخاص بالملك رمسيس الثاني، في منطقة النوبة، واللي برضه كانت جاية
هدية مع هدايا اخري عظيمة للملك القوي رمسيس الثاني،بس ده كان أخر مرة تشوف فيها الزرافة
في مصر القديمة، ومن بعدها ودعت الزرافة مصر القديمة ومشوفنهاش تاني، إلي حين أن يتم
إكتشافات أخري






















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق