يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

عشرة اساطير عن فيروس كورونا تحدث عنها د.مجدي يعقوب

2020-04-21 15:16:42 منوعات ...






كتب د.مجدي يعقوب جراح القلب الكبير عن ١٠ اساطير سقطت في زمن فيرس كورونا. 
١-الاسطورة الاولى :سقوط النقود أمام الفيروس .. اكتشفنا انها عاجزة أمامه و هو صغير الحجم  .. و الفلوس لاتصنع  السعادة ولا الحماية ، و تساوي الغني مع الفقير ، و زالت نصف ثروات العالم في شهور من أجل البحث عن علاج أو حماية ..


٢-الاسطورة الثانيه :سقوط الأغنياء والاثرياء .. كله تساوي ، ما بقاش فيه VIP ، و لا سعادتك أو جنابك أو فخامتك .. كله بقي من غير حماية و لا جاهز أو سلطة أو عزوة ..
٣-الاسطورة الثالثه :سقوط الشخصيه الهامه فأصبحت أهميته . أهمية فارغة ..
٤_الاسطورة الرابعه:سقطت أسطورة الثروة. ما بقاش فيه معني للي عندك و انت عارف ان اللي عندك لا بقي نافعك و لا ساترك ..


٥-سقطت اسطورة العمر .. بقي الموت اللي ما كنش علي بالنا ، اقرب لينا من انفاسنا .. و بعد ما كنا بنحتفل بالعمر ، بقت السما علي بالنا كل يوم و احنا بنحسب لها ألف حساب ..
٦-سقطت اسطورة "الخناقات" .. بنتخانق مع مين و علي ايه و ليه و ازاي ؟؟ لما اكتشفنا أن خلافاتنا علي شوية أيام جريت مننا ، و ضيعنا العمر في الكراهية و الغل و الظلم ..
٧-سقطت اسطورة "بكرة" .. الاتنين بقي زي التلات و الاربع بقي زي الخميس .. كل يوم زي التاني مش لاقي حاجة اعملها غير شوية اكل و فرجة علي مواقع التواصل الاجتماعي .. و كده بقي العمر بيجري مني و انا اللي كنت باضيعه من غير رسالة حب و خدمة تدي حياتي معني ..
٨-سقطت اسطورة "العلم" اللي كان فاكر نفسه يقدر علي كل شيء ، بقي واقف عاجز قدام حته فيروس .. و العلماء اللياما شككوا في الله و كلامه ، وكسروا وصاياه و كفروا بيه و اتحدوا نظامه و خدموا الأخلاق ، بقوا بيدعوه يعلمهم و يلهمهم المخرج من هذا الجحيم ..


٩-سقطت اسطورة "التأمين" .. ايه اللي بيأمن مستقبلك و مستقبل ولادك و بلادك ؟؟ مفيش غير ستر الله و حمايته ، و مفيش بلد محمية اكتر من غيرها ، و مفيش حته تهرب لها ، ده حتي السفر مش موجود ..
١٠-سقطت اسطورة "الدول العظمي" .. لا باسبورات امريكا و لا كندا و لا اوروبا نافعة ، والطب والحماية عندهم بقت اقل من عندنا ، و الشغل و المستقبل المشرق راح من عندهم و تساوت كل البلاد ، كبير و صغير ..
كورونا صدقوني ح تخلص و اقرب مما تظنوا ..
لكن اوعي ترجع تاني بعد ما تخلص تصدق اساطير الدنيا اللي ضحكت بيها عليك و شغلت قلبك عن الله و حبه و خدمته و سماه و ابديته ..
الخير و النور قادم و بقوة ..
اوعوا تخافوا..

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق