يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

فرفشة

2020-03-27 21:37:10 حواء ...






- مالك ؟!

- مفيش

- مالك ؟!

- مفيش

- مااااااالك ؟!

- مفييييييش



هو سكت ليه ؟! مش هيسأل تانى طاه ؟!

ده قاعد بياكل وسايبنى الحيواااان 

يعنى كان لازم تعملى فيها صاحبة كرامة والاهتمام بيطلبش والقرف ده 

مكنتى تقولى وخلاص لازم تنشكى فى لسانك وتسكتى

ما تتهدى إنتى التانية

قلتها بعصبية لرجلى اللى بتتهز جامد أنا ناقصاها هى كمان

طيب أعمل إيه؟

بس اسكت اسكوووت اسكووووت

- زميلتى زعلانة منك عشان كلت اللحمة



ياااا غباااااى قلتلك متتكلمش أما إنت لسان قليل الذوق صحيح

بصلى كدة وضيقلى عنيه الحلوة قال إيه ... مستغرب!

مستغرب من إيه ده كمان؟!

- زميلة مين ولحمة إيه ؟!

بس بس مش هتتكلم ولا تنطق هتحترم نفسك وتلم كرامتك ده لو فى وتسكت



- لحمة المكرونة إيدك ماشية زى التعبان تنقيها

لا لا خلاص انا زهقت من لسانى عديم الحديم وكل حاجة فى الكون انا هسكت خااالص واتكلم بقى يا بيه 

- امممم وزميلتك مالها بقى بالموضوع

برقتله بعينيا وقلتله بكل غضب طبعا هو هنهزر فى اللحمة ولا إيه ؟!

- زميلتى زعلانة عشان حضرتك بتنقى اللحمة دلوقتى من الطبق وسايبلى المكرونة 

- سايبلها هى المكرونة



قالهالى بنباهة ورفعلى حاجبه البيه مش عاجبه كمان!

بس بصراحة اتوترت شكله كدة عرف إنى بتكلم عليا بس لا نكمل استهبال وانا وحظى

- طبعا هى ... وأنا مالى بالموضوع

- اممممم طب ما أنا سألتها مالك وهى قالتلى مفيش يبقى مدخليش نفسك ما بينا

- ها

يخربيتك قلبت القضية ضدك 

لاااا وألف لاااا ما انا مش هسيبه يكمل طفاسة وياكل بقية اللحمة

ربعت إيديا كدهون وقربت من الترابيزة وبصتله بكل جدية وعقلانية زوجة غير نكدية بالمرة

- جرب تسألها تانى وهتقولك

- امممم بجد

رفعت إكتافى اللى شبه إكتاف البقرة ونزلتها

هى البقرة عندها اكتاف ؟! مش مهم المهم أنهم عاجبنى

- بجد



ابتسملى كدة وخطف قلبى بصراحة وقرب هو كمان سند على الترابيزة وقالى

- مالك

- مفيش

# إسراء_الزغبى


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق