لما تلاقى نفسك متلخبط .. مش عارف اذا كنت مبسوط ولا زعلان ..

2020-02-28 15:09:38 منوعات ...






لما تلاقى
نفسك متلخبط .. مش عارف اذا كنت مبسوط ولا زعلان .. حزين ولا فرحان
.. فرحان بجمال الموسيقى الساحرة .. و زعلان لأنها بتفكرك
بأيام الطفولة و البراءة و



الناس الطيبين اللى راحوا و سابونا لوحدنا فى زمن مادى .. لما تختلط ابتسامة السعادة المرسومة على وشك بدموع الحنين
للذكريات الحلوة و اللمة الجميلة والدفا فى وسط

العيلة والحب اللى كان بيجمع الناس
.. و الأيام اللى كان كل حاجة فيها ليها طعم .. لما حلاوة الموسيقى اللى بتسمعها تفكرك
بريحة ماية الورد ( ماء الورد ) .. لما بنضيفه

على الحلويات عشان تزود لذتها و حلاوة
طعمها و ريحتها .. لما تحس ان الطيبة اللى وحشاك و غابت عنك من زمان قربت منك
.. والحب اللى افتقدته رجعت تحس بيه من



تانى .. لما الموسيقى
تفكرك بنفسك لما كنت طفل صغير قاعد فى المدرسة تعد وتحسب بالدقيقة والثانية و تسأل
زميلك اللى لابس ساعة فى ايديه وتقوله
: ( باقى اد ايه على ما

الحصة الأخيرة تخلص و الجرس يضرب؟ ) عشان تروح تتفرج على التليفزيون ... او تفتكر ايام اجازة الصيف
فى الضهر ( فترة الظهيرة
) و انت بتتفرج على مسلسل اللقاء

التانى او غوايش و تستناهم عشان تسمع
تتر المقدمة والنهاية و اللى كانت متابعتهم لوحدهم متعة كبيرة فى حد ذاتها
.. لما تحس برهبة و جمال ودهشة وانبهار زى اللى بتحس

بيهم و
انت ماشى تبص على جدران المعابد المصرية القديمة ( الفرعونية ) .. وتشوف روعة
نقوشها الزاهية والوانها الساحرة
.. لما تحس ان الشر اللى فى الدنيا اختفى



ومبقالهوش وجود للحظات قليلة و
ان معادش فى الدنيا إلا السحر و الحب والحنية والجمال و الفن
.. لما تحس بحاجات احلى واجمل بكتير من الكلام اللى قولته و
اللى قدرتى

على التعبير مش قادرة توصله و تحوله لكلمات .. اعرف انك بتسمع موسيقى
الفرعون الساحر عمر خيرت .. عمر خيرت اللى عامل زى الأهرامات فى شموخها .. النيل
فى

عطائه .. عمر خيرت اللى موسيقاه بتنسينى الدنيا وتحسسنى انى اتولدت من جديد ..
انه الساحر عمر خيرت




















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق