يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

تفاصيل قضية سفاح الجيزة والصدفة تكشفه

2020-11-17 16:17:54 حوادث و تحقيقات ...







قصة حقيقيه غريبة و عجيبه شخص ما اسمه قذافي من بولاق الدكرور.. قذافي من ٨ سنوات كان خاطب بنت عادي زي اي شاب.،وبعدين حاول يقيم علاقة غير شرعيه مع اخت خطيبته، اخت خطيبته رفضت و قررت تفضحه فاستدرجها لمحل سكنه اللي هو عبارة عن شقة بالدور الارضي بحي بولاق الدكرور و قتلها و حفر حفرة بأحد الغرف و دفنها فيها و ردم و بلط على الردم ، وبعدين فبرك مراسلات بين اخت خطيبته و بين فيك اكونت و اقنع اهل خطيبته انه عرف ان اختها حبت واحد و سافرتله دبي لانه وعدها بان هيخليها تبقى ممثلة سينيمائية و عارضة

تزامنا مع ده قذافي كان على تواصل مع صديقه منذ الطفولة اسمه رضا رضا كان شغال مهندس في احد دول الخليج و قذافي قدر يقنعه انه لازم يحوش حاجه للزمن و انه يقدر يشغله فلوسه و يستثمرها في سلسلة مكتبات للادوات المدرسية معاه و بالفعل فتحوا مكتبة مع الثقة دي المهندس رضا عمل توكيل لقذافي علشان يقدر يملكه معاه اي فرع يشتروه و يتعامل مع البنوك و الضرايب تمر السنين و المهندس رضا يكتشف ان صديقه بيصرف الفلوس و بيسرقه فيقرر يرجع مصر علشان يسترد امواله و يلغي التوكيل

قذافي و هو قاعد في المكتبة لقى في وشه المهندس رضا وبيهجم عليه و بيصرخ فيه " شقى عمري اللي سرقته فين " قذافي هداه و قاله انا مسرقتش حاجه و حالا تعالى عندي البيت اوريك الاوراق كلها و نتصافى و نفك الشراكة طالما انت بتخوني و بالفعل يروح معاه مسكن لقذافي في منطقة فيصل و قذافي يدس للمهندس رضا سم في الاكل و يخلص عليه و ينقل الجثة لشقته في بولاق عن طريق شنطة سفر كبيرة و يدفن المهندس رضا في غرفة اخرى و يبلط فوقيه ارضية الغرفة و يرمي الشنطة في ترعة المريوطية،

قذافي بيستخدم اوراق المهندس رضا في انه يستخرج بطاقة باسمه لكن بصورة رضا و اوراق ثبوتية اخرى لانتحال شخصية المهندس رضا و استخدم موبايل المهندس رضا في انه يبعت رسالة لاهله و يقولهم "الحقوني انا اتقبض عليا "و بعد كده حرق الموبايل . بعدها بفترة مرات قذافي شافت اوراق الثبوتية المزورة و لما سالت قذافي قذافي قرر التخلص منها بنفس الطريقة و دفنها في الشقة اللي اصبحت مقبرة لضحاياه. قذافي قطع علاقته بكل الناس و غير ارقام تليفوناته و سافر اسكندرية وبدأ حياة جديدة هناك وفتح محل ادوات كهربائية في العصافرة، وبعدين كان فيه بنت شغالة عنده في المحل أقنعها أنه بيحبها وعايز يتجوزها وخد منها 45 الف جنيه، ولما حست أنه بيلعب بيها قالت له عايزة فلوسي قالها ده انا اشتريت بيهم بضاعة، عايزاهم تعالي خدي البضاعة.. جت تاخد البضاعة من المخزن قتلها ودفنها في أرض المخزن. بعد كده قذافي اللي بقى اسمه رضا اتجوز دكتورة صيدلانية اسمها مي، و بعد سنة جواز اتخانق معاها وطلبت الطلاق، فدخل فيلا ابوها وسرق ذهب وفلوس، ولما الأمن تعقب الحرامي بالكاميرات طلع قذافي، فاتقبض عليه واتحكم عليه بسنة سجن.

في الوقت ده اهل المهندس رضا كانوا بيدوروا على اخوهم بقالهم 5 سنين، وبيشوفوا مين الجهة اللي قبضت عليه، اخيرا ظهر اسم اخوهم ذمة قضية سرقة في اسكندرية، ولما بيروحوا يشوفوا اخوهم ما بيلاقهوش رضا بيلاقوه صديق طفولته قذافي اللي انتحل اسم اخوهم اللي قتله وعاش بشخصيته. اهل رضا بلغوا الامن ان ده مش رضا و ان ده اسمه قذافي و كان صديق ليه الامن و بعد التضييق على قذافي قدر يخليه يعترف بقتل رضا و بقتل زوجته السابقة و بالفعل الامن استخرج الجثتين من الشقة و بعدين بالتحريات بدأ الامن يدور على اخت زوجته السابقة لحد ما قذافي اعترف بقتلها و بانها اول ضحاياه التلاته و ارشد عن مكان دفنها في نفس الشقة

و لكن مع التفتيش في محيط المختفين ممن لهم علاقة بقذافي تم اكتشاف جثة الضحية الرابعة البنت في مخزن اسكندرية
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق