كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

الشتا محتاج إيه؟؟؟

2020-01-13 17:35:49 صحة ...







فى الوقت ده من السنة بيكون الجو بارد جدا وتبدأ تحصل نزلات برد وكمان بيكون فيه صعوبة فى الشعور بالدفء وعشان كده هقولكم النهارة على بعض النصايح اللى هتساعدكم على التعامل مع الجو البارد .


١- المشروبات

أهم حاجه فى الشتا المشروبات الدافئه لكنها مش بس بتساعد على تدفئه الجسم لكن كمان بتساعد على التخلص من البرد الأنفلونزا هقولكم حالا على بعض المشروبات اللى مهمه تكون معانا فى الشتا 

◇الزنجبيل و الليمون 

ده تأثيره زى السحر فى حالات البرد الأنفلونزا وبيساعد فى مشكلة احتقان الزور وهو مضاد حيوى طبيعى والليمون معروف بفيتامين C .



◇القرفة

مش بس بتساعد على قتل الفيروسات لكنها كمان بتنشط الدورة الدموية وبتكون مفيدة للناس اللى عندهم ضعف فى الدورة الدموية عشان كده هى مهمة للتدفئة. 


☆ملحوظه الأفضل استبدال السكر بعسل نحل طبيعى لأن السكر بيضر بمناعة الجسم وبيضعفها وطبعا لو حد عنده أمراض مزمنة يستشير الطبيب قبل أما يجرب أى حاجه. 

٢-الثوم فص من الثوم متوسط على الريق بيعمل على تقوية جهاز المناعة وهو مضاد حيوى طبيعى وبيحتوى على مركبات الأليسين والألين اللى بتساعد على مكافحة البرد وبيساعد على التخلص من السموم . ٣-ممارسة التمارين الرياضية ممارسة الرياضة سواء كانت جرى أو مشى أو إيروبكس أو حتى اليوجا بتساعد على تنشيط الدورة الدموية وتنقية الدم وكمان بتساعد على الشعور بالنشاط والحيوية وتزود مناعة الجسم والتخلص من السموم . ٤-شرب المياة فى الشتا شرب المياة بيكون مهم زى الصيف حوالى ٧٠% من جسمنا مية فلازم نشرب مياة كتير لأنها بتخلص الجسم من السموم وتنضف الكليتين وتحافظ على ترطيب الجلد فى الشتا.  ٥-الفاكهة والخضروات أكل الفاكهة والخضروات مهم بشكل عام لكن فى الشتا محتاجينها أكتر لأننا بنبقى معرضين للإصابة بالأنفلونزا ونزلات البرد أكتر فالجسم هيكون محتاج فيتامينات ومعادن أكتر لمقاومة الأمراض . ٦-التنفس التنفس مهم جدا بيساعد على تدفئة الجسم ومقاومة البرد وبينقى الشوائب من الدم لو اتنفسنا بطريقة صحيحة. دلوقتى هشرحلكم نوعين من أنواع التنفس فى اليوجا بيساعد على تدفئة الجسم -النوع الأول (ujjayi breath) هناخد شهيق عن طريق الأنف ببطئ وبراحة ونحاول نطول المدة قدر الإمكان بعد كده هنخرج النفس عن طريق الفم بنفس الطريقة اللى بنعملها لما نحب نعمل بخار مية على الإزاز أو المرايا ممكن نبدأ ب ٣ دقايق وبعد كده نزود براحه فى الوقت .

-النوع التانى (breath of fire-lion breath ) هناخد شهيق و زفير عن طريق الانف بقوة لما نيجى ناخد شهيق البطن بتتملى زى البلونة بالظبط وتخرج لبره والزفير بنشفط البطن لجوه الشهيق والزفير بيكونوا بقوة وبسرعة بردو بنبدأ ب ٣ دقايق وبعد كده ممكن نزود. 
بكده نكون خلصنا اتمنى اكون ساعدتكم و قدمتلكم أسلحة فى مواجهة البرد.
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق