يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

مذكرات طبيب نفسي

2020-01-10 18:00:10 قصص و حكايات ...






يُفتح باب الغُرفة حيث يجلس الدكتور شوقي على مكتبه ويقابل مرضاه النفسيين ، يدخل ياسر ذو الوجه البشوش و الأعيُن الخجولة التي لا ترتفع عن الأرض الا نادرًا ،تقريبًا يحفظ تفاصيل الغرفة أكثر من الدكتور وعامل النظافة المُكلَف بترتيبها ، و يبدو ان ذلك نتيجة حركة عينيه العشوائية في كافة أرجاء الغرفة أملا في ألا تلتقي عيناه مع عيني الدكتور فينفضح أمره و يتبلل جبينه عرقا أكثر من ذلك ، يُلقي ياسر التحية على الطبيب وهو ينظر تحت قدميه ، يسحب الكرسي ببطئ ثم يتوسط الكرسي منكمشا ، يداه على ركبتيه ، وظهره منحني لا يلامس الكرسي في أي نقطة ، يجاهد نفسه كثيرا حتى يبدأ هو الحديث – كما يطلب منه الدكتور شوقي دائما – واخيرا يتمكن من ذلك ..

- ازيك يادكتور = اهلا وسهلا ياسر بيه ، بقالك جلستين مجيتش - مشاغل يادكتور مقدرتش افضي نفسي


= ماشاء الله ماشاء الله .. تطورنا وانفتحنا ع العالم الخارجي وبقا عندنا مشاغل كمان - هههههه مش بالظبط يادكتور د كان فرح ابن خالي ومينفعش اسيبه لوحده الفتره دي = اسعدني و قولي انك رقصتله ف الفرح كمان

- هههه لا مش للدرجادي يادكتور انا كويس اني حضرت .. قضيت نصه ع الترابيزه الاخيره ف القاعه والنص التاني برا القاعه = احبطتني يا ياسر .. 9 جلسات مش عارف اجيب معاك اي تقدم - مالهاش علاقه .. انا كنت جايلك بسبب مشاكلي ف الشغل و ان دايما حاسس رأيي هيعمل مشاكل لما اقوله .. لكن موضوع الافراح د انا رأيي فيه سلبي م زمان = ياسيدي ع الفلسفه .. ازاي ياعم ياسر

- لا بجد يادكتور .. انا مش بحب الافراح لاسباب كتير .. تجمع كبير بيضم ناس كتير نفوسها مش صافيه .. ناس جايه تعايب ع العريس وناس جايه تعايب ع العروسه .. ناس جايه تدور ع عريس وناس جايه تدور ع عروسه .. ف كمان ناس جايه تاكل وتمشي .. بنات بتلبس لبس يبدي اكثر مما يخفي .. اباء بتقع تحت طائلة الدياثه .. مشاعر مزيفه كتير وانا مبحبش كل د

= يااه .. الموضوع معاك مهم للدرجه اللي تخليك تحلل كل الابعاد دي .. متخيلتش هسمع منك كل د


... ساكت ليه يا ياسر ؟

- مش عارف اجاوب .. مش عارف انا فعلا مبحبش الافراح علشان الاسباب اللي انا قولتها دي ولا علشان مش بقدر اتكيف مع الوضع مش برقص علشان شايف الرقص د قلة قيمة .. ولا انا بقنع نفسي انه قلة قيمة علشان بتحرج أرقص الناس بتعايب ع العرسان فعلا يادكتور ولا انا اللي حاسسني كلي عيوب ويوم ماتجوز هتبهدل تريقه ؟

= انت بس اللي تقدر تجاوب - ما انا مش عارف يادكتور .. انا دايما بقولك ان رأي الناس فيا مبيفرقش معايا صح


= صح - مش عارف ان كان د حقيقه ولا انا اقنعت نفسي بكدا عشان رأيهم فيا بيكون سلبي اغلب الاوقات مش عارف انا وحيد عشان بحب الوحده ولا عامل نفسي بحب الوحده عشان مجبر عليها فاكر يادكتور يوم ما رفضوا يدولي الترقيه ف الشغل انا رديت عليهم قولت ايه ؟ انا حاكيلك مش كدا ؟ = ايوا قولت انت عارف قيمة جهدك وتعبك و مش محتاج اعتراف م حد .. والترقيه بالنسبالك ماهي الا فلوس اضافيه ودي مقدور عليها .. واعجبت بردك و دونت عندي اني احرزت تقدم معاك

- شوفت يادكتور ؟ انت نفسك اقتنعت ! انت اللي بتعالجني اقتنعت اني قايل كدا عن اقتناع و د مبدأي بس انا شخصيا مش عارف د حقيقه ولا هروب .. انا بتظاهر اني عارف قيمة نفسي و مقدر نفسي ومبيفرقش معايا تقدير الناس .. بس د علشان انا مش بتقدر م الناس أصلا = متقولش كدا يا ياسر - لا اقول يادكتور .. أقول كدا وماقولش غير كدا كمان .. عارف حتى الفلوس اللي قولت مقدور عليها انا عامل نفسي انها مش فارقه معايا علشان انا تقريبا مش عارف اعمل حاجه ف حياتي بسبب قلة الفلوس اللي معايا !

= علشان كدا متجوزتش ؟ - علشان كدا وعلشان مالقيتش الانسانه اللي تفهمني .. هو انا مالقيتش الانسانه اللي تفهمني فعلا يادكتور ولا انا بقول كدا علشان مافيش واحده هترضا بيا بكل مشاكلي النفسيه دي ؟ وحالتي الماديه كمان ؟

* ضحكه ساخره م ياسر *

دكتور انا مبتعاملش مع بنات اصلا ... ولا رجاله ! انا مبتعاملش مع حد جديد ف حياتي الا لو اجبرت ع كدا .. وبيفضل حد جديد لحد مافارقه ! كلهم جداد كلهم مقربتش منهم للدرجه اللي تمنعني اقول عليه انه معرفه جديده ! انا اعرف ناس قد شعر راسي يادكتور ومع ذلك معرفش حد بردو و بقول اني بمشي بسهوله م حياة اي حد .. اصلا ايه هيخلي المشيان صعب ؟ مانا محدش بيديلي اي حاجه يا دكتور ما د الطبيعي ! ايه هفتقده لما امشي غير رغبتي ان الناس دي تكون حواليا .. انما هما ما عندهمش اي رغبه فيا فمش بيدولي حاجه ! انا تقريبا بقول كدا علشان عارف ان مصيري بتساب لوحدي .. فبقولهم ان د ساهل .. انا عايش ف كدبه كبيره يادكتور

= ياسر كل د يتحل ومشاكلك النفسيه دي انت هنا علشان تحلها

- دكتور انا مش عارف انت بتساعدني فعلا ولا انا باجي علشان اقنع نفسي اني بروح عند دكتور نفسي ف اكيد مشاكلي هتتحل انا بفتح صندوقي الاسود هنا وبطلع املاه تاني واجي افرغ حمولتي عندك وامشي تاني مافيش جديد انا حاسس اني هخليك مريض زيي يادكتور مش انت اللي هتصحيني ! = معجب بجرأتك النهارده يا ياسر .. روق اعصابك و ارتاح خمس دقايق و بعدين نكمل ..

#مذكرات_طبيبب_نفسي .

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق