يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

اغذية مابعد سن الاربعين

2019-09-12 23:00:58 صحة ...






أغذية مابعد سن الأربعين :
زمان فى الكلية الدكاترة كانو بيعلمونا ياولاد بلغو أى حد بعد سن الأربعين يواظب على أسبرين الأطفال كل يوم قبل النوم كوقاية والعياذ بالله من جلطات النوم وموت الفجأة .
فى الأيام اللى فاتت الدراسات إختلفت وبدأت تشكك فى كده على الرغم من إن رأيى إن أسبرينة الأطفال غير مسببة للضرر أصلا للجسد وأحنا بسم الله ماشاء الله بنحب أوى نتعشى وننام فعندنا عوامل فى الوطن العربى مش موجودة عند البنى أدمين اللى عايشين فى الغرب .
أقسم بالله مرة جعت ١٢ بليل وأنا بالخارج الوفد المرافق ليا سألنى أنت عندك مشكلة صحية عندك حاجة فى معدتك رديت وقلتلهم عادى يعنى ياجماعة أحنا بنبتدى نجوع فى مصر بعد الساعة ١٢ ليلا ومن ساعتها وأنا متعلم الدرس ١٠ بليل أقفل بقى أخرى زبدية معدية برتقانة خيارة تفاحة مش لاقية حد ياكلها فى التلاجة .
المهم أعمل حسابك بعد الأربعين وأحب ننزل بالليفل شوية بعد التلاتين كبدك وشرايينك و قلبك معدش زى زمان أن أنت مبطلتش دخان و سيبت نفسك للعشا و النوم متزعلش لو انتهت حياتك بنهاية مأساوية .
عاوزك تدمن الأربعة دول فى أكلك وشوربك دول هيصينو ليك الشرايين بإنتظام واحد هيمنع التليف اللى بيكون مصاحب للتصلب اللى هوه الثوم و التانى بيمنع إرتفاع كولسترول الدم الضار اللى هوه زيت الزيتون و التالت بيمنع إرتفاع  حمض أمينى اسمه هوموسيستاين حاجة كده زى الكوليسترول فى الضرر اللى هوه البنجر والرابع والأخير اللى بيضمن إن شرايينك سالكة خاصة الدقيقة منها وبيوصل الدم ليها دايما اللى هوه الزنجبيل .
شير لغيرك وقوله بعد الأربعين ياصاحبى الثوم وزيت الزيتون والبنجر والزنجبيل أصدقائك .
دمتم بصحة .

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق