يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

اطفال متوحشه قصه اغرب من الخيال

2019-08-27 13:27:01 حوادث و تحقيقات ...






تعالى أحكيلك النهاردة عن قصة حقيقية أعجب وأغرب من إنك تصدقها، قصة لا تصلُح إلا للأفلام لكنها للأسف حقيقية 100%..

حتى وقتنا الحالي، تم إكتشاف حوالي 100 حالة طفل متوحش بس، ودول الأطفال إللي تم تركهم في طفولتهم وعزلهم عن البيئة الطبيعية تمامًا وإتسابوا يكبروا بمفردهم، أو ربتهم حيوانات تانية.. من أغرب الحالات دي، هي الأوكرانية Oxana Malaya.

قصة أوكسانا بتبتدي لما كان عندها 3 سنين، أهلها للأسف كانوا مدمنين مخدرات وكحوليات وفي ليلة أثناء أحد سهرات غيابهم عن الوعي، أخدوها بالليل لخارج البيت بتاعهم وسابوها بره، وكرد فعل فطري منها، أوكسانا بنت الـ3 سنين حاولت تزحف لأي مكان تدفى فيه وكان هنا هو وكر الكلاب البرية المجاور. وهنا حصل شيء أغرب من الخيال وهو إنه قطيع الكلاب ماحسش منها بأي نوع من التهديد أو الخوف وبالعكس شعروا بالحنان تجاها وتبنوها كفرد من القطيع بتاعهم.. وعدت أول أيام غيابها، محدش لاحظ إختفائها من المجاورين ولا أبوها وأمها دوروا عليها، ففضلت المسكية في مكانها، مع اللحم الني والشرب إللي كانت بتوفره ليها إناث القطيع.

عدت الأيام والشهور وبدأت أوكسانا تعيش حياة القطيع بالظبط. بدأت تخرج معاهم على أربع أطراف (أيديها ورجلها) وهما حواليها موفرينلها الحماية كجرو منهم، طول ماهي ماشية لسانها خارج من فمها وبتهرول وبتشرب حتى بلسانها زيهم من البرك والأنهار أو حتى من خراطيم الماية في الأكواخ والبيوت المجاورة لمكان الوكر.. 


لو فاكر إنه تأثرها بيهم توقف على كده، فانت متعرفش إنها حتى كانت بتستخدم فمها زيهم في التنضيف، لما بتتغرق ماية، بتنفضها عن نفسها بنفس طريقة الكلاب بتاع تحريك الرأس بسرعة والجسم.. أوكسانا حتى تعلمت منهم العوم ووصل لدرجة النباح.. أيوة كانت بتنبح، ومش زي محاولات البشر لتقليد نباح الكلاب، لا.. كان نباح كلب فعلي بزمجرة حادة وشرسه ماتقدرش تميزها عن نباح الكلاب الأصلي.

فضلت أوكسانا عايشة وسط قطيع الكلاب كفرد منهم، تبنوه كجرو ووفروله الأكل والشرب والحماية وعلموه إزاي ينجوا ويعيش في الغابة بجوار أحد المزارع في Novaya Kakhovka, Khersons'Ka Oblast', Ukraine لغاية ما نسيت تمامًا كُل ما يربطها بالبشر، سواء اللغة أو طريقة المشي والحركة والتصرف.. على رأي الباحثين، كانت حيوان في شكل بشري. بعد حوالي 5 سنين، أحد الجيران إللي نقلوا جديد للمنطقة، بلغت الشرطة إنها بتشوف أحد الأطفال بيتجول كتير وسط الحيونات البرية أو عايش وسطهم، وهنا الشرطة فعلًا عثرت عليها في 1991 وهي عندها 8 سنين.

طبعًا لما مسكوها كانت بتتصرف زي كلاب البيت بالظبط، قاعدة تلف حواليهم وتلعب وهي بتنبح ولما حد يقرب منها، بتظهر أسنانها إللي إتخذت شكل الأنياب وأصبحت حادة من أكل الحوم النية زي ما في الصورة تحت..  لما حققوا مع أهلها، إكتشفت الشرطة إنها كانت بتدخل المزرعة بتاع أبوها وامها وساعات بتخش البيت لكن لما حاولوا يتعاملوا معاها، كانت بتعاملهم أكنهم من فصيلة تانية ومش عارفين يتواصلوا معاها غير كحيوان ولاقوها بتعرفتاكل وتشرب وتتعايش بمفردها، فمعدوش بيعطوها أي اهتمام وبيعاملوها ككلب من إللي هي عايشة وسطهم.

للأسف الأطباء أهملوا تسجيل الملاحظات النفسية الخاصة بيها ومتابعتهم ليها ودا كان مشكلة كبيرة متعلقة بحالة زي دي، وكل اللي انتقل عنها هو إسمها "فتاة الكلب" مع ملاحظة مشهورة في كل الأوراق "كانت كالحيوان الصغير، تمشي على أربع وتأكل كالكلاب." مع فيديو وثائقي مشهور عنها وهي عايشة وسط الكلاب وبتتصرف زيهم (هتلاقيه في الكومنتات)

الطبيبة المتابعة ليها، سجلت في تقاريرها إنه حتى لما حاولت تتعامل مع أوكسانا في خطة التأهيل، كا أكنك بتروض كلب بالظبط، لما بطلب منها حاجة بتسمع الكلام وتتحرك بإشارتي.. لما حاولت تعلمها الكلام، كانت كلماتها غريبة وكأنها من شخص ميت، مفيش فيها إيقاع ولا نغمة ولا شيء مميز، لو كانت من روبوت، كانت هتطلع بشرية أكتر ودا كن مرعب جدًا لما فكروا إن دي هتبقى طريقة كلام الحيوانات لو إتعلمت تنطق.


مع الوقت والعلاج بدأت تتحول أكتر للجانب الإنساني والحضاري زي إنها تشكرالأطباء بالكلام، مش بالفعل زي الحيوانات.. لما تاخد حاجة عجباها، تحتفظ بيها عالسرير مش تحاول تحفر وتخبيها في الارض.

كانت عقليتها أثناء محاولة علاجها لا تتعدى الـ6 سنين.. بتعرف تعد لكن ما تجمعش ولا تطرح.. عارفة شكل الحروف، بس ما تعرفش تستهجأ ولا تكتب.  بعد فترة علاج مناسبة، تم وضعها في أحد ملاجئ الأطفال الخاصة وهناك علموها تمشي على رجلها من جديد وتتكلم كويس وتتصرف كشخص طبيعي وبالفعل نجحت في دا وحاليًا هي سيدة شابة وبتمارس حياتها بشكل طبيعي.

الشيء العجيب في الـ100 حالة دول، هو إنه الحيوانات بتختار تتبنى الأطفال كصغار فيهم، حتى قصة طرزان متاخده من قصة حقيقية هنتكلم عنها بعدين.


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق