كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

روايه جميله الفصل الخامس

2019-07-11 13:40:34 شعر و أدب ...








📗رواية: جميلة 💚
🌺الحلقه الخامسه🌺
بقلم الشيماء محمد
🔰 شويه و وليد صحي علي حد بيصحيه وفتح عنيه بالعافيه ولقي ميس فوق راسه ،.. أو اتهيأله إنها فوق راسه وفي شرار بيطلع من عنيها .....
ميس : أفتح عنيك وفوقلي كده 
وليد : في إيه مالك ؟؟
ميس : أنت مش عارف في إيه ؟؟وأنتي أصحي كده وقومي من جنبه 
جميله شدت الغطا عليها ومش عارفه تعمل إيه ؟؟
وليد هنا أستوعب هيا ميس مالها لما شاف جميله جنبه 
وليد : طيب اتفضلي أنتي بره وأنا جايلك 
ميس : مش هطلع بره اتفضل قوم يالا وأنتي قولتلك قومي من وشي 
وليد : محدش فينا هيقوم وأنتي فوق دامغنا كده اتفضلي علي اوضتك 
ميس : وليه إن شاء الله مكسوف ؟ ولا أنا مش متجوزاك قبلها إحنا بقالنا ثلاث سنين مع بعض أهوه فتفضل بقي قوم قدامي 
وليد اتعدل : قولتلك أطلعي بره دلوقتي وأنا جاي وراكي اتفضلي 
ميس : وأنا قلتلك مش هطلع غير وأنت قدامي 
وليد : وبعدين يا ميس معاكي 


🌹نبيله جت تجري علي صوتهم العالي وبنظره واحده فهمت الموقف .. جوزها في حضن واحده تانيه .. مش محتاجه لكلام 
نبيله : وبعدين معاكم ؟ ما تهدوا 
وليد : خليها تتفضل بره 
نبيله شدت ميس بالعافيه وقفلت الباب وراها واخدتها علي اوضتها 
بعد ما خرجوا 
جميله : قلت لحضرتك مراتك هتتضايق 
وليد : ماتشغليش بالك أنتي .. أنا هروحلها عايزه حاجه أنتي ؟
جميله : والنبي ما تزعلها 
وليد بصلها باستغراب : زي ما قلتلك ما تشغليش بالك أنتي ....
🔰عند ميس في اوضتها 
ميس : طبعاً لازم تيجي في صف أبنك 
نبيله : أنا مش باجي في صف أبني بس أنتي ما ينفعش تخرجي وتقوليله براحتك وتيجي بعدها تتجنني بالشكل ده 
ميس : أنا قلتله يأدي وظيفه مش يروح يفضل في حضنها 
نبيله : تفرق إيه ؟
ميس : لا تفرق كتير قوي يا حماتي .. كده هو بيعتبرها زوجه بجد مش مجرد واحده هتخلف وتمشي 
نبيله : والله أنا شيفاها ما تفرقش .. أهي واحطده تاخدلها يومين وتمشي فضل معاها وظيفه ! فضل معاها متعه !! فضل معاها بأي شكل !! كله في الآخر نتيجه واحده !! غرضنا هيتحقق وبس 
ميس : أنتي أزاي بتتكلمي كده ؟
نبيله : يعني أنتي عاجبك اعمامه اللي عايزين يورثوه بالحيا ولا بيحاولو يقتلوه ؟ ولا عاجبك إن حتي أبوكي بيعايروه إن محدش يورثه ؟ ولا عاجبك شماتتهم فيكم أنكم مخلفتوش لحد النهارده ؟ شوفي يا ميس أنتي عمر ماحد فينا داسلك علي طرف هنا والكل متمسك بيكي بس لازم تعقلي وتحطي المصلحه العامه قبل غيرتك .. عارفه إن الموضوع صعب إنك تقبلي واحده تانيه مع جوزك بس أنتي سبق ووافقتي وهو معملش حاجه غلط 
🎐ميس : أنتي بتعايريني يا حماتي أني ما بخلفش ؟
نبيله : أنا قلت كده ؟ ميس فوقي بقي أنا لو هعايرك يبقي من باب أولى كنت أقنعت أبني من زمان يسيبك ويتجوز غيرك لكن أنا أعتبرتك زي بنتي
دخل وليد زي العاصفه 
وليد : إيه الهبل اللي أنتي بتعمليه ده ؟
ميس : غيرتي علي جوزي بتسميها هبل ؟
وليد : غيرتك ؟ بجد ؟ وأنتي من أمتي بتغيري أصلا ؟ هاه ؟ وكانت فين غيرتك لما روحتي جبتيها بنفسك وطلبتي مني اتجوزها؟
💞ميس : مكنتش متخيله إن سيادتك هتفضل معاها وكنت متفقه مع دكتور يخلص الموضوع 
وليد : وقلتلك قبل ما اتجوزها وشرطت عليكي ووافقتي معترضه ليه دلوقتي ؟
ميس : ما اتفقناش تفضل في حضنها 
وليد : وأنتي مضايقك نومي في حضنها ليه ؟؟ ولا علشان عارفه إنك مقصره في النقطه دي ؟
ميس : أفندم ؟؟ أنت بتقول إيه ؟
وليد : اللي سمعتيه وفهمتيه...
ميس : وأنت بقي بتعاقبني ؟ علشان أنا مبحبش أنام في حضن حد أو حد يكتفني تروح تنام في حضنها ؟؟
وليد: برضه مصره تقولي حد ؟؟ أنتي مسميه الحضن تكتيفه عايزه إيه مني بقي ؟؟


🎐ميس : يعني انا مستغربه منين مكنتش عايز تتجوز ومنين دلوقتي عاجبك النوم في حضنها ؟؟
وليد باستفزاز : مش النوم في حضنها بس اللي عاجبني !!
يدوب ميس هترد نبيله اتدخلت
نبيله : وبعدين معاكم أنتو الإثنين ؟؟ علي الأقل احترموا وجودي وسطكم .. أتفضل يا وليد أدخل خدلك دش فوق كده وأنتي اتفضلي غيري هدومك واستهدوا بالله كده 
كل واحد مشي في ناحيه
 
♦ونبيله خرجت وسابتهم وراحت عند جميله اللي كانت لبست وقاعده متوتره
جميله : خير يا هانم
نبيله : هو أنتي داخله البيت ده وناويه علي خرابه ولا إيه ؟
جميله : ليه بس يا ست هانم أنا عملت إيه ؟
نبيله : أنتي عارفه أنتي بتعملي إيه ؟ أبعدي عن وليد وأوعى تحلمي إن ممكن تكوني زوجه بجد .. أنتي مجرد رحم بنأجره أو كرسي في محطه بيريح عليه لحظه علشان يكمل مشواره فما تحلميش باكتر من كده 
جميله الكلام وجعها بس ما ردتش 
جميله : عارفه يا هانم 😔
😔سابتها وخرجت وراحت اوضتها وجميله قعدت مكانها تفكر وتتخيل ايه اللي هيجرالها في البيت ده وهتشوف ايه فيه ؟
وليد خرج من حمامه ومش عارف يعمل ايه ؟ وفي الاخر قرر ينام علشان شغله الصبح 
رقد علي السرير وطفي النور وميس كانت في السرير هيا كمان 
قربت منه وحاولت تصالحه 
ميس : حقك عليا مكنش قصدي اتنرفز كده !! بس صعب قوي اشوفك في حضن غيري 
وليد : يبقي خليني في حضنك انتي وانا مش هروح لحضن غيرك 
فضلوا مع بعض كتير وهيا حاولت تفضل في حضنه وعلي كتفه بس شويه وبعدت وتخيلت ان وليد نام خلاص 
وليد : مش قادره صح ؟
ميس : مش بحب كده يا وليد ما تضغطش عليا وبعدين ما احنا بقالنا كام سنه متجوزين اشمعنا دلوقتي فرق معاك؟؟
وليد فكر يقولها : علشان جربته .. جربت ان واحده تفضل في حضني وتحسسني ان انا امانها وانا دنيتها .. جربت ان انا افضل في حضن واحده وارمي همومي واحمالي كلها عليها وهيا تشيلها .. جربت ان انا ارجع عيل صغير في حضن امه .. انتي ما تتخيليش الحضن ده مهم ازاي ؟؟؟ 
طبعا وليد سكت ومقالش ولا كلمه من اللي فكر فيهم دول لانه لو قالهم هيخسر ميس .. او هتعمل فجوه كبيره بينهم .. وهتولد كراهيه زياده لجميله .. 
فسكت وما اتكلمش 
ميس : مش بترد ليه ؟ ليه الحضن مهم قوي ؟
وليد : عادي بقي ما تشغليش نفسك ... تصبحي علي خير .. عندنا شغل بدري 
الصبح نزلوا الاتنين مع بعض وشكلهم غني عن اي سؤال 
جميله : الفطار جاهز 
وليد بصلها وماردش 
ميس : وانتي مالك انتي بفطارنا ؟
جميله : ست علية قالتلي ابلغكم 
ميس هتتكلم بس وليد اتكلم وسكتها 
وليد : هتفطري قومي مش هتفطري اسكتي .. روحي انتي يا جميله 
🌺ميس : لا أستني هنا .. أنتي تنضفيلي البيت كله .. عندي حفله بكره مهمه تخلصي كل البيت النهارده 
وليد : اشمعني هيا اللي تنظف البيت ؟ في شغالين كتير في البيت وبعدين البيت أكبر من أن حد يقدر ينظفه لوحده 
ميس : ممكن ما تدخلش في أمور البيت ؟
وليد : ما تطلبيش من جميله وأنا مش هتدخل 
جميله : حاضر يا هانم هترجعي حضرتك تلاقي البيت زي الفل 
وليد : أنتي مش هتنظفيه 
ميس : وأنا قلت مالكش دعوه بشغل البيت 
نبيله نزلت وسمعت خناقهم
نبيله : لا بقي ده إحنا هنام ونصحي علي خناقكم ولا إيه ؟ وليد ميس اتفضلوا علي اشغالكم يالا 
ميس : تنظف البيت هيا 
نبيله : حاضر هخليها تنظف البيت 
وليد : مش هتنظفه .. وقسما بالله لو حملتوها فوق طاقتها مش هيحصل خير 
نبيله : أمشوا علي اشغالكم وأنت يا وليد ما تدخلش في شغل البيت .. سبق وقولتلك أنا موجوده 
وليد : حاضر يا أمي .. أنتي موجوده وأنا هحترم ده .. بعد إذنكم
ميس : أستني همشي معاك أطلع وهحصلك
بعد ماهو خرج نادت علي علية
علية : أفندم يا هانم
ميس : تخليها تنظف البيت ومحدش يساعدها حتي في قشه فاهمه ؟ بعد إذنك يا حماتي 
سابتهم وخرجت والإثنين بصوا لنبيله 
نبيله : بتبصولي ليه ؟ نفذوا اللي قالته الهانم الصغيره اتحركوا .. 
ركبوا مع بعض وراحوا علي شغلهم وكل واحد علي مكتبه من سكات لدرجه ما ردوش علي شريف اللي رايح ناحيتهم بيصبح عليهم بس اتفاجيء كل واحد مشي من ناحيه ووقف في النص محتار يروح لمين فيهم الاول ؟ واخيرا قرر ودخل لوليد
🌼شريف : في إيه علي الصبح مالكم ؟
وليد : أسأل بنتك 
شريف : ما أنا هسألها بس قولت اسمع منك الاول لانها بتحب تبالغ شويه 
وليد انفجر : سيادتها أمبارح تقولي خارجه وأنت روح لجميله ولما ترجع تلاقيني معاها تقلب الدنيا وخناق وقرف وزفت والصبح بتطلب منها طلبات اوفر قوي محدش يقدر يعملها 
شريف : وانت متضايق علشان خناقكم مع بعض ولا متضايق انها هتشغل جميله شغل متعب ؟
وليد اتفاجيء بالسؤال ومعرفش يجاوب للحظه 
وليد : متضايق علشان كله .. مش معني انها بتعتبر جميله شغاله انها تعاقبها علي غيظها مني .. 
شريف : اهمم فهمت يعني متضايق بس علشان هيا بتطلب حاجات اوفر من جميله ؟
وليد : البنت مش علشان قبلت بعرضكم انكم تعذبوها 
شريف : كده انا فهمت .. بعد اذنك 
وليد : عقل بنتك يا عمي لأني مش هستحمل الخناق ده كتير 
🔰شريف راح لبنته مكتبها 
شريف : سيادتك مالك بقي ؟ بتتخانقي مع جوزك ليه ؟ ما ينفعش تقوليله يروحلها ولما يروح تتخانقي ؟
ميس : هو قالك كده ؟ اللي سيادته ماقالهوش انا اه طلبت منه يروحلها بس ما يفضلش في حضنها .. ما ارجعش انا اخر الليل الاقيه نايم وغرقان في النوم في حضنها 
شريف : انا مش فاهم انتي معترضه علي ايه ؟؟
ميس : يووه يا بابا يعني اقولك ايه ؟ اتفاقنا يأدي وظيفه ويقوم يطلع بره يرجع اوضته لكن مش يفضل معاها و في حضنها للصبح لولا ان انا صحيته 
شريف : اهمم فهمت وايه بقي حكايه الطلبات الاوفر دي لجميله ؟
ميس : بطلب منها تعمل حاجات في شغل البيت ماله هو بقي ؟ بيتدخل ليه ؟
شريف : علشان انتي غبيه .. هو حاليا بيبص للموضوع من وجهه نظر انها صعبانه عليه وحرام وكده اوفر لكن باستمرار خناقك وغباءك ده هيشوف حاجه تانيه 
ميس : اللي هيا إيه ؟
شريف : اللي هيا بنت بتتحمل مهما يعذبوها وبتعمل علشانه المستحيل لا وكمان بتاخده في حضنها اخر الليل ولسه كمان لما تشيل ابنه .. وبعدها يسأل نفسه انا ليه مفضلش مع دي علي طول ؟ وايه اللي يخليني ارتبط بالشريره اللي هيا سيادتك 
ميس : أنا شريره يا بابا ؟


🎐شريف : هو مع الوقت هيشوفك كده ؟
ميس : أنا غلطانه أصلاً من الاول اني سمعت كلامك من هنا ورايح انا همشي وري دماغي أنا وبس ومش هسمع لحضرتك من تاني ... 
شريف : أنتي حره أنا نصحتك وأنتي حره 
ميس : وأنا آخر مره سمعت نصيحتك وافقت أن جوزي يتجوز خدامه عندي 
شريف : أما يتجوز قدامك أحسن ما يتجوز من وراكي وتتفاجئي بمراته وعياله 
ميس : وليد عمره ما كان يعملها 
شريف : دلوقتي آه الله أعلم بكره إيه ؟
ميس : بابا إذا سمحت بقي .. أنا ورايا شغل 
وليد رجع آخر النهار هو وميس وكان بيدور بعنيه علي جميله يطمن عليها 
وكالعاده الأكل اتحط وهو بيتحطله أكل خاص بيه لوحده وهو أول ما بيدوق أول معلقه بيعرف إنه من أيد جميله ...
شافها بعد ما أكلوا وميس مرقباه لما شافها 
جميله : اتفضلوا القهوه 
وليد : متشكر .. أستني
جميله وقفت : خير 
وليد : أطلعي أرتاحي ما تعمليش أي حاجه تاني 
ميس : اشمعني بقي ؟
وليد : علشان أنا قلت كده اطلعي يا جميله اوضتك 
جميله استأذنت وطلعت اوضتها وغرقت في النوم
وليد مع ميس بس مشغول بجميله وشكلها المرهق 
ميس : عايز تروحلها روح يا وليد .. ساعه واحده مش أكثر 
وليد : أنا مش مستني إذنك يا ميس ولو عايزها مش هتمنعيني 
😔ميس بخوف : أنت بطلت تحبني يا وليد ؟
وليد : لا يا ميس بس أنتي بقيتي إنسانه غريبه جدا
ميس : انا بحبك قوي يا وليد ومش عارفه أنا أزاي وافقت علي جوازك !! ما تخيلتش إنه هيبقي صعب قوي كده 
وليد : آمال كنتي متخيله إيه ؟ إنه عادي كده ؟
ميس : معرفش معرفش .. بس الموضوع بيوجع قوي
وليد أخدها في حضنه : اللي حصل حصل خلاص المهم حاليا أني بحبك أنتي وبس 
🎐ميس : ممكن اسألك سؤال ؟
وليد : اسألي 
ميس : انت بتكون مبسوط معاها ؟
وليد معرفش يقولها إيه ؟
ميس : محتاجه أسمع الإجابة منك يا وليد 
وليد : عادي يا ميس .. اللي أنا عارفه وواثق فيه إنك أنتي وبس حبيبتي فهمتي ؟
ضمها وسكتها لأنه معندوش إستعداد يجاوب علي أسئله هو مش عارف اجاباتها أصلا 
🌺أخيراً ميس نامت وهو انسحب بهدوء راح لجميله اللي كانت مهدوده من التعب .. رقد جنبها بهدوء وباسها في رقبتها فصحيت 
جميله : سي وليد .. محتاج حاجه ؟ 
وليد : حبيت اطمن عليكي مش اكتر 
اتعدلت جميله وبصتله : انا كويسه ما تقلقش عليا وبعدين مفيش حاجه ست ميس هتطلبها مني معملتش اصعب منها مليون مره .. ما تخافش عليا 
وليد اتفاجئ بنفسه بيمسك ايدها ويبوسها وجميله اتحرجت وحاولت تشد ايدها بس منعها
جميله : ما يصحش
وليد : ايه هو بالظبط اللي ما يصحش ؟ انتي مراتي
جميله : وانا تحت امرك بس تبوس ايدي !
وليد : في فرق يا جميله بين بوس الايد عامه ولما الراجل يبوس ايد مراته
🌹جميله : هو أنا مراتك بجد يا سي وليد ؟
وليد : مش اتجوزنا أنا وأنتي وكان في شهود ؟ وأهلك عارفين إنك هنا مراتي ؟؟ يبقي جواز شرعا الا اذا أنتي اتجوزتيني غصب عنك مثلا 
منعته يكمل : أوعى تكمل .. ده حلم .. ده حتي أكثر من الحلم أنا حتي أحلامي ما كانتش توصل ليك أبدآ .. أنا بس بسأل علي نقطه أننا اتجوزنا من غير مأذون .. كده جوازنا حلال ولا حرام ؟؟
وليد فكر شويه : بصي اللي اعرفه في النقطه دي ان اهم شرط من شروط صحه الجواز هو الاشهار بمعني ان اهلك يكونوا عارفين واهلي عارفين بغض النظر عن الناس عامه .. اما نقطه المأذون فدي لمجرد حفظ الحقوق لان القانون مش بيعترف بيه لكن شرعا انتي مراتي طالما اتجوزتك بعلم من اهلك وبعدين اللي اعرفه كمان ان من أركان العقد ولي أمر المرأة يوافق بمعنى أن ولي أمر المرأة هو اللي لازم أن يتولى عقد الزواج بنفسه أو بوكالة، فيقولي : زوجتك ابنتي أو موكلتي، وانااقوله : قبلت، ودا بناء على أحاديث كتيرة وردت في المجال دا تبين أنه لازم لعقد الزواج من وجود ولي أمر المرأة مثل قوله صلى الله عليه وسلم: “لا نكاح إلا بولي” وقوله صلى الله عليه وسلم: “أيما امرأة نكحت بغير إذن وليها فنكاحها باطل”
وانتي عمك كان موجود واهلك عارفين كلهم وانا اهلي عارفين يبقي اعتقد ان جوازنا شرعي يا جميله .. بس لو حابه اني اتأكد هتأكد 
جميله : ياريت تتأكد .. لأني مش عايزه قربي منك يكون فيه حرمانيه 
وليد : حاضر يا جميله ...( بصلها شويه وسألها) بتحبيني يا جميله ؟
جميله بصت للأرض ووليد رفعلها وشها تبصله 
وليد : سألتك سؤال جاوبيني .. بتحبيني ؟
جميله : لا مش بحبك ( قبل ما يتكلم كملت ) أنا بعشقك .. هو مش عيب أبدآ إن الواحده تحب جوزها وتعشقه صح يا سي وليد ؟
وليد : صح طبعاً بس مش خايفه إن أنا محبكيش ؟
جميله : لا مش خايفه كفايه عليا قوي أني مراتك ولو لفتره بسيطه عندي حبي وذكرياتي ودول ملكي محدش يقدر أبدآ ياخدهم مني
وليد : ودول كفايه ؟
جميله : بالنسبالي اكتر من الكفايه


💞وليد : أنتي إنسانه غريبه قوي يا جميله .. غريبه 
جميله : متهيألك علشان أنتو من طبقه غير طبقتنا
وليد : لا الحب مش بيعرف طبقات يا جميله .. الحب !! الحب ببساطه .. 
فضل في حضنها الليل كله والصبح بدري صحي علي نبيله بتصحيه 
وليد : صباح الخير يا ست الكل 
نبيله : صباح الخير حبيبي .. قوم روح اوضتك قبل ما مراتك تصحي قوم .. وأنتي يا جميله قومي حضريله فطار
جميله : حاضر يا هانم 
سابتهم وخرجت وهو قام وقبل ما يخرج 
وليد : لو عايزه تكملي نوم نامي وأرتاحي ملكيش دعوه بحد 
جميله : أنت ما تتخيلش ببقي مبسوطه قد إيه وأنا بعملك أي حاجه 
وليد : وأنتي ما تتخيليش ببقي مبسوط قد إيه وأنا باكل من أيدك أنتي 
♦دخل اوضته ودخل ياخد شاور وخرج كانت مراته صاحيه فبيلبس من غير ما يبصلها وهيا كمان قامت بتلبس وساكته 
وليد : ساكته ليه كده ؟
ميس : عادي 
وليد: لا بجد مالك ؟؟
ميس : مستغرباك 
وليد : اشمعني ؟
ميس : انك متخيل اني مش بحس بيك لما تقوم من جنبي وتفضل الليل كله بعيد ؟ 
وليد : وبعدين معاكي ؟
ميس : وبعدين معاك انت ؟ ارجوك ما تستغفلنيش كده ؟
وليد : انا مش بستغفلك يا ميس 
ميس : امال بتعمل ايه ؟
وليد : انا اتجوزت جميله لسبب معين صح ؟ 
ميس : وبعدين ؟
وليد : السبب ده مش هيحصل لوحده 
ميس : بس برضه ده مش سبب انك تروح تقضي جنبها الليل كله ؟
وليد : مش عايز اجرح مشاعرك يا ميس وعارف ان الموضوع صعب عليكي فبحاول ما احطكيش في موقف صعب او اجرح مشاعرك اكتر من كده مش اكتر .. علشان كده بحاول اخرج بهدوء وارجع بهدوء برضه علشان ما اضايقكيش 
ميس : بس يا وليد ؟ علشان كده بس ؟
وليد ضمها : اكيد حبيبتي علشان كده بس 
نزلوا الاتنين ايديهم في ايدين بعض وشافتهم جميله نازلين وبصت بعيد .. ايوه هيا خدامه هنا وايوه ملهاش حقوق بس برضه بتحبه ؟
🌼جميله دخلت تجيب باقي الأكل من جوه وخرجت كانت ميس بتحط حاجه في بوق وليد وبتبوسه 
جميله وقفت مكانها واتحرجت ومعرفتش تعمل إيه ؟
ميس : واقفه كده ليه ؟ حطي اللي في أيدك وروحي
وليد بص وراه ولقاها جميله وعنيه اتقابلوا مع عنيها للحظه بس شاف فيهم وجع اللي اتنقله هو بسرعه ومش فاهم هو ليه حاسس بوجع جميله وليه مضايقه قوي كده ...
خرج وليد علي العربيه وميس هتحصله 
ميس : النهارده العزومه اللي قلتلك عليها أمبارح جهزي الأكل اللي علية تقولك عليه 
جميله : حاضر يا هانم 
ميس : أوعى تتخيلي للحظه إن وليد ممكن يبصلك بجد أو يبصلك كزوجه 
جميله : عارفه يا هانم 
ميس خرجت وركبت جنب وليد اللي فجأه اكتشف إنه ناسي موبيله فوق في اوضته 
وليد : لحظه يا ميس هطلع أجيب الموبيل بسرعه 
دخل وليد بسرعه كانت جميله في اوضته بترتبها قبل ما تدخل المطبخ وأول ما دخل بصلها كتير قوي
جميله : خير ناسي حاجه ؟
وليد : موبيلي 
🌹جميله بصت حواليها لحد ما شافته علي الشاحن شالته وعطتهوله وهو مسك أيدها 
وليد : مش عارف أقولك إيه ؟
جميله بإبتسامة : ما تقولش أي حاجه فاهمه أنت عايز تقول إيه من غير ما تقول
وليد : طيب ما تضايقيش مني 
جميله : عمري .. روح لمراتك روح ما تقلقش عليا 
مشي خطوه ورجع ضمها جامد لحضنه واستغرب ان هو كان محتاج الحضن ده ولا عمله علشان جميله محتاجاه ؟
رجعوا اخر النهار جهزوا لاستقبال ضيوفهم وقعدوا علي السفره الطويله العريضه اللي وليد حس انها معموله بشقي جميله وتعبها وحس فجأه انه مش قادر ياكل لقمه واحده ..
ميس : إيه رأيكم ؟ عجبكم الأكل ؟ 
صحباتها : تحفه 
 أنتي جبتي طباخ جديد 
 ده مش أكل علية أبدآ 
 إيه السر بقي قوليلنا 
محي : أكيد طبعاً طباخ جديد 
علاء : بيت عمي ميخلاش أبدآ 
ميس : هريحكم لحظه .. جميله ... جميله 
وليد جمد للحظه واتوتر ومش عارف مراته ناويه علي إيه بالظبط ؟
♦جميله خرجت : خير يا هانم ؟
ميس : الضيوف كلهم عاجبهم أكلك 
جميله بإبتسامة : بالهنا .. تؤمريني بأي حاجه تانيه؟
ميس : أهي دي جميله اللي عملت الأكل ده كله .. في اي وقت حد محتاج حاجه يقولي وأنا ابعتهالو
وليد و نبيله وشريف وجميله كلهم بصولها 
وليد : لا طبعاً يا ميس .. جميله ما تطلعش بره البيت أبدآ 
محي : ليه بقي علي رجليها نقش الحنه ولا إيه ؟ أنا هعمل عزومه مهمه اخر الاسبوع وتبقي تبعتهالي
وليد اتعصب : مع أحترامي لحضرتك يا عمي بس لأ ..
علاء بخبث : اشمعني .. هيا آه حلوه حبتين 
وليد وقف والكل سكت وبصله
وليد : كلمه زياده يا علاء أو تلميح سخيف مش هقبل فاهم ولا لأ ؟
😔نبيله : خلاص أهدي يا وليد وأقعد ...
محي : مالك يا إبن أخويا متعصب ليه كده ؟
وليد بهدوء : لا مش متعصب يا عمي ابدا انا هادي اهوه 
علاء : امال رافض ليه يا ابن عمي ؟
وليد : هجاوبك يا ابن عمي ... لأن جميله ملكيه خاصه ليا وأنا مبحبش حد يشاركني حاجتي الخاصه أعتقد كده جاوبتك ؟
الإجابة ذهلت الكل لأن ليها أكثر من معني وميس اتجننت من جوزها 
ميس : بعد إذنكم هوصي علي الحلو يجهز 
قامت علشان ما تتهورش قدام الناس و وليد قام وراها هو كمان وأول ما دخل التفتله 
ميس : أنت اتجننت ؟؟ ما تقول أحسن إنها مراتك
وليد : قسما بالله يا ميس لو حركه من حركاتك الغريبه دي أتكررت تاني لاعلن فعلا قدام الكل إنها مراتي وإنها ضرتك واحطها في فيلا أكبر من دي تلات مرات وهساويها بيكي لأن أنتي كده تخطيتي كل الحدود 
🌹ميس اتصدمت من كلام وليد وللحظه مش عارفه ترد في إيه ؟؟ مالكم ؟؟؟
وضحكه خبيثه اتضحكت الاثنين بصوا ليه بغيظ

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق