كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

روايه جميله الفصل الرابع.

2019-07-11 13:37:39 شعر و أدب ...






ل
📗 رواية: جميلة 💚
🌺 الحلقه الرابعه 🌺


🎐وليد خرج من عندها كعادته بفوطه وبيتلفت حواليه ومره واحده صوت فاجئه من وراه 
 بتعمل إيه هنا ؟؟ أنت نمت عندك ولا إيه ؟؟ أنت فعلاً مش هتجيبها البر 
وليد : بقولك إيه ما تشغليش بالك ؟
نبيله : مراتك لو عرفت 
وليد : هتعمل إيه ؟ هنتخانق مع بعض !! 
نبيله : نفسي أعرف أنت أتغيرت كده أزاي وأمتى ؟ وبعدين إيه اللي عاجبك فيها ؟ علشان حلوه حبتين ؟ أنت مش كده ؟؟
وليد : لا طبعاً حلاوتها دي حاجة جانبية لكن اللي عاجبني فيها حاجه ملقتهاش ولا عندك ولا عند ميس 
نبيله : تطلع إيه بقي دي ؟؟
وليد : حنيتها 
نبيله : ماشي يا أبو حنيه المهم هتفضل كل شويه تطلعلي بفوطه كده ؟؟
وليد : قولتلك كام مره حطيلي هدوم في أوضتها ؟ وهقولك لآخر مره حطيلي هدوم في أوضتها 
💞سابها ودخل لمراته اللي كانت نايمه لبس ونازل 
ميس : أنت صحيت أمتي ؟؟
وليد : يدوب من شويه ؟؟
ميس : طيب تعال جنبي 
وليد : لا الجو حر 
ميس : أنت بتعاقبني ؟؟ 
وليد : ولا أعاقبك ولا تعاقبيني 
ميس : حبيبي .. طيب أنت قولي أعمل إيه ؟ مش بحب أنام في حضن حد 
وليد : حد ؟؟ هو أنا حد ؟؟ ما علينا يا ميس ورانا شغل اتفضلي قومي ،، أنا هسبقك سلام 
سابها ونزل كانت جميله بتحط الفطار علي السفره فجه من وراها وضمها وباسها في رقبتها 
جميله : سي وليد ما ينفعش كده حد يشوفنا 
جت تبعد بس هو مسكها 
وليد : ما يشوفوا عادي 
جميله : ميس هانم 
وليد : ميس لسه في السرير وعلشان تفوق وتنزل فيها ساعه علي الأقل وبعدين حتي لو شافتنا أنتي مراتي ولا إيه ! 
جميله : طيب أقعد أفطر ما تنزلش علي لحم بطنك .. 
وليد : مين عامل الفطار ؟؟
جميله : أنا عملاه 
وليد : يبقي هفطر ... أنا عايزك أنتي تعمليلي الأكل
جميله : طيب أزاي ميس هانم قالت ما أدخلش المطبخ 
وليد : ما أنتي دخلتي أهو ؟
جميله : علشان نايمه لكن الغدا صعب 
وليد : أتصرفي .. أخترعي أي سبب 
باسها في خدها ويدوب بيضمها 💞
نبيله من وراه : وبعدين ؟؟ اتفضلي من هنا أنتي ؟؟
وليد : روحي أنتي ووريني شطارتك 
جميله مشيت وهو باصصلها 


♦نبيله : انت ناوي تولع البيت أفرض مراتك نزلت وأنت حاضنها كده ؟؟ 
وليد : مراتي وحاضنها 
نبيله : وليد أعقل ... جميله قدام ميس خدامه وبس 
وليد : بقولك إيه يا أمي أرجوكي عايز أفطر بهدوء وأنزل شغلي 
نبيله : أفطر وماله 
فطر ونزل علي شغله وهناك في مكتبه 
دخل واحد متعصب ومتنرفز في مكتب وليد 
هدى السكرتيره : آسفه يا أفندم 
وليد : خلاص يا هدى روحي أنتي .. خير يا عمي في إيه ؟؟
عمه محي الدين : خير وهيجي منين الخير !! أنت أزاي ترفض المشروع اللي أنا مقدمه للإدارة ؟؟ بأي حق بترفضه ؟؟
وليد : عمي أقعد وأهدى لو سمحت 
محي : أقعد وأهدى .. وعمي ؟؟هو أنت خليت فيها أعمام .. أنت ولا عامل لأي حد فينا إعتبار 
وليد : ليه بس يا عمي ؟؟ أنت إيه اللي مضايقك دلوقتي ؟؟
محي : أنت رفضت المشروع وطبعاً حماك وراك شريف باشا وبالتالي الإداره رفضت المشروع 
وليد : وأنت إيه اللي يضايقك ؟؟ مشروع أتقدم وأترفض فين المشكله ؟؟ 
محي معرفش يقول إيه لأن غضبه مبني علي أساس إن أكثر من نص الربح هيدخل جيبه لأنه متفق مع الشركه اللي هيستوردوا منها إنهم هيستورد حاجات مضروبه بسعر الأصلي وفرق السعر هيحطه في جيبه وطبعاً برفض المشروع المكسب بتاعه راح 
وليد : إيه يا عمي سكت ليه ؟؟ إيه اللي مضايقك ؟؟
محي بتردد : لأن أنا اللي طلبت المشروع ده وكنت هخلي علاء أبني يمسكه ويبقي مسؤليته وأنت رفضته لمجرد إنه جاي من ناحيتي 
🌼وليد وقف : لا يا عمي أنا الشغل شغل عندي .. أنا مرفضتوش لأنه جاي من طرف حضرتك أنا رفضته لأسباب كتيره أولها أن إحنا بالفعل متعاقدين مع شركه محترمه وبتورد لنا المعدات اللي بنحتاجها 
ثانيا الشركه اللي حضرتك عايز تتعاقد معاها بتشتغل في التقليد مش الأصل والمشروع متقدم إنها هتورد معدات أصليه فحاجه من الإثنين 
يا الشركه هتنصب علينا يا إما .... 
محي : كمل يا أما إيه ؟؟
وليد مرضيش يقولها صريحه 
وليد : يا أما حد من جوه الشركه هو اللي هينصب وهيحط فرق السعر في جيبه وبالتالي المشروع اترفض .. عرفت يا عمي رفضته ليه ؟؟ 
محي : برضه تيجي وتكلمني أنا .. أنا عمك وفي مقام أبوك يبقي تحترمني وتبلغني بنفسك ونتكلم مع بعض مش تبلغ الإدارة والإدارة تبلغني زي أقل موظف هنا 
وليد : في دي عندك حق أنا آسف يا عمي بس حضرتك لسه قايل إن الشغل مفيهوش مجاملات وزي مش هجامل حمايا ولا هو هيجاملني فطبقت ده علي الكل ولو عايز أعاملك في المجموعه علي أساس أن حضرتك عمي معنديش مانع ؟؟
محي : لا يا وليد خلي الشغل شغل بعد إذنك 
مشي عمه ودانه بتطلع نار ودخل مكتبه 
علاء : بابا عملت إيه ؟؟
🌺محي : مفيش فايده وليد مش سهل وفهم اللعبه كلها 
علاء : يعني إيه ؟؟
محي : يعني قالها صريحه يا الشركه بتنصب يا إحنا بننصب 
علاء : وبعدين هنعمل إيه ؟؟ هتسيبله الجمل بما حمل ؟؟
محي : لا طبعاً بس خلينا نتكتكله .. وبعدين خايف من إيه ؟؟ مراته وما بتخلفش يعني أكبر أتنين مساهمين في المجموعه حصتهم لينا .. شريف ومعندوش اولاد غير بنته وبنته متجوزه وليد وسيادتها مبتخلفش يعني الإثنين فشنك 
الاثنين ضحكوا جامد 😂😂
🌹علاء : ولنفترض إنه أتجوز تاني وخلف ؟؟
محي : ما يعملهاش لسببين أولاً وليد بيحب ميس جامد وثانيا مش هيرضي يخسر حماه اللي في صفه ديماً 
علاء : تمام وشريف أجله قرب و وليد لو أجله مجاش طبيعي نجيبهوله هههههههه
محي : هههههههه
الإثنين بضحكات شريره مليانه حقد وطمع 
عند وليد في المكتب ميس وأبوها 
شريف : عمك ماله ودانه بتطلع نار ليه وهو خارج من عندك ؟؟


🌼ميس : هو كان مقدم مشروع للإدارة صح ؟
وليد : ومشروعه اترفض وعلشان كده متنرفز 
ميس :واترفض ليه ؟ مكنش عرض حلو ولا إيه ؟؟
شريف : لا كان مقدم إنه هيستورد المعدات والأجهزة الطبيه علي أساس إنها أصليه والشركه اللي كان هيتعامل معاها بتشتغل في التقليد بس مش الأصلي وبنفس السعر 
ميس : يعني الشركه كانت هتنصب عليه وهتديله أجهزه مضروبه بسعر الأصل ؟؟؟
وليد : لا يا حبيبتي ما أعتقدش 
ميس : آمال تعتقد إيه ؟؟
وليد : أعتقد إن عمي اللي كان هينصب هو وعلاء وهياخدوا مننا تمن معدات أصليه ويشتروا مضروبه وفرق السعر ليهم 
ميس : لا يا وليد مش للدرجه 
شريف : لا للدرجه آمال إحنا ليه مصريين يا ميس إن وليد يخلف ويبقي فيه وريث ؟؟ لأن أعمامه مستعدين لأي شيء حتي النصب أهو .. وما تنسيش إنهم سبق وحاولوا يقتلوه 
وليد : دي كانت حادثه يا عمي 
🎐شريف : حادثه تقطع فرامل العربيه بفعل فاعل ؟؟ فوق بقي يا وليد .... الا اخبار جميله ايه ؟؟
وليد وميس اتفاجؤا بالسؤال وبصوله 
ميس : يعني ايه اخبارها ؟؟ خدامه وفي البيت بتسأل عليها ليه ؟؟
شريف : اوعي تقولي انها لسه مبقتش مراتك يا وليد !؟؟ انت شايف اهو عمك وابنه بيخططوا ازاي ؟ وجود ابن ليك هيوقف كل واحد عند حده لانه مش بس وريث ليك لا ده ليا انا كمان !!
وليد : عارف الكلام ده 
شريف : ايوه عارفه وبعدين ؟؟
ميس : انت عايز ايه يا بابا ؟؟؟
شريف : عايزك تسيبي جوزك مع جميله شويه يا اما تيجي تتفضلي في بيتي لان طول ما انتي موجوده هو مش هيقدر يروحلها 
😔وليد سرح بخياله لما هرب من جنب مراته وراح لجميله ينام في حضنها وفاق علي صوت ميس
ميس : والله هو حر انا مش مسكاه 
وليد : بجد !؟ ده انتي لمجرد انك عرفتي انها عملت اكل قلبتي الدنيا 
شريف : لا يا ميس اهدي علي البنت لانك كل ما تهدي كل ما الامور هتمشي بسرعه وتخلصي منها اصلا 
وليد : نخلص منها ازاي ؟؟
ميس : تمشي تروح بيتها تتكل علي الله .. ايه نخلص منها ازاي ؟؟
وليد : سوري فهمت الكلمه غلط 
شريف : اكيد مش هنخلص منها نقتلها يعني يا وليد ؟ ايه يا ابني !؟
قعد لوحده بعد ما هما الإثنين خرجوا سرحان في جميلته اللي بدأت بحنيتها تستولي علي تفكيره واحده واحده .. مسك جريده قدامه يشوف إيه آخر أخبار الأجهزة الطبيه يمكن يشغل تفكيره شويه عن جميله بس أول ما فتح الجريده فتحها علي خاطرة قرأها لأن عنوانها لفت انتباهه::
((( عندما يعشق القلب ❤....)))
عندما يعشق القلب ولا يعلم أن بوادر عشقه البريئ ستشعل النيران وأولها في قلب تلك الملاك التي ظهرت من العدم ....
أنت لا تدري ماذا تفعل فعندما تنتقل من الجحيم المصبوغ بألوان الحب وتري النعيم المصبوغ بالاهتمام ... ربما تقع وشيكا ولا تعلم أي قلب أفسدت وأحرقت .....
ربما غلب عليك أمرك ...ربما ولكن عندما تمتلك الانثي شيئا وإن كان تحت مسمي الحب فلن تسمح بتركه وستكون هي فتيلة الاشتعال سيتحول التملك الي بركان ثائر سيطيح بتلك الملاك.....
أنت...أنت ولا غير لعب معك القدر لعبته المشهوره وستخضع له .....ستواجه ذلك التحدي القادم إم أن يفوز عشقك البريئ وإما أن تندثر بين طيات الزمان ......
احيانا يسيطر علينا القدر ولا نعلم اي طريق نختار .....ولا نعلم أن كل الطرق تؤدي الي تلك النهايه .....
ولكن هل يمكن للقلب أن يفوز أم أن ذلك الحب البريئ كتب عليه الاندثار في غياهب الزمان.....
وهل ملاكك البريئ سيتحمل قسوة أنثاك عليه أم أن الرحيل والفراق قد كتب ولا مفر ؟! )))
🔰سرح في الخاطرة دي وحس إنها مكتوبه مخصوص علشانه .. وسأل نفسه هل جميله هتقدر تقف قصاد ميس وهل هو بيحبها ولا ميس قسوتها هتسحق جميله وبراءتها ؟ وهل هو هيتدخل ولا هيفضل واخد دور المتفرج كده كتير ؟ طيب ولو تدخل هيكون في صف مراته ولا جميلته ؟
اسئله كتيره ملهاش اي اجابه نهائي حاليا عنده .. مجرد انه حاليا في تشوش وتذبذب وحيره مطلقه ......
اخر النهار روحوا تعبانين 
وليد : ماما الحقيني بالغدا .. واقع من الجوع 
رمي نفسه علي الانتريه ومطلعش يغير 
نبيله : طيب مش هتغير حتي هدومك الاول ؟؟
وليد : لأ ،. هاكل وانام .. هموت وانااااااااام
ميس : ما انت نايم بدري امبارح مالك بقي ؟
وليد : انا نايم بدري ده
قطع الكلام لأنه أفتكر أن سهره كان مع جميله 
ميس : ده إيه ؟؟
وليد: ده كان يوم مرهق جدا وعلي أيدك وأنا تعبان 
ميس : طيب براحتك أنا هطلع أغير الأول يكونوا حطوا الأكل 
نبيله دخلت لعلية وطلبت منها تجهز السفره بسرعه 
حطوا الأكل و وليد قعد وبينادي علي ميس 
وليد : أنزلي بسرعه يا ميس مش هستني 
ونبيله كمان قعدت جنبه في أنتظار ميس 
يدوب وليد هيمد أيده في طبقه ياكل جميله من جنبه شالت الطبق 
وليد : جعان ؟؟ إيه ده ؟؟
حطت طبق تاني قدامه ونبيله وهو مستغربين جداً 
وليد : الإثنين مكرونه بشاميل شيلتيه ليه وحطيتي غيره 
مردتش بس جابت طبق تاني صغير في لحمه برضه نفس اللحمه اللي في الصنيه قدامهم 
نبيله : أنتي بتعملي إيه ؟؟ وبعدين ؟
جميله : لا مفيش يا هانم عادي 
نبيله : عادي إنك تشيلي الطبق من قدامه وتحطي نفس الطبق تاني ؟؟
جميله : يا هانم لأ بس هو 
ميس جت وراها : هو إيه ؟؟ في إيه ؟؟
وليد : مفيش الطبق مش عاجبني وقولتلها تغيره عندك مانع ؟
ميس : لا يالا ناكل 
بدؤا ياكلوا وأول ما وليد حط أول معلقه واستطعمها فهم ليه جميله عملت كده ...
كان مستمتع بكل معلقه بياكلها وبيفتكر الصبح لما قالها تتصرف المهم عايز ياكل من أيدها 
ميس : مالك يا وليد ؟
وليد فاق : هاه ؟ مالي يعني ؟ ماليش
ميس : آمال بتفكر في إيه وأنت مبتسم كده ؟
وليد : أنتي زعلانه علشان أنا مبتسم ؟
ميس : لا بس مستغربه وعايزه أعرف بتفكر في إيه؟
وليد : مفيش .. بفكر في الشغل 
ميس : ومبتسم ليه ؟
نبيله : إيه يا ميس هو تحقيق ولا إيه ؟


😊وليد : لا عادي يا أمي .. بفكر يا ستي في منظر عمي لما اكتشف ان انا فاهم اللعبه كلها ومكنش عارف يقول ايه ؟
ميس ابتسمت : كان نفسي صح اشوفه 
نبيله : لعبه ايه اللي عمك عملها ؟ وانهي عم فيهم ؟ محي ولا معتز ؟
ميس : محي 
وبدأوا يتكلموا في الشغل لحد ما خلصوا وميس خارجه 
وليد : انتي رايحه فين سيادتك ؟
ميس : هخرج انا وبابا عازمني علي العشا واهي فرصه 
وليد : فرصه لايه بالظبط ؟
ميس : لسيادتك مع ست جميله ... بعد اذنك 
وهيا خارجه وليد جري وراها حضنها من ظهرها 
وليد : استني ،. انا مش عايزك تنسي ابدا اني بحبك فاهمه ؟
ميس لفت وشها ليه واتكلمت بتملك: عارفه انك بتحبني ولو بطلت تحبني هقتلك 
وليد أبتسم😊 : يخربيت رومانسيتك 
ميس بواقعيه: انا مش رومانسيه وانت عارف ده كويس .. انا بحذرك بس ... 
وليد : ماشي .. ما تتأخريش 
ميس : وانت كمان ما تتأخرش وما تنساش ان دي مجرد وظيفه مش اكتر ولا اقل 
وليد : سلام 
سابها ودخل وهيا مشيت بعربيتها 
نبيله: مالها ؟
وليد : مفيش باباها النهارده قالها تسيبني مع جميله شويه وهيا بتنفذ اهي
نبيله : يعني هتاخد راحتك اهو ؟
وليد ابتسم : انا مجرد اني بحترم مشاعرها مش اكتر
نبيله : وانا مقولتش حاجه .. اطلع ريح قبل ما هيا ترجع وانا هبعتلك جميله فوق .. واه .. حطيتلك هدوم عندها فاياك تطلع بفوطه من عندها
وليد ضحك وطلع :ماهو انتو ما بتسمعوش الكلام بالذوق 
طلع وهيا نادت علي جميله 
نبيله : افهم ليه شيلتي الطبق من قدام وليد وحطيتي غيره ؟
جميله : مفيش بس سي وليد طلب مني أعمله أنا أكل بأيدي والهانم طلبت مني ما اعملش والصبح هو أصر إن أنا أعمل أكل 
نبيله : وبعدين ؟
جميله : عملت علي قده هو غير باقي الأكل 
نبيله : آه وحطيتيله أكلك أنتي ؟ أمم لا ذكيه .. إحنا هناكل عادي وهو ياكل من أكلك ... ميس لو عرفت هتقتلك 
جميله : مش مهم المهم إني انفذ رغبته هو 
وليد كان فوق وسامع كلامهم وأبتسم لما سمع ردها وسند علي درابزين السلم مستمتع بحوارهم
نبيله : طيب نفذيله رغباته .. المهم اطلعيله فوق يالا
جميله : اطلعله ؟ وست ميس ؟
نبيله : ميس خرجت علشانكم اتفضلي 
💞وليد دخل الاوضه ودقيقه وهيا كانت وراه 
وأول ما شافها ضمها جامد وكأنها حبيبته اللي غايبه من سنين 
جميله : وحشتني قوي 
وليد : وأنتي .. المهم شيلتي الطبق من قدامي ليه ؟
جميله : أنت ما فهمتش شيلته ليه ؟؟
وليد باستعباط : لا مفهمتش ليه بقي ؟
جميله : طيب عجبك الأكل ولا لأ ؟
وليد : عادي يعني !
جميله بزعل : معجبكش ... طيب خلاص 
وليد مسكها من ايدها قبل ما تبعد وضحك 
وليد : أكلك كان تحفه تسلملي ايديكي 
جميله فرحت : يعني فهمت ؟ وعجبك ؟
وليد باسها : فهمت وعجبني .. هنقضيها رغي ولا إيه ؟؟ وبعدين فكي شعرك ده وافرديه 
🌺قضي معاها احلي وقت ... الوقت اللي بيستناه طول اليوم انه يكون في حضنها 
جميله : مش هتروح اوضتك بقي قبل ما ميس تيجي ؟
وليد بصوت نعسان : شويه .. عايز أنام سيبيني شويه 
جميله : أنا بس خايفه تيجي 
شدها في حضنه ونام هو علي صدرها وغرق في النوم من تعبه وهيا ابتسمت بحب ليه واكتشفت انها بدئت تعشق وليد مش بس تحبه ....ونامت هيا كمان وحبيبها في حضنها ....
شويه و وليد صحي علي حد بيصحيه وفتح عنيه بالعافيه ولقي ميس فوق راسه ،.. او اتهيأله انها فوق راسه وفي شرار بيطلع من عنيها .....

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق