كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

روايه جميله الفصل الثالث

2019-07-11 13:35:00 شعر و أدب ...






📗 رواية: جميلة 💚
🌺الحلقة الثالثة🌺


🔰 ميس هتتجنن ومش عارفة تعمل إيه 
 وليد : إذنك بقي هسيبك تتخيلي إحنا هنعمل إيه ؟؟
شدها وخرج وهيا واقفه بتنهج وبتفكر لأول مره ترتكب جريمة قتل ...
بدأت تكسر في الأوضه وهتتجنن أزاي وافقت علي كده ؟؟ أزاي سمعت كلام اللي حواليها ؟
وليد أخد جميله اوضتها ودخلوا وقفل الباب بالمفتاح وراه ووقف مكانه 
جميله : ليه بتجرحها كده ؟؟
وليد بصلها باستغراب بس جاوبها 
وليد : لأنها جرحتني الأول جرحتني لما أختارت الشركه والشغل واهتمت بيهم 
وفجأه وسمع ميس بتخبط علي الباب بجنون 
ميس : أفتح يا وليد وأطلع هنا ... أفتح 
وليد : أمشي من هنا يا ميس اتفضلي 
ميس : بقولك افتح الباب واطلع 
وليد : ولا هفتح ولا هطلع ده كان أختيارك أنتي 
ميس : ورجعت في كلامي 
وليد : خلاص يا حبيبتي فات أوان الرجوع 
ميس بتخبط جامد: أفتح يا وليد 
نبيله جت تجري عليهم 
نبيله : كفايه بقي يا ميس .. عيب اللي بتعمليه ده 
ميس : عيب !! أنا غلطانه أني سيبتكم تقنعوني أن أخلي جوزي يتجوز عليا 
نبيله : ما تفكريش كده ده مش جواز 
ميس : مش جواز آمال إيه ؟؟ جوزي بيعمل إيه معاها جوه ؟؟؟ لبستيها وحولتيها من فلاحه لنجمه ليه ؟؟ إحنا ما اتفقناش علي كده أبدآ 
🌼نبيله : وهو لمجرد انها لبست فستان هتبقي نجمه ؟؟ انتي اعصابك تعبانه اتفضلي معايا يالا .. تعالي يا ميس ...
نبيله اخدتها وخرجت بيها توديها بيت ابوها لحد ما تهدي شويه ... وصلتها لحد العربيه وخلت السواق يوصلها ...
وليد بص عليهم من البلكونه وشافها واستني لحد ما اختفت العربيه 
وليد : انا ورايا شغل مهم بعد اذنك ؟؟
سابها وخرج وقابل مامته 
نبيله : براحه علي مراتك يا وليد 
وليد : انا ما عملتلهاش حاجه 
نبيله : المهم انت رايح فين ؟؟
وليد : الشركه عندي اجتماع مهم 
نبيله : والبنت اللي فوق دي ؟؟
وليد : مالها مش هتطير يعني .. جواز واتجوزتها خلاص عايزه إيه تاني ؟؟
نبيله : مراتك وديتها بيت أبوها تقعد يومين ولا حاجه فأنت براحتك مع جميله 
وليد : إيه مش فاهم أخدها شهر عسل ولا إيه ؟؟
نبيله : لا طبعاً ما أقصدش كده ... أقصد براحتك معاها مراتك مفيش 
وليد : أنا مش قادر أفهمك نهائي .. أنتي ليه بتحسبي كل حاجه كده ؟؟ ليه عقلانيه زياده عن اللزوم كده .. فين عواطفك ؟؟
نبيله : عواطفي ماتت مع جوزي الله يرحمه فكان لازم أقف وأبقى عقلانيه وقويه علشان أعرف أحافظ علي عيالي وحقوقهم .. أتفضل شوف وراك إيه يالا وما تتأخرش 
نزل علي شغله مخنوق لأنه ما بيحبش يزعل مراته بالشكل ده بس هيا اضطرته لده .. 
بعد الإجتماع الكل مشي وفضل أبوها وهو 
شريف : عملت إيه في ميس ؟؟
وليد بصله : أنا اللي عملت برضه ؟؟ مش هيا اللي راحت جابتلي واحده وقالتلي اتجوزها .. أنا كل اللي عملته أني سمعت كلامها 
🌹شريف : ولازمته إيه تحول البنت لملكه جمال وتاخدها لمراتك ؟؟؟
وليد : بنتك وافقت علي ده .. أنا متخيلتش أبدآ أنها هتوافق بس وافقت فحبيت اوريها هيا وافقت علي إيه بالظبط ؟؟
شريف : طيب ممكن بقي نخلص من القصه دي ؟ ميس هخليها عندي يومين ولا حاجه وأرجوك أما ترجع ما تحاولش تحط النار جنب البنزين .. خليهم بعيد عن بعض علي قد ما تقدر
وليد : حاضر .. أي أوامر تانيه ؟؟
شريف : ده رجاء مش أكثر يا وليد .. مجرد رجاء
وليد : حاضر يا عمي حاضر 


💞آخر النهار وليد رجع تعبان وعايز ينام وبس مطبق من امبارح ومش شايف قدامه دخل اوضته بس كانت مكسره .. المرايا .. حاجات كتير .. ايوه متنظفه بس برضه متبهدله فاتخنق منها وافتكر فجأه جميله فراحلها .. خبط خبطه خفيفه ودخل عندها واول ما دخل وقفتله 
وليد : ناقص تضربيلي تعظيم سلام .. ما تبقيش تقفي تاني 
جميله : انا بقف احترام ليك مش اكتر .. امي لما ابويا يرجع كانت بتقابله علي الباب .. فانا بقابلك مش اكتر .. 
وليد : اوكي براحتك ... المهم انا تعبان وعايز انام واوضتي متبهدله جدا 
جميله : انضفهالك ؟؟
🎐وليد : لا لا .. انا بس هنام هنا لو معندكيش مانع ؟
جميله : مانع ؟؟ لا طبعا اتفضل ارتاح ده بيتك الحمام جاهز لو تحب تدخل الاول تتحمم؟؟
وليد : اتحمم ؟؟ اسمها تاخد شاور اوكي 
جميله : تاخد شاور
وليد : ايوه برافو .. بس جهزتيه امتي ؟
جميله : اليومين اللي فاتو حضرتك بترجع تقريبا في نفس المعاد فدخلت فتحت الحنفيه في البانيو اللي جوه ده 
وليد : اسمه جاكوزي 
جميله : شاكوسي
وليد : لأ لأ .. جاكوزي
جميله : جاكوسي
وليد : زززز.. جاكوزي
جميله : جاكو
وليد : زي
جميله : زي 
وليد : واحده واحده هتتعلمي .. 
قلع جاكته بدلته وهيا ساعدته وبعدها دخل الحمام اخد شاور وطلع .. كانت هيا نزلت جابت غدا ليه وطلعت ...
وليد : جبتي الاكل ده امتي ؟ وبعدين قولتلك عايز انام 
جميله : حضرتك شقيان من الصبح كل لقمه ونام براحتك 
بصلها كتير وبعدها قعد ياكل وهيا قاعده في الارض بتبصله لو محتاج حاجه 
وليد : اوكي متراقبينيش كده اولا وثانيا تعالي اقعدي جنبي هنا وكلي معايا 
جميله : لا بالهنا حضرتك
💞وليد : مش هتاكلي مش هاكل .. مبعرفش اكل لوحدي وبعدين هتأكليني معاكي لان معنديش استعداد اقوم واغسل ايديا 
جميله : اه حاضر من عنيا
بدئت تقطع الفراخ وتأكله بايديها وهو نوعا ما استمتع بده .. واحده مستعده تعمل اي شيء لمجرد راحته .. احساس حلو جدا 
اكلوا وقامت غسلت ايديها وطلعت وقفت انتباه 
وليد قعد علي السرير وبصلها : تعالي 
جميله : نام حضرتك
وليد : بقولك تعالي 
قربت خطوتين ووقفت 
وليد : تعالي اقعدي جنبي هنا
شاورلها بايده علي السرير جنبه وهيا الخوف تملك منها جمدها 
وليد : وبعدين معاكي ؟؟ مالك ؟؟
جميله : مفيش 
جت وقعدت جنبه .. وليد حط ايده علي كتفها بيطمنها بس اتفاجيء انها بتترعش .. بتترعش وكأنها في اكتر ليله تلج مبلوله وواقفه تحت المطر
🌹وليد : في ايه ؟؟ مالك ؟؟
جميله مش عارفه ترد فبتشاور بدماغها ان مفيش
وليد : بتترعشي كده ليه ؟؟ بردانه ؟؟
شاورت بدماغها لأ
وليد : امال ايه ؟؟ خايفه مني ؟؟
مردتش عليه .. خلاها تبصله ورفعلها وشها 
وليد : لو انتي مجبوره او مش عايزه قولي .. انا مش هفرض نفسي عليكي ابدا .. 
جميله بصوت مبحوح : لأ
وليد : لأ ايه ؟؟
جميله : مش مجبوره
وليد : امال بتترعشي كده ليه ؟؟ اهدي ما تخافيش مني ؟! خايفه من ايه ؟؟ يا بنتي انا مش هغتصبك
جميله : وهيا تفرق ؟؟
وليد : نعم ؟؟ طبعا تفرق ... الاغتصاب بيبقي حاجه بتتاخد غصب .. حاجه انتي رافضاها وحد بياخدها منك غصب عنك .. حاجه كلها عنف وبس.. لكن العلاقه الزوجيه لأ دي بتم برضي الطرفين .. مبنيه علي التفاهم والموده والاحترام مش اغتصاب ابدا .. فهمتي 
شاورت بدماغها برضه 
وليد : لو خايفه مني قوي كده هسيبك بعد اذنك
قام وليد ويدوب هيتحرك مسكت ايده وقفته
جميله : انا خايفه اه بس ده مش معناه اني رافضه حضرتك .. خليك


💞وليد قعد تاني جنبها : طيب بما اني تعبان فهنام لاني مطبق من امبارح .. انتي مش محتاجه تخافي مني 
فضل وليد وهيا جنبه بس بعيد بس النوم اختفي تماما من عنيه .. بصلها وهيا بصتله .. كان بيدرسها 
ملامحها رقيقه وجميله .. شعرها اسود طووويل جدا وناعم جدا .. بشرتها بيضه وناعمه .. واستغبي مراته جدا علي اختيارها لواحده بالجمال ده
وليد : تضايقي لو قربت ؟؟
جميله استغربت انها بدئت تهدي وانها نوعا ما عيزاه يقرب منها فشاورت بدماغها لأ
قرب منها : انا مبحبش لغه الاشاره فحاولي تقلليها شويه ...
جميله شاورت بدماغها اه وهو ضحك
وليد : مفيش فايده صح ؟؟
شاورت بدماغها لأ وبعدها ضحكت هيا كمان واكتشف قد ايه ضحكتها رائعه خطفته فقرب منها قوي وباسها واكتشف ان رفضه للجواز كان منتهي الغباء منه ...
جميله كانت حاجه مختلفه .. ليها طعم خاص .. وليد حب كل لحظه قضاها معاها .. حب جهلها وصغر سنها .. حب تعلقها وحب كسوفها اللي مالوش حدود .. حب استسلامها الغريب ليه ..
حب احساسه بانها مملوكه ليه .. بصلها 
🔰وليد : تعالي قربي مني .. تعالي 
شدها وقربها منه ونام وهيا في حضنه .. نام لحد الصبح وصحي فايق كله نشاط 
جميله : صباح الخير 
وليد ابتسم : صباح النور .. 
جميله : اجيبلك الفطار؟
وليد : لأ .. متعود افطر مع امي .. اقعدي .. كلميني عن امبارح 
جميله : اقول ايه ؟؟
وليد : انطباعك ايه ؟؟ خوفك كان له مبرر ؟؟ كويسه دلوقتي ؟؟ تعبانه ؟؟ لسه خايفه ؟؟ حاسه انك مغتصبه مثلا ؟؟ كرهاني مثلا ؟
هنا حطت ايدها علي بوقه بسرعه 
جميله : لا عمري 
وليد استغرب ومسك ايدها من علي بوقه 
وليد: ده شيء كويس والباقي؟؟؟
جميله حطت وشها في الارض وجاب مليون لون
وليد : للدرجه دي !! بصي تعالي نتفق انا وانتي علي اتفاق .. ما تتكسفيش مني اوكي 
شاورت بدماغها اه
وليد : وبعدين ؟؟
جميله : حاضر 
🌺وليد : اتكلمي بقي .. في حاجه ضايقتك مني ؟
جميله : مش هقول غير حاجه واحده ... امبارح كانت اجمل ليله قضيتها في عمري كله ...
وليد ابتسم : تحبي نقضي زيها تاني ؟؟
جميله ابتسمت وما ردتش عليه 
خبط علي الباب بعدها بفتره 
وليد : ايوه 
نبيله : لامتي ؟؟ اطلع من عندك بقي 
وليد : حاضر 
قام واخد شاور وطلع ملقاش هدوم ليه فخرج بفوطه يدوب علي وسطه وامه قابلته
نبيله : ده مش منظر تخرج بيه
وليد : حطيلي هدوم في اوضتها 
نبيله : شريف اتصل وبيقولك تروحله البيت ضروري تقريبا كده ميس تعبانه 
وليد : تعبانه مالها ؟؟
♦نبيله : معرفش روح واطمن عليها 
فعلا وليد لبس ونزل وراح لمراته وهناك اول ما دخل
شريف : مبطلتش عياط نهائي ادخلها طيب خاطرها بكلمتين 
وليد : حاضر 
دخل لمراته ولاول مره يشوفها معيطه بالشكل ده من غير ميكب نهائي .. قعد جنبها واخدها في حضنه وهيا عيطت 
ميس : فضلت معاها ؟؟ صح ؟؟
وليد : اهدي بس دلوقتي اهدي 
ميس : اتبسطت معاها ؟؟ 
وليد : وبعدين معاكي ؟؟ ايه اسئلتك دي ؟؟
ميس : مش انت عايز تعذبني !! جاوبني 
وليد : ميس انا بحبك انتي .. ولا حبيت غيرك ولا هحب .. فاهمه ؟؟ واسف لو استغبيت معاكي امبارح .. حقك عليا ما تزعليش مني 
اخدها في حضنه شويه وشويه ولقاها بتفك زراير قميصه 
ميس : وحشتني 
وليد : وانتي كمان 
كان معاها ولحظات و ومضات لجميله بتظهر وللاسف بيقارن بينهم ... جميله كانت مختلفه تماما عن ميس .. فرق كبير قوي بينهم .. جميله وبرائتها مسيطرين عليه ...
وليد : عندنا اجتماع 
ميس : عارفه .. روح انت .. 
وليد : هترجعي الشغل امتي والبيت ؟؟
ميس : بكره 
💞وليد بيلبس : تمام .. هضطر اسيبك اوك ؟؟
ميس : اوكي حبيبي 
اخيرا خرج من عندها مستغرب ليه احساسه بالحريه بعد ما خرج ؟؟ ميس حبيبته المفروض 
اخيرا خلص شغله واخيرا هيروح .. بس هو ليه مبسوط انه هيروح ؟؟ 
لقي نفسه داخل اوضتها وبتقابله علي الباب باجمل ابتسامه 
جميله : حمدالله علي سلامتك .. يومك كان ايه ؟؟
وليد : متعب ،. مرهق .. غلس
جميله : هتاخد شاور ؟؟
بصلها باعجاب : حفظتيها !! والتانيه ؟
جميله : الجاكوسي
وليد ضحك : جاكوسي جاكوسي.. المهم لأ عايز ارتاح شويه وجعان كمان جدا 
جميله : طيب ايه رأيك انت تاخد شاور وانا اجيبلك الغدا من تحت ؟


🎐وليد : حلو الإتفاق ده .. بس ما تتأخريش 
نزلت جميله تجيبله غدا وهيا طالعه قابلتها نبيله وقفتها
نبيله : واخده الاكل ده وعلي فين كده ؟؟
جميله : لسي وليد هو طلب مني 
نبيله : وما ينزلش ياكل هنا ليه ؟؟؟
جميله : معرفش يا هانم 
نبيله : طيب اطلعيله اهي كلها النهارده و بكره مراته ترجع 
جميله مشيت من قدامها واتشاهدت انها خلصت منها
وصلت اوضتها لوليد 
وليد : اتأخرتي كده ليه ؟؟
جميله : امك وقفتني 
وليد : امك !! في حاجه اسمها امك ؟؟؟ اسمها والدتك او مامتك بس مش امك دي سمعتي 
جميله : حاضر يا سي وليد 
وليد : حاضر يا ايه ؟؟
جميله : سي وليد 
😄وليد ضحك : حلوه سي وليد دي أول مره حد يقولهالي ... بس اشمعني كده ؟؟
جميله : علشان أنت سيدي وتاج راسي 
وليد : أنتي مبسوطه أننا اتجوزنا يا جميله ولا مجبره ؟؟
جميله اتكسفت وبصت للأرض فقرب منها ورفعلها دماغها 
وليد : جاوبيني .. أنا هنا كده فارض نفسي عليكي 
جميله : لأ أبدآ .. وأوعى تقولها تاني .. أنت أكبر حتي من خيالي 
وليد : أكبر من خيالك لأني غني مثلا ؟؟
جميله : عمر ما الفلوس كانت مهمه بالنسبالي اهميتها أني أعيش مستوره أنا وأخواتي وبس غير كده ما تفرقش معايا 
وليد : آمال أكبر من خيالك في إيه ؟؟ عايز أفهم 
جميله : مش عارفه أقولك إيه بس أنا حسيت معاك بحاجات كنت فاكراها بتتشاف في الأفلام وبس .. بحب وجودك هنا .. بحب حنيتك معايا .. مش عارفه بس بحبك هنا معايا مش عارفه أقول إيه ؟؟
وليد : خلاص يا ستي ما تقوليش .. اكليني ممكن ؟؟
جميله : طبعاً أتفضل 
قعد وهيا قعدت تحت رجليه وبدأت تكشف الأكل علشان ياكل 
🌼وليد : ممكن أعرف أنتي قعدتي في الأرض ليه ؟؟
جميله : عادي أنا مرتاحه كده 
وليد : أنا مش مرتاح وبعدين المفروض هتأكليني هوطي أنا بقي كل دقيقه ورقبتي تتلوح ولا أنزل أقعد جنبك في الأرض ؟؟ اختاري ؟؟
جميله : لا بعد الشر عليك خلاص انا هطلع اقعد جنبك 
طلعت قعدت جنبه واكلته وهو كمان اتفاجئ بنفسه بيأكلها .. كان مبسوط معاها وعايز يفضل معاها علي طول .. حكتله عن اخوها وعيلتها وبلدها وهو بيسمع وساكت .. حكتله عن بيتهم البسيط والحب اللي كان ماليه لحد ما ابوها وامها ماتوا ... قارن نفسه بيها وحس انها اغني منه بكتير بالحب اللي مالي بيتها ووعد نفسه انه هيحاول يرجع الحب من تاني في بيتها ويجمعها باخوها 
نام شدها تنام في حضنه وده كان اقصي امانيها والصبح قام ينزل علي شغله اخد شاور وافتكر انه تاني معندوش هدوم
🌺وليد : وبعدين بقي ؟؟ 
جميله ضحكت : انزل اجيبلك فطار هنا طيب ؟
وليد : لا انا بفطر مع نبيله .. هاتيلي هدوم هنا سمعتي ؟
جميله : حاضر 
وليد : طيب انا هنزل علي شغلي عايزه حاجه ؟
جميله : سلامتك وبس 
وليد ابتسملها وخرج واول ما قفل الباب 
نبيله : وبعدين معاك ؟؟
وليد : اعملك ايه ؟؟ قلتلك حطيلي هدوم وسيادتك طنشتي 
نبيله : مراتك لو رجعت لقت هدومك في اوضتها هتولع في البيت مش بس في اوضتها 
وليد : انتو حرين هروح البس 
نزل علي شغله وهناك قابل ميس مراته وقضت اليوم كله معاه مش في مكتبها وكأنها بتراقبه .. حتي شغلها عملته في مكتبه .. روحوا اخر النهار مع بعض وهو اول ما دخل كان عايز بس يشوف جميله 
ميس : انا ميته من الجوع 
وليد : وحياتك وانا 
🔰ميس : طيب اطلع غير وانا هخليهم يحطوا الاكل 
طلع وليد جري علي الاقل يشوف جميله في اوضتها قبل ما ميس تطلع فراح اوضتها بس للاسف فاضيه 
ميس مع نبيله ؛ امال سيادتها فين ؟؟
نبيله : تقصدي مين ؟؟
ميس : هيكون مين ؟؟ جميله هانم 
نبيله : في المطبخ تقريبا 
ميس قامت راحت علي المطبخ 
علية : اي خدمه يا هانم 
ميس : جهزولنا الاكل بسرعه .. وانتي ؟؟
جميله : افندم 
ميس : لميلي شعرك ده والا هشيلهولك خالص واتفضلي معاهم جهزي الاكل بسرعه 
جميله : حاضر 


💞وليد نزل وقعد علي السفره وعنيه بتدور عليها وطبعا مش عارف يسأل عليها 
قعدوا ياكلوامع بعض 
وليد : علية .. ايه الاكل النهارده تحفه جبتي طباخ جديد ولا ايه .. ايه السر ؟؟
علية: بالهنا يا حبيبي
وليد : طيب ما جاوبتيش
ميس : عادي يعني الاكل ماله في ايه زياده ؟؟
وليد : لا مش عادي النهارده حلو زياده 
ميس : جاوبيه يا علية خلينا نخلص من حوار الاكل ده 
علية : عادي يا بيه 
وليد : انتي عملتيه يعني ؟؟
علية : لا يا ابني اللي عملت الاكل النهارده جميله 
الكلمه نزلت زي القنبله عليهم 
وليد بص وراه زي ما علية بصت وشاف جميله ،، جميلته ،،وابتسم 
بس الابتسامه اختفت من رد فعل ميس 
💙ميس : إيه اللي حلو فيه ؟؟ هاه ؟؟ أن هيا عملته ؟؟ ده اللي كنت عايز توصله ؟؟ أنها بتعرف تعمل أكل ؟؟ عاجبك أكلها قوي .. أكل دسم ومش صحي .. وأنتي يا علية هو أي حد يعمل أكل كده ؟؟
علية : ست نبيله قالت عادي 
ميس : أأنا بقول مش عادي مش أي حد يعمل أكل .. في طباخ مسؤل عن الأكل هو يعمله مفهوم ولا لأ ؟؟
وليد : خلصتي ولا لسه اتفضلي بقي كملي أكلك 
ميس : أنت متخيل أن ممكن أحط الأكل ده في بوقي !! 
وليد : أنتي حره 
ميس اتنرفزت أكثر فشدت الطبق اللي قدام وليد وحدفته علي الأرض أنكسر مليون حته 
ميس : ولا أنت كمان هتاكل منه
وليد : أنتي اتجننتي ولا إيه ؟؟ إيه الهبل ده ؟؟
ميس : عاجبك أكلها صح ؟؟
وليد : بعيدا عن إن أنا جعان بس ايوه عاجبني 
🎐ميس هترد جت نبيله 
نبيله : وبعدين انتو الاتنين في ايه ؟؟ 
ميس : هو بيتعمد يضايقني
وليد : انا جعان 
نبيله : ميس كفايه كده !! وانت يا وليد ما تضايقش مراتك 
وليد : اضايقها !! هيا اللي عملالي نفسها عيله وبتتصرف بغباء اعملها ايه ؟؟
ميس : انت عاجبك اكلها 
وليد : وأنا أعرف منين أن هيا اللي عامله الأكل هاه ؟؟ وبعدين مش جديد عليا أني لما حاجه تعجبني أشكر اللي عملها
🌺ميس : أنت أكيد كلمتها وقالتلك
وليد : لاااا كده أوفر قوي .. كلمتها أمتي !! هاه ؟! هو مش أنتي معايا من الصبح ولا أنا كان بيتهيألي ؟؟ 
ميس : معرفش 
وليد : طيب معاكي لما تعرفي .. بعد إذنكم
ميس : أنت رايح فين ؟؟
وليد : في داهيه 
ميس متغاظه : أنتي نظفي الدنيا دي 
وليد سمعها ووقف : اشمعني هيا اللي تنظف ؟؟ في غيرها مسؤل عن التنظيف 
ميس : أنا حره في بيتي .. أختار الخدامه اللي تعجبني في الشغلانه اللي تعجبني 
وليد : لا طبعاً أنتي مش هتيجي عليها لمجرد إنك متغاظه منها
ميس : أوعى تنسي إنها خدامه هنا .. مش معني أن سيادتك قضيت ليله ولا ليلتين معاها إن ليها أي حقوق هنا وبكره تخلص مهمتها وهرميها بره 
وليد هيتكلم بس نبيله اتدخلت 
💞نبيله : أكيد طبعاً يا ميس .. شوف وراك إيه يا وليد اتفضل ..
وليد : بس يا أمي 
نبيله : شوف وراك إيه دلوقتي أتفضل !!!
وليد سابهم ومشي بس كان متغاظ متنرفز متضايق .. مش عارف يعمل إيه ؟؟ مش عاجبه أن ميس تتحكم في جميله ومش عاجبه إنه يقف يتفرج عليها ... 
آخر الليل رجع كان البيت هادي .. وقف في الطرقه بيقاوم نفسه ما يدخلش عند جميله واخد القرار ويدوب هيدخل 
نبيله : انت فاكر نفسك بتعمل ايه ؟؟ تعال هنا 
شدته ودخلته اوضتها وقفلت الباب 
وليد : في ايه مالك ؟؟ هطمن عليها مش اكتر
نبيله : كويسه .. هيكون مالها يعني ؟؟ وبعدين علي رأي مراتك أوعى تنسي أن جميله ليها وظيفه هتخلصها وتمشي 
وليد بنرفزه : مش ناسي 
🌼نبيله : ايوه ده أتفاق ومحدش هيرجع فيه 
وليد : ايوه بس ده مش معناه أنها تذلها أو تنتقم منها أنتو اختارتوها يبقي علي الأقل تعاملوها كويس ...
نبيله : محدش هيطلب منها حاجه أوفر 
وليد : آه ماهو باين 
نبيله : طول ما أنت هتهتم بيها مراتك هتعند عليك .. طنشها خالص وهتلاقيها هيا كمان طنشتها هتحطها في بالك هتحطها في بالها الموضوع متبادل حبيبي 
وليد : طيب عايزه حاجه مني أنا هروح أنام 
نبيله : تصبح علي خير حبيبي 
🌹دخل لمراته اللي كانت فاتحه اللاب فبصتله ورجعت لشغلها تاني وهو حس بالفرق بينها وبين جميله .. غير هدومه وراح للسرير ينام 
مراته قربت منه 
وليد : عايزه ايه ؟؟ 
ميس : وحشتني هكون عايزه إيه يعني ؟
وليد ضحك بتريقه : وحشتك ؟ بجد ؟؟ ده انتي حتي ما اتعدلتيش وانا داخل 
ميس : واتعدل ليه ما هو انت هتغير وتيجي واديك جيت اهو 
وليد : واللي انتي عملتيه علي الاكل ده كان ايه ؟ واحشك برضه
ميس : ده غيره 
وليد : ده جنان مش غيره 
ميس : سميها زي ما تسميها المهم دلوقتي انك وحشتني وبس 
ميس بتقرب منه وهو مش معاها خالص ومش في دماغه غير جميله وكسوفها منه وبرائتها
اخيرا ميس هتنام وهو هيبقي حر .. ولاول مره يكون معاها اجبار خاطر مش اكتر ..
مش عارف ينام خالص علي الرغم من انه تعبان قرب من ميس وضمها ليه 
♦ميس : يوووه ايه يا وليد انت عارف انا مبحبش انام وحد مكتفني
وليد : انا واخدك في حضني عايزك تنامي في حضني 
ميس : وانا مش بحب كده والجو حر اصلا سيبني انام
وليد : حاضر هسيبك تنامي 
سابها فعلا تنام وبعد ما نامت قام من جنبها وراح لجميلته 
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق