يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

جمال الروح

2019-05-17 19:42:23 شعر و أدب ...






👈((❤️🌹القصه كامله🌹❤️))👉 
اقراوها للاخر
مؤثره جدا
أنا أوحش بنت في العيلة، أنا أقبح مخلوقة ربنا خلقها، ودا بشهادة أمي والجيران، من يوم ما اتولدت ومن ساعة ما وعيت على الدنيا وأنا بسمع الكلام دا من صحاب ماما ومن قرايبي.. 
-هي بنتك سمرا كدا ليه!
-ملامحها مش زيك خالص يا منى ، هي طالعة لمين ؟ 
-بنتك وحشة أوي، هو ربنا مارزقكيش ببنت تانية! 
-حتى اسمها مش لايق على شكلها!! قال "نور" قال 


انا البنت الوحيدة لأب وأم انتظروا الخلفة 5 سنين بيجروا على دكاترة لحد لما ربنا رزقهم بيا، كنت بشوف ناس بيخلفوا بعد معاناة وبيكون أول مولود هو  فرحتهم بجد، إلا أنا ، أنا مكنتش فرحة لأمي وأبويا خالص، انا بشرتي سمرا طالعة لجدي ، بابا بشرته قمحاوية ، أمي بيضة جدا ، انا واخدة ملامح حد تالت ، دايمًا ينسبوها لجدي أبو أبويا ، أوخليط من ملامح عمتي وجدي.
فضلت أنا البنت الوحيدة 11 سنة وأنا بسمع الكلام دا ، ثقتي في نفسي ضاعت، بقيت محبوسه في البيت ، مش عاوزة أخرج ألعب فـ الشارع ولا أشوف حد يعيب عليا ويفضل يقولي -أمك جميلة أنتي طالعة لمين؟ ، فجأة أمي بقت حامل تاني بعد معاناة بردو. 
مَرت الأيام وشرفت أختي مريم البيت، ملامحها جميلة زي ماما بالظبط، كانت دي يعتبر أول فرحتهم، وأنا مش محسوبه، كل الاهتمام راح لها، كل الحب، كل الفرحة. 


من يوم ما اتعلمت الصلاة (12 سنه) وأنا بصلي وبكلم ربنا -ليه يا رب خلقتني وحشة واختي حلوة ، ليه كل الناس بتعيب عليا ، ليه ماحدش بيحبني زي أختي!  
مكنتش فاهمة ان دا اعتراض على قضاء ربنا، كنت طفلة محتاجة حد أحكيله وأشكيله، ملقتش غير ربنا. 
مَرت الأيام، وروحت الجامعة، اتفاجأت بصحبة صالحة، كانت عونًا لي على طاعة ربنا، رويدًا بقيت راضية بقضاء ربنا عليا، لكن مش ناسية ان أنا وحشة، في يوم صاحبتي قالتلي -أنتي جميلة ولكن محتاجة اهتمام بنفسك بس وهتبقي زي القمر،، ابتسمتلها لأن أول اسمع ان انا جميلة! حتى لو كانت الكلمة مُجاملة، بس يكفي ان انا سمعتها.. ! 
روحت البيت بصيت لنفسي في المراية، فعلا انا محتاجة اهتمام بنفسي، واقنعت نفسي بكدا، اشتريت كريمات وماسكات ومرطبات وأدوات تانية خاصة بالبشرة، أمي دخلت الأوضة وقالتلي
 -ليه كل دا؟ 
 -عادي يا ماما انا عاوزة اهتم بنفسي شوية
-ههههه وفري كل دا ، دي خلقة مش هتعرفي تغيري فيها حاجة، ولو بتعملي كدا عشان العريس فأنا عاملة حسابي انك هتعنسي جنبي!  


كسرتني، وسابتني وخرجت، بكيت بشدة، قومت صليت وبكيت في سجدتي، ضغطي انخفض دوخت واغمى عليا، صحيت لاقيت نفسي على السرير، ايدي فيها محلول، دكتورة قاعدة جمبي.. 
-أخيرا القمر فاق ! 
ابتسمت وقومت قعدت، واتكلمت معايا كتير، عشان آكل واهتم بصحتي، سابتني ومشيت. 
بعد أسبوع. 
جات طنط منار تسلم على ماما وقالتلها :
-ابني بيدور على عروسة وانا شايفه ان بنتك الله أكبر أخلاق والتزام وأدب واحترام. 
ردت ماما :
-يا أهلا يا مرحب.  
واتحدد المعاد، جت الرؤية الشرعية، ماشفنيش قبل كدا، وانا ماشوفتهوش ولا أعرفه. خرجت من اوضتي وانا كلي توتر وخوف، سمعت من أختي بتقول إنه وسيم أوي، قعدت ادامه بلبسي الفضفاض العادي، مش حاطة ميكب، قابلته وانا على طبيعتي، طول القاعدة متكلمناش في أي حاجة، بصلي مَرة واحدة وبس، ومشي بعد نص ساعة، بعد يومين اتصل ببابا وقاله نصًا "أنا محستش بقبول معاها" ! 
ضحكت ماما 
-أكيد كان عاوز واحدة جمال وحلاة. 
ضحك بابا وقال
-ومين قالك ان الجمال بالشكل، الجمال جمال القلب والروح، لعلمك هو خسر كتير لأن مش هيلاقي زي احترام وأدب بنتي دي، وأكيد ربنا شايلها الأحسن. 
عيوني دمعت من كلام بابا ، أول مرة حد يجبر بخاطري بالشكل دا ، بابا قام وقَبل راسي وقالي" متزعليش.. " 


بعد كام سنة اتخرجت من كلية" أصول دين " بتقدير امتياز ، كنت فرحانة بنفسي جدًا ، وبابا باركلي وعزم العيلة وعمل وليمة ، حقيقي كان فرحان بيا أكتر من فرحتي بنفسي ، بابا حس بيا ، الوحيد اللي اداني الاهتمام.  
اشتغلت محفظة قرآن في دار تحفيظ، الحمدلله كان عندي اسلوب ممتاز في التحفيظ والاطفال حبوني وكرمت منهم كتير ، واتكرمت أنا مرتين ^^ 
 المدير بتاعها شاب في مقتبل العمر ، مليش أي تخالط معاه ، غير ان بدخل مكتبه آخد مُرتبي وامضي حضور وانصراف ، قرر يطلع الجمعية رحلة وطلب عدد من المُدرسين والمُدرسات، وعمل اجتماع وكنت فيه واتكلم عن المكان و و و الخ. 
روحت البيت استأذنت والدي فوافق وقالي خلي بالك من نفسك..  فرحت جدًا، وجهزت كل حاجة من أكل ولعب ودف ، واتجمعنا في مكان معين ، وكل فصل ليه اتوبيس خاص بيه ، قعدت ورا خالص وجمعت البنات حواليا وغنيت بالدف اغاني طيور الجنة ، الاطفال انبهروا بصوتي وكل أما أسكت يلحوا عليا أغني ، فرهدوني والله ^^ 
اليوم دا كان من تاني أحلى أيام حياتي بعد التخرج ، لعب وتنطيط وجري ومسابقات، أيوة كنت بلعب زي الأطفال كنت بستغل غياب المدرسين عن مكان البنات وأقوم العب، حقيقي كنت مبسوطة بفرحة الأطفال، واني مخلتش ولا طفلة مابتلعبش ^^ 


آخر اليوم جمعنا الأطفال ونظمناهم ، ولسه هركب، نده عليا المدير:
-آنسة "نور" لحظة من فضلك. 
-خير. 
-عاوز رقم والدك عشان هكلمه على مشروع. 
بقول مع نفسي*أصلا انت ما تعرفش والدي ولا عمرك شوفته ، وبابا ماعملش مشاريع مع حد* 
اديته الرقم وطلعت. 
كان بالي مشغول جدا، بابا اتصل بيا 
-انتي كويسة؟
-اه الحمدلله يا بابا. 
-طب تعالي علطول عـ البيت ، عشان فيه مشروع حلو أوي هتكوني شريكة فيه.. ! 
روحت وكلي أسألة وشكوك كتير غيرت هدومي وصليت العشا وقعدت جنب بابا ، مسك ايدي وقالي :
-أستاذ محمد طالب ايدك مني يا نور! مشروع جوازة. 
ايه مابتتكلميش ليه؟ 
-معقول انا عجبته! 
-شخص ملتزم وملتحي، شايف ادامه واحدة ملتزمة ، لبسها واسع محترمة وكلها ادب وأخلاق ، ليه ما تعجبهوش؟ أكيد دا بيدور على زوجة صالحة ليه تعرف تربي أولاده في المستقبل بعد كدا. 
يوم الرؤية.. بابا قام وجابني من أوضتي ، حرفيًا مكنتش عاوزة اخرج من كتر التوتر والخجل .. 
-آنسه نور ازي حضرتك عاملة إيه؟ 
-الحمدلله تمام. 
-انا بقالي أكتر من شهر بفكر فيكي وصليت استخارة وحسيت اني مرتاح وحقيقي مكنتش لاقي اليوم ولا الوقت ان آخد رقم والدك منك ، طلعت الجمعية رحلة عشان اشوف شخصيتك أكتر مع الأولاد ، حبيت فيكي روح المشاركة والعفوية جدا ، حبيت انك حافظة القرآن كامل بالتجويد، سمعتك كذا مرة وانتي بتقرأيه للبنات ، عجبني حيائك وطريقتك في التعامل مع أي شخص غير مُحرم وخاصة أنا ، كونك أنك محافظة على نفسك يبقا ان شاء الله هتقدري تحافظي على بيتي ، انا أكيد ماأسأتش الاختيار في شريكة حياتي ، واتمنى انك تصلي استخارة.. 
بعد شهرين عقدنا القرآن في مسجد وكان فيه ناس كتير أوي باركولنا..  
ربنا مارزقنيش بقدر عالي من الجمال ولكن رزقني بزوج تقي جدًا، فاهم وصية الرسول كويس، شايفني أجمل واحدة ^^ 
"أنا بحبك يا نور عشان روحك الحلوة ، عشان جمالك الطبيعي ، أيوة أنتي جميلة عشان بتحافظي على نفسك ، عشان قابضة على دينك كـ القابض على الجمر، عشان التزامك وأدبك ، عشان أنتي زوجة صالحة وفخور بيكي قدام كل الناس ، الناس اللي شايفة الجمال في الشكل بس دي عقولها تعبانة  بتحب المظاهر وبس والمظاهر مع الوقت مش هتدوم"
كُنت مُخطئة عندما ظننت أن جمالي يكمن في ملامحي
 الجمال الحقيقي هو جمال القلب والروح ❤ 
 
(لقد خلقنا الإنسان في أحسن تقويم) ✋
#قصة_بنوته

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق