كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

العب كتف وانا واقف ولا وانا اقعد

2019-05-12 20:29:05 رياضة ...






🔰🔰العب كتف وانا واقف ولا وانا قاعد؟🤔


seated vs standing overhead press?
طبعا لما تدخل اى جيم وتسال اي كابتن الا لو واحد فاهم هيقولك على طول العبب وانت قاعد عشان ظهرك ودة للاسف اللى اغلبنا فاهمه وانا كنت فاهم كده فى يوم من الايام.
طيب تعالو نقارن بين الاتنين ونشوف انهى الافضل😎


عشان نقارن بين شكلين لتمرين واحد محتاجين نعرف حاجتين مهمين عشان نشوف انهى الافضل لينا وهما
1️⃣️فاعليه التمرين فى تشغيل وتنشيط اقصى عدد من الخلايا العضليه  او muscle activation
2️⃣️الامان او safety هل التمرين ده ممكن يادى لاصابه؟ وازاى اتفاداها؟
------------------------------------------------------------------
هنمسك حاجه حاجه ونتكلم عنها بالتفصيل.
🔰اول حاجه فاعليه التمرين او ال muscle activation :-


دراسه اتعملت سنه 2003 عملو فيها مقارنه بين تمرين الكتف واقف وقاعد بالبار والدمبل وقاسو فعاليه التمرين بجهاز emg دة جهاز بيقيس النشاط العضلى اثناء التمرين.
وكان اقصي نشاط عضلى لصالح الكتف بالدمبل واقف 🏋️‍♂️
وفى نفس الدراسه برده كان فيه مقرنه بين عضلات الذراع (الباى والتراى) وكان اقصي نشاط ليهم للتمارين وانت واقف.
وده ابط الدراسه للى حابب يقراها:-
https://www.ncbi.nlm.nih.gov/pubmed/23096062
-------------------------------------------------------------
كده خلصنا من اول نقطه ندخل على تانى نقطه والاهم من الاولى وهى الامان.
اللى طبعا زي ما قلنا اى حد هيقولك العب وانت قاعد اامن لظهرك طيب تعالو نمسك التمرين ونفصصه ونشوف عيوب كل واحد فيهم.
-------------------------------------------------------------
🔰عيوب تمرين الكتف وانت قاعد:-


1️⃣️المدى الحركى للوح الكتف الخلفى (scapula):-
عشان ترفع ايدك فوق راسك للاخر دة بيحصل معاه انقباض فى عضلات الترابيس العلويه  upper trapezius وده بيأدى لحركه  دائريه لفوق للوح الكتف الخلفى  upward rotation وده هتلاقوه متوضح فى صورده رقم 1 فى الكومنتات.
فانت طبعا لما بتقعد بتزنق ظهرك فى الكرسي جامد خصوصا الجزء العلوى عشان تدى لنفسك عزم وترفع الوزن وباللى بتعمله ده فانت بتزق لوح الكتف الخلفى فى اتجاه عكس حركته وده بيظهر كل ما بتشيل وزن اكتر وده مع الوقت ممكن يعمل اصابه فى اى وقت خصوصا فى اوتار ال rotator cuff 
✅الحل:-
فى كراسي مخصصه للتمرين ده بيكون الظهر بتاعها قصير يوصل لنص ظهرك بس عشان يدى حريه لحركه لوح الكتف الخلفى.


2️⃣️المدى الحركى الكامل (full range of motion):-
المدى الحركى الكامل فى التمرين ده ان نهايته المفروض يكون الدمبل او البار عمودى فوق راسك فانت لما بتلعب علي كرسي بظهر خصوصا لو متقل وزن مبتقدرش تتحكم فى جسمك وتطلعه قدام سنه عشان تجيب المدى الحركى الكامل دة بيحصل سهل لو بتلعب وانت واقف لكن وانت قاعد صعب فنهايه الحركه مبتبقاش عموديه مع جسمك وبتكون قدام جسمك بشويه اكنك بتلعب بنش علوى زى الصوره رقم 2 فى الكومنتات.
✅الحل:- 
انك تلعب على بنش مستوى ملهوش ظهر ده هيخليك تخفف فى الوزن شويه بس هتجيب المدى الحركى الكامل وده افضل طبعا.
3️⃣️مدى الامان بالنسبه لاسفل الظهر:-
ايه اللي بيخلى ال20 كيلو اتقل من ال10  بعيدا عن كتلتهم؟🤔
الجاذبيه لما انت بتشيل وزن تقيل وترفعه عكس اتجاه الارض فالجاذبيه هتشدة لتحت بشكل عمودى.
ابسطهالك هات دمبل او اى وزن وعلقه وارسم منه خط عمودى لحد الارض فى النقطه اللى الخط دة لامس الارض فيها دى اقصى نقطه واقع عليها حمل الخط دة اسمه خط القوه او line of force وهتلاقو ليه صوره توضيحيه شويه فى صوره رقم 3 فى الكومنتات.
وانت قاعد ورافع الدمبل فوق راسك ارسم خط عمودى من اول الدمبل لحد مايوصل للنقطه اللى واقع عليها حمل وفى الحاله دى هيكون اسفل ظهرك على الكرسى لانك كسرت ال line of force بقعدتك على الكرسي فهما اصبح ان اقصى نقطه عليها حمل  هى اسفل ظهرك - يعنى مطلعش امان للظهر زى مابيقولو🤨..بصوت خالد الصاوى
لا طبعا بخلاف لو انت بتلعب وانت واقف الحمل بيكون واصل لحد رجلك فبالتاى اسفل ظهرك هيكون فى امان لو انت بتلعب صح وشادد ال glutes دة هيقلل الحمل جامد من على اسفل الظهر.
-------------------------------------------------------------------
🔰🔰المنفعه الكليه من التمرين او كميه العضلات اللى التمرين بيشغلها بخلاف العضله المستهدفه:-
⬆️وانت قاعد:-
 بيشتغل الكتف ومعاه التراى كمساعد والترباس العلوى والبنش اعلوى بشكل بسيط
----------------------
⬆️وانت واقف:-
 بيشتغل الكتف والترباس العلوى والتراى والبنش العلوى وعضلات ال core او عضلات الجذع اللى هى اسفل الظهر والبطن والاجناب بيحصلهم انقباض وبيشتغلو كعضلات تثبيت stabilization muscles عشان يثبتو جسمك وميخلهوش يتحرك للجنب او قدام وورا والرجل برده بتشغل هى وال glutes او المؤخره زى ما قلنا.
---------------------------------------------------------------
🔰الخلاصه:-
🎬كتف وانت قاعد:-
عيوبه كتير واامن حاجه ليه انك تلعبه وانت قاعد على كرسي ظهره قصير او بنش من غير ظهر مع تأمين الظهر.
🎬كتف وانت واقف:-
منفعته احسن بالنسبه للعضلات المستهدفه (الكتف) وعضلات الجزء العلوى عموما وامان جدا شرط انه يتلعب صح وهو مش تمرين سهل عشان تلعبه صح لازم تكون عارف التكنيك بالظبت عشان تامن نفسك 

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق