يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

عبودود

2019-04-06 09:09:24 شعر و أدب ...






عبودود



شعر. فتحي حمدالله



عبودود عبودود



اسم راجل من بلدنا



قلبه أبيض



قلبه أوسع م البراح



وف عنيه مولود صباح



جوة قلبه الشمس طالعة



فوق جبينه الكون منور



عبودود عبودود



عبودود إنسان ودود



عبودود إنسان بسيط



عبودود عامل ف غيط



عبودود لاضم ف خيط



 من دموعه ومن دماه



سبحة يسر



عبودود عارف تمام



 إن بعد العسر يسر



عبودود عايش حياته



لجل ما يربي البنات



زي تور مربوط  ف ساقية



وامهم اتهد حيلها م الخلف



لجل ما تجيب الولد



ما الولد يسند أبوه



والبنات خلفة شوم



ورغم إن عبودود إنسان ودود



كان كل يوم يضرب مراته



اللى ما جابت الولد



والنتيجة المحزنة



المزيد من البنات



كلمتين قاسيين ف حلقه



محبوسين ما بين ضلوعه



رهن طوعه



ف أىّ  وقت يطرشوا



فى القلب مرّ ..........



" الولديسند أبوه "



عبودود عبودود



عبودود إنسان ودود



كل ليلة من حديقة ذكرياته



 يقطف الوجع اللى طايب فوق
غصونه



يترمى فى حجر مرته



اللى بتفلّى ف شجونه



 عبودود عبودود



عبودود صاحب عيال



عبودود محتاج لمال



لجل ما يربى البنات



يــــاه عليها الست حرمه المفترية



  منها لله البعيدة



  أرنبة من نوع فريد



كل ما تزعل تخلف



كل ما تفرح تخلف



كل ما تلبس جديد



والخلاصة فى الكلام



عبودود غلبان يا ناس



عبودود محتاج أساس



يتسند فكره عليه



عبودود عايز نصايح مخلصة



عبودود عايز إيدين



 لجل تتمد لإيديه ...



 لجل تتمد لإيديه ..



 لجل تتمد لإيديه   .


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق