يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

اختيار الحب

2019-04-16 12:44:39 شعر و أدب ...






الحب ديما بيكون بين طرفين  الاتنين عندهم مشاعر الحب بس مش نفس حجم المشاعر في حد تلاقيه حاطط كل مشاعره للطرف التاني والطرف التاني مخبي شوياا من مشاعره تحسه خايف يظهر كل مشاعره بالعامية كدا تقلان عليه.، وللأسف دا بيلخبط العلاقه بتحس حد بهتم وبيقدم كل اللي في وسعه لحد مش مقدر كل دا!!واكيد مع الوقت الشخص اللي مهتم هيمل و هيحس بأن اللي بيعمله مالوش مقابل فابكدا الحب هيبدأ يقل مع الوقت.

الحب مش سابق عشان نحدد مين اللي بيهتم اكتر ومين لا أو مين اللي بيضحي ومستحمل مين اكتر؟! . لا الحب مش كدا خاالص الحب انك بتظهر كل الحب والإهتمام اللي في قلبك للشخص اللي أيقنت انه بيحبك، واللي في لحظه ماتحسش انك ندمت على حبه!! اختار  صح لأن الحب هوا الشعور اللي ممكن يعيشك حياه تفرحك وتريح قلبك وتحس انك في السما وهوا برضو اللي ممكن يعيشك طول عمرك في تعاسه وينزلك لسابع أرض ..عندك مثلاً الحب من طرف واحد افتكر انه مش حب على قد ََماهوا عذاب، ايوا عذاب لما تعيش روحك متعلقه بحد عاارف انه مش ليك لما تعيش تحلم بحد ليلل ونهار وهوا مش حاسس بيك لما تتعذب لجرحه وهوا مش شايف عذابك، والأغرب من كل دا انك بتسميه حبيب وهوا اصلا بيحب غيرك . بتدي نفسك وعود كدابه بأنه في يوم هيحس بحبك هيحس بقلبك إللي شايل حبك ليه، والأصعب من كل دا انك تشوفه فرحان مع غيرك فبتفرح ليه ومش همك قلبك اللي بيعتصر من الألم. بتحس قلبك عاايز يطلع من صدرك يعترض على أفعالك البارده  وسكوتك عن الاعتراف بحبك، شفايفك بتضحك وعيونك بدمع وانت مع كل دا بتكابر وبتخفي حبك،  صدقني لو في وقت سألوا مين الغلطان هيكون انت ايوا انت اللي خبيت حبك جوا قلبك وسكت!! أو انت اللي حبيت  حد وسلمت ليه قلبك وهوا مش ليك من الاول فأنت برضو الغلطان لأنك علقت نفسك بوهم حب  مش ليك.بلاش تكابروا في الحب ياجماعه اللي يحب يتكلم ويظهر حبه ولو مالاقتش بتبادل بنفس الحب يبقاا ابعد احسن ليك ولقلبك بلاش تعذبوا قلوبكم بنفسكم !امسكوا في كل اللي بيحبوكم بلاش تضيعوهم من أيديكم بسبب كبرياءكم وقربوا منهم بادلوهم نفس القدر من الحب بلاش تبخلوا في حبكم على اللي بيحبوكم. ولازم تعرفوا أن الحب شعور متبادل بنفس القدر من المشاعر.!! 


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق