يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

احذر اطفاء بنى ءادم بالماء من الممكن ان يقتله.

2019-03-04 02:52:37 منوعات ...






اطفاء حريق بني ادم بالمياه ، ممكن يقتله، دا كلام موثق وعلمي ،
لازم نكتب الكلمتين دول، ونوقف سيل الافتخار بالناس اللي بتطفي المحروقين بالمياه 
الناس دول اتصرفوا بطيبتهم وطبعهم ، وكتر خيرهم على الشجاعة اللي تخليهم يوقفوا وميهربوش، وهم عملوا احسن حاجة يعرفوها في اللحظة دي.
.
لكن مينفعش نعمل ثقافة ان اي واحد محروق نجري عليه بالجراكن ، 
التسخين السريع ثم التبريد المفاجئ دي الطريقة اللي بنقتل بيها البكتريا ، واسمها البسترة ، مينفعش تقتل خلايا بني ادم بانك تبرده فجائيا بمياه او تلج او غيرها ،
دا غير لحظة الصدمة، لحظة نزول الميه الباردة على الجلد المحترق اللي إحساسه بالالم بيزيد عن الجلد العادي ، اللحظة دي قاتلة لوحدها،
خلاصة كل البوست دا ، ان الاسلوب الصح لاطفاء بني ادم مشتعل ،انك تمنع الهواء انه يروح للنار.
امنع الهواء بافضل واحسن واسرع وسيلة قريبة منك من غير ما تضر نفسك او تضر المصاب.
امنع الهواء ، بس كدا
اكتم النار ،
افضل اداة ممكن تستخدمها هي بطانية الحريق، وهي مخصصة للنوع دا بتكتم النار، وتمنع عنه الاكسجين ، ومبتولعش ولا بتسخن على جلده ومش بتلزق جامد لما نيجي نشيلها منه.
بطانية الحريق موجودة في اماكن قليلة ، زي عربات المترو ، مفتكرش اني شفتها في مكان تاني في مصر،
.
لو ملقتهاش ودا الغالب ،
.
ففيه احتمال متفائل ، ان النار تكون ماسكة بس جزء يسهل خلعه من ملابسه ، زي البنطلون او الشاش ، او الحجاب ، فبكل سهولة ، 
تلف ايدك بقماشة مبلولة ، وتقوم خالع الجزء المشتعل دا او قاطعه في ثانية ، 
طبعا وانتا بتخلعه النار حتشعلل اكتر ، فتبقى سريع وقريب من ميه ، ولافف ايدك بحاجة مبلولة عشان تقدر تكمل للاخر، ومفيش احتمال انك تتلخبط . 
وفيه احتمال ان النار تكون في اطراف الشعر مثلا ، فبسهولة صب ميه زي ما تحب على الشعر مش الجلد ، او قص الشعر خالص ،
الشعر كل ما تبعده عن بعضه كل ما يولع اكتر، عشان الهواء بيدخل بينه ، وكل تلمه النار تقل شويا.
.
.وتقدر تصب مياه على الملابس او اطراف الشعر براحتك ، المشكلة في انك تطفئ الجسم بميه ، لكن في الملابس والشعر ، مفيش مشكلة.
اخر احتمال ودا اصعب حاجة، وهو ان التاس تكون ماسكة في ملابس مش سهل نزعها ، او تكون خلصت الملابس ، ودخلت على الجسم نفسه 
وفي الوقت دا لو فيه بطانية حريق ، يبقى هي افضل حل ومتسيبهاش وتروح لحاجة غيرها الا لو بعيدة جدا.
لو ملقتهاش يبقى تلفه ببطانية او حاجة تقيلة لحد ما تكتم النار ، 
تلفه بيها مش تضربه بيها ،
 تلف جسمه بالكامل بحيث ان النار تتكتم وميروحش لها هوا،
انتا ممكن تشوف ان الطريقة دي مش كفاية ،
لكن صدقني هي الطريقة الوحيدة الامنة والمضمونة بعد بطانية الحريق ، مهما كان حجم النار ، تلف المصاب بس، وتمنع عنها الهواء،
.
انا جربت دا في بيتي، وملايين جربوه في العالم، واللي عملوا غير كدا خسروا ارواح ،
.
لو لفيت المصاب بالحاجات الخفيفة زي الملايات حتولع ومش حتطفي النار في جسمه ، فحتضره ، كانك بتصب عليه بنزين ،
.
لازم شئ تقيل ، او على الاقل اكتر من شئ خفيف ، لحد ما يعملوا مع بعض شئ تقيل يمنع الهوا عن النار .
.
ممكن الجاكيت بتاعك او اكتر من جاكيت مع بعض، 
مش عايز اقول لك اختار نوع قماش مبيساعدش على الحريق ، لانك حتكون مشلول الفكر وقتها ،
لكن البوليستر ، دا من منتجات البترول ، والنار بتشبط فيه ،
لو كل اللي حواليك ملايات وقمصان وفانلات وحاجات خفيفة، يبقى في الحالة دي بس ممكن تبل الملاية بالميه ، وتعصرها بعيد عن جسمه ، وتلف بيها جسم المصاب بعد كدا ،
 وربنا يسترها عليه، هوا ونصيبه ، 
الملاية المبلولة او القميص المبلول حتمنع الهوا وتطفي النار، 
لكن في نفس الوقت حتعمل صدمة عصبية شديدة لجسمه،
 لو عدى منها ، يبقى الجزء الصعب خلص.
.


لحظات اتخاذ القرار محدودة جدا ، 
واللي في الوضع دا بيشتغل باحسن شئ يلاقيه قدامه، ويشكر على كل حال.
.
لحد ما تلاقي شي مناسب، 
المفروض تهدي المصاب ، ودا صعب طبعا، 
.
وتنيمه على الارض وتلفه زي كانه بيتمرمغ،
الجزء اللي بيلمس الارض حينطفي عشان مش بيروحله هوا ، 
.
دي الفكرة الاساسية في اطفاء حريق انسان مشتعل، انك تمنع الهواء عن النار ، حتنطفي في لحظة، 
تمنع الهواء ببطانية الحريق او باي اداة تلاقيها قدامك ، ولو قدامك حاجات كتير يبقى تختار الافضل بسرعة.
.
.
المصاب لحظة الحريق 
زيه زي الغريق واصعب ، 
ممكن من الالم ينقل الحريق لك بدون قصد ، انتا لازم تاخد احتياطك.
.
مينفعش عمال في ورشة ميكانيكا سيارات  يجروا يطفوا نار وهم لابسين هدوم شغلهم ، لانهم كلهم حيولعوا.
.
مينفعش تقف مزنوق في حارة سد وانتا بتطفي مصاب، 
.
لازم يبقى وراك او جمبك طريق مفتوح ، تهرب وتطفي نفسك لو لحقتك النار ، او لو لقيت نفسك دخت من الدخان.
.
مينفعش تطفئ مصاب وانتا في اتجاه الريح ،
.
مينفعش تاخده براحته وتطبطب عليه ، لازم تبقى سريع وحازم. 
ممكن تكعبله بالراحة عشان ينام على الارض وتطفيه ، في الاول حيقاوم، اول ما يلاقي النار بردت حيستحيب لك .
النار بتبدا صغيرة وفجأة تكبر.
فمن اول لحظة تبدأ تطفيها صح ، 
مينفعش تاخد من ايده وتجري بيه لمكان تاني، 
مينفعش تشيله وتجري بيه، النار حتمسككم انتوا الاتنين.
الا لو المكان اللي انتوا فيه كله بيولع ، ففي الحالة دي بس ، نقل المصاب من المكان مقدم على اطفائه 
العكس بقى.
ان المصاب يجري ، دا بيشعللها اكتر زي ما شفنا في الصور،
غير كدا الدخان بيزيد ، ودا بيدوخه ، وهوا بيكون بيجري ، ومحتاج اكسجين اكتر ، في اخر الجري حيغمى عليه.
وغلط ان الناس تلم بطاطين او جواكت ، وبدل ما يحطوها على المصاب ويكتموا النار ،
 يفضلوا يضربوها ، كانهم بيهووا بيها على جسمه، 
دا بيشعللها اكتر ، وبيقطع جلد المصاب ، ويزيد فرصة العدوى والوفاة بعد كدا.
والدخان بيؤثر عليهم برضه ، وبيخوفهم وبيمنع الرؤية، ويصعب الموضوع.
مجرد ما النار تنطفي من الملابس وجلد المصاب ،
يبقى تقدر تتبرد الجسم بقماش مبلول بميه ، لحد ما يوصل لدرجة حرارة عادية
لكن مش بالتلج . 
دا الزمان المناسب لاستخدام الميه ، مش أثناء اشتعال النار.
ثقافة السلامة المفروض تبقى في كل بيت،
(ومن أحياها فكأنما أحيا الناس جميعا).

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق