يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

مراجعة رواية قواعد جارتين للكاتب عمرو عبد الحميد

2019-02-13 11:04:31 شعر و أدب ...






مقدمة :

ماذا لو وجدت نفسك بأرضٍ أقصى ما يمكنك بلوغه بها هو خمسون عامًا .. ليست هذه القاعدة الوحيدة فحسب، بل هناك ما هو أكثر من ذلك ..

التقييم الاول 2/5 :

بصراحه انا كبهير نفسي انبهرت يعني 😀

لا يمكنك معرفة نتيجة أمر ما إلا بعد تجربته .....

حسنا يعود لنا من جديد عمرو عبد الحميد في روايته قواعد جارتين و قد قامر الكاتب من جديد علي ذلك النوع من الكتابه عن العوالم الأخري إلا أن المقامرة كانت فاشلة للأسف الشديد

بداية نتكلم عن قواعد جارتين نفسها و عالم جارتين بشكل عام هل هو عالم قواعده جذابة و مثيرة بيا كقاريء و تثير فضولي لمعرفة ايه اللي بيحصل فية ؟؟؟؟

الإجابة بالقطع لا

ايه الابداع ان الناس متعيشش بعد ٥٠ شنه و ولاد الزنا يتعاملوا معاملة سيئة ؟؟؟؟

ايه المثير ليا كقاريء اني اعرف يا تري الناس في العالم ده عايشين إزاي ؟

ولا اي حاجة بس الكاتب للاسف راهن عالنوع ده من الكتابة و قرر يخوض فيه بعد نجاح عالم زيكولا اللي عجبني جدا عالصعيد الشخصي و إن كان الجزء الثاني منه معجبنيش بنفس القوة ولا حاجة للذكر انه جزء ثالث كان هيبقي محاولة عبثية مثيرة للشفقه فإضطر الكاتب إنه يخلق عالم جديد

طيب دعونا نتجنب عالم جارتين و قواعدة و نبص للأحداث بإفتراض إن قواعده متقنه 

اول ١٠٠ صفحه قصة حب رخيصه جدا قصص المنتديات احسن منها و دايما من وجهة نظري الحب و المحن بيكون لإجتذاب البنات لاي كتاب بس مش موضوعنا 

في اخر ال ١٠٠ صفحه قصة الحب بتصطدم بصخور قواعد جارتين و الحبيبين بيفترقوا 

بس بعد كدة بيظهر الامل لعودتهم من تاني و بيفضل الامل يكبر سنه ورا سنه لحد ما امل نفسها بتقرر تنتحر في اخر التلت التاني من القصه و القصة بتنتهي بخيبة امل و حكمة مفادها انه المرأة لا تستحق التضحية 

بعدين بيبدا فصل جديد من فصول قصتنا و بنكتشف انه كان في عجوز شمطاء قامت بدور الساحرة الشريرة و خربت حلم الحبيبين للاسف 

لكن فجاة بدون مقدمات الزهربيلعب و تتبدل الاحوال و تقوم امل من تربتها و تجيب معاها كل قرايبها و الناس الوحشة تتحول بقدرة قادر سبحان الله لناس متقدمة و منتجه و الكلام العجيب 

ده و الستات بينصلح حالها و تشتغل في الخياطة

ما هما طول عمرهم في التلفزيون علمونا و علموا الكاتب اني الست لما بتنتج بتشتغل علي مكنة خياطة

هتشتغل في اية غير كدة يعني عاوزين الكاتب يبتكر من عنده لا سمح الله 

و بعدين البطلة بتشوف طفل صغير و تحبه في مشهد محذوف من فيلم بنچامين

و بعدين الدنيا بتتلخبط شوية و تنتهي القصة 

و هنا جائت الصدمة الكبري :

الكاتب كتب إلي اللقاء في الحزء الثاني

لحظه واحده معلش

هو العك ده هيتعمله جزء تاني ليه ؟؟؟؟؟؟؟😡

ايوة يعني ايه الهدف او ايه وجهة نظر حضرتك او ايه تصورك 

ولا عشان تلاقي حاجة تكتبها المعرض الجاي مثلا ؟؟

ما علينا هنهي كلامي بنصيحتين 

نصيحة للقراء: الكتاب لا يستحق الشراء مطلقا و اذا وقتك ثمين انصحك حتي ال pdf متنزلوش تجاهلة اساسا

نصيحة لعمرو عبد الحميد: حاول تكتب في لون تاني و اعتقد انك هتنجح إن شاء الله مش شرط ابدا اللي تغلب بيه تلعب بيع دايما 

التقييم الثاني 5/5:

مبدئيا كدة أنا أول رواية قريتها في حياتي كانت أرض زيكولا وحببتني في القراءة بطريقة مختلفة، حسيت إن أنا عايزة أقرأ تاني حاجة في نفس المستوى.

بعديها الحمدلله قريت روايات تانية، ولغاية ما رحت المعرض وانا متحمسة ل"قواعد جارتين" بطريقة مختلفة، علشان أسباب كتير من أهمها إن د/عمرو عبدالحميد أسلوبه حببني في القراءة من الأول.

جبتها أخيرا وبدأت أقراها.. في الأول استغربت موضوع الأرواح وكدة وحسيت إن ده اللي مكنتش متوقعاه في الرواية. لكن بعد ما كملت جزء مش كبير في الرواية فهمت إن ده كان حلقة الوصل اللي تقدر تربط أحداث الرواية مع بعض بالظبط!

ده غير إن أسلوب الكتابة كان بينقل اللي بيقرأ من مكانه لجارتين حرفيا ! انا فعلا حسيت إني معاهم في جارتين وحسيت باللي بيحصل وكمان الأسلوب بينقل مشاعر القارئ من إحساس للتاني بطريقة مختلفة؛ يعني أنا في المشاهد الحزينة انا فعلا كنت بحس إني زعلانة معاهم.. وفي المشاهد اللي حد فيها بيأذي حد أو مشهد فيه إنفعال كنت بحس إني بنفعل معاهم. وفي آخر الرواية أنا حسيت إني فرحت معاهم بانتصارهم. بس بردو النهاية مفتوحة علشان الجزء التاني 😭. 

وبصراحة قليل أوي لما بخلص رواية وأزعل إنها خلصت يعني بحس إني فقدت متعة وحاجة كان نفسي متخلصش.

فعلا د/عمرو أبدع في الرواية وفي انتظار الجزء التاني . وبالتوفيق إن شاء الله 

التقييم الاخير 3/5 :

لم يثر ٱستغرابي النهاية التي آلت إليها الرواية بقدر ما أثاره وجود جزء ثان لها ! 

لا مانع لدي في أن أقرأ ما تبقى من القصة ان كان الكاتب سيحافظ على الحبكة الجيدة التي لم يفلت خيوطها مطلقا في هذا الجزء و التي حافظ على تماسكها دون أن يقع في المتناقضات رغم أنها حبكة معقدة تتشابك فيها القواعد و الأحداث وحتى الإطار الزمني للحكي، أبدع الكاتب أيضا في الإنتقال السلس للأحداث ما بين الطبيب فاضل مع نديم في بني عيسى و ما بين غفران و كل ما يحدث حولها في چارتين ليصل بالجزأين المنفصلين إلى النقطة المشتركة التي هي ظهور آدم دون أي تقطع أو رتابة.

سعة خيال الكاتب واسعة جدا هذا أمر واضح، و لو ٱستثنينا ذلك و الحبكة الجيدة فإن الرواية متوسطة إلى جيدة.

إنتهى الموضوع




















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق