كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

حي السيدة (1)

2019-11-02 15:45:13 قصص و حكايات ...







#رعب #حي_السيدة

((حلقة 1))


ديسمبر 2017 اسمي ندى عندي21 سنه ف رابعة كلية اداب قسم ارشاد سياحي جامعه عين شمس عندي اخين توأم "احمد و محمد" ف ثالثة ثانوي ، بابا موظف وماما ست بيت ، ظروفنا متوسطة زي معظم المصريين خاصة ف الوقت الحالي. كل حاجة كانت ماشية تمام لغاية ما جدي والد بابا اتوفى و ابتدى اعمامي يعملوا مشاكل مع بابا على الورث ولأن ابويا راجل طيب ملوش ف المشاكل و بعد حاجات كتير حصلت سابلهم كل حاجة حتى بيتنا اللي طول عمرنا عايشين فيه 😭

و راح بابا يدور على شقة و كان بيحاول يلاقي حاجة ايجار قديم عشان نقدر ندفعها وبعد لف حوالي شهر اخييييراً لقى شقة مساحتها كويسة و ايجارها بسيط حتى احنا كنا مستغربين بس قولنا خلاص الحمد لله ربنا بيعوضنا عن اننا سيبنا بيتنا *اول يوم ف البيت الجديد* نقلنا حاجتنا وفضلنا نعمل فيها لغاية ما تعبنا ماما قالتلي كفاية و نكمل بكرة كلهم ناموا و فضلت انا اقرأ ف رواية شوية و قومت اشرب لما دخلت المطبخ سمعت صوت ست بتعيط جامد جداً وباين من صوتها انها سنها كبير عجوزة يعني قولت اكيد واحدة جارتنا ولا حاجة

و دخلت نمت على طول من تعب اليوم تاني يوم صحيت لقيت ماما بتكمل ترتيب الحاجات قعدت اعمل معاها لغاية ما خلصنا و هي نامت بليل ف نفس المعاد "الساعة 12 بالظبط" سمعت نفس الصوت بس المره دي في اوضتي 😳 وصوت العياط بيزيد حاولت افتح الشباك يمكن الصوت يعلى و كدة هيبقى حد من الجيران فعلا بس لا الصوت زي ما هو روحت المطبخ اشوف هلاقي الصوت ولا لأ بس ملقتش حاجة رجعت اوضتي لقيت الصوت اختفى قولت خلاص هما الجيران وقولت الصبح هسأل بابا مين ساكن جنبنا عشان اعرف ايه ده فضلت سهرانة اليوم ده بكمل الرواية لقيت الباب بيخبط قولت ادخل محدش رد راح خبط تاني افتكرته احمد اخويا بيهزر قولت ادخل يا احمد و بطل هزار بس بردو محدش رد قومت افتح ملقتش حد قدام الباب قفلت و قولت يمكن بيتهيئلي راح مخبط تاني كنت لسه ممشتش من عند الباب فتحت بسرعة ملقتش 😳😳 من الخوف جريت على اوضة اخواتي فتحت الباب لقيت احمد نايم و محمد ف البلكونة بيتكلم ف الموبيل سألته انت جيت عندي قالي لأ ،، رجعت الاوضة وانا مرعوبة و سبت النور مفتوح من الخوف و نمت على السرير و انا بدعي اني اكون بحلم فضلت ساعة على السرير مش عارفة انام من التفكير لغاية ما حصل حاجة خلتني اتأكد انه مش بيتهيئلي فجأة سمعت صوت حد بيصوت بصوت عالي و بيقول والله ما هسيبك و هفضل اعمل فيكي كدة لغاية ما تموتي وارتاح منك  كنت هعيط من كتر الخوف مش عارفة اعمل ايه الصوت كأنه حد معايا ف الاوضه و صوت الست العجوزه اللي بتعيط رجع تاني بس اقوى بكتير

روحت ندهت محمد اخويا قولتله فيه صوت تعالى اسمع كدة قالي ماشي ثواني و جاي لما هو جيه اول ما فتح الباب كل الاصوات اختفت تنحت من الصدمه قالي مفيش حاجة قولتله خلاص انا كنت فاكره فيه فأر ""عشان هو كمان ميخافش زيي"" و مشي هو قولت الاصوات هترجع تاني بس مرجعتش !! نمت من كتر التعب و التفكير صحيت الصبح اتعاملت كأنه عادي مفيش حاجة وقولت اسأل بابا مين ساكن جنبنا وكانت الصدمه ..
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق