يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

عبدالله جمعه علي وشك الدخول الي التاريخ

2019-01-26 20:35:33 رياضة ...






اصبح عبدالله جمعه قريبا جدا من الانضمام لمنتخب مصر واليكم تحليل لاداء عبدالله جمعه في الفتره الماضيه واهم ما يثير جماهير الكره المصريه عن تطور اداء اللاعب
عبد الله جمعه باك ليفت ممتاز بس اااا
عبد الله جمعه اكتشاف عبقري من جروس بس ااا
عبد الله جمعه بيعمل كل حاجه ف الكوره بس اااا
⚠ لا هو بصراحه عبد الله جمعه باك ليفت متكامل نقطه ومن غير بس ..
عبد الله جمعه تقريبا بيعمل كل حاجه في مركزه ؛ وكانه مولود فيه ..
ف الحقيقه احنا تاريخنا سيئ في الدوري المصري مع اللاعب اللي بيلعب في غير مركزه ، عشان فيه اكتر من لاعب لعب اكتر من ماتش في غير مركزه وتوسمنا فيه خير بس للاسف خدلنا ؛ او مقدرش يستمر!!
_ عبد الله جمعه مختلف تماما : اه فيه روح وجرينتا وشخصيه وثبات علي المستوي البدني ؛ لكن بصراحه فيه أداء فني ..
_ عبد الله جمعه تقريبا في تاني ماتش ليه عمل فأول ساذج جدا كلف الفريق ضربه جزاء ؛ هو موقفش عند النقطه دي .. هو طور من نفسه لحد ما بقي يعمل استخلاص وتشتيت للكوره زي الكتاب ما بيقول : زي ما حصل تشتيت في كوره كينو اللي اتحسبت انذار علي كينو نفسه ؛ و حصل استخلاص في كوره بينافينتي واللي اتحسبت طرد ظالم جدا عليه بشهاده كل المحللين!!
_ العبقري في لعبه كينو: ان كينو من اسرع لاعبي الدوري فتح اسبرنت مستقيم وعبد الله جاي من ناحيه الشمال عشان يغطي ناحيه اليمين ؛ المسافه العموديه اسرع وأقصر بكتير من المسافه القطريه مما يوحي ان سبرنت عبد الله كان اسرع من سبرنت كينو اللي هو من اسرع لاعبي الدوري ..
_ عبد الله جمعه في الكوره دي كان بيغطي علي لاعب دولي بحجم النقاز : اللي اتقطعت منه الكوره ؛ لو أي لاعب دولي عمل تغطيه عبد الله كان اتقال فيه اشعار ..
عبد الله علي المستوي الهجومي بقي يعمل اختراقات جيده جدا ؛ وبيعمل نوعيه عرضيات صعبه جدا اللي هي من نوعيه من ورا لقدام ؛ زي كوره هدف عمر السعيد اللي اتحسبت اوفسايد ..
عبد الله بستعين بنوع اصعب من العرضيات وبيلعبها في مستوي واطي مش مستوي عالي وده اصعب وأدق بكتير ؛ لأن نسبه انها تخبط ف حد وهي بتعمل قوس صعبه جدا ..
_ عبد الله جمعه عنده حسن تصرف هايل جدا ببظهر في طريقه تصرفه مع الكوره؛ اوقات تلاقيه بيعرض وأوقات يتوغل ويشوط ؛ يمكن مالوش تسديدات أسفرت عن اهداف لكنها بتبقي مباغته وقويه ؛ ليه كوره عظيمه في ماتش بيراميدز وحفت ف القائم ؛ الكوره دي هو كان قاصد يسددها بالشكل ده ؛ والنوعيه دي من الالعاب بتحتاج تدريب عالي جدا عشان تطلع بالقوه دي ؛ وكمان بتحتاج مهاره ورؤيه جيده..
_ عبد الله يمتلك شخصيه في الملعب اكتر من لاعبين دوليبن كتير لعبوا مئات الماتشات الدوليه: شوفنا ده في قدرته الهايله علي والمراوغه والمرور بسرعه والافتكاك العالي بالكوره في اكتر من كوره آخر ٣ او ٤ ماتشات منهم كوره هدف عمر السعيد اللي اتحسبت اوفسايد ؛ كان يقدر يمرر بسرعه ولكن فريقه كان منكمش فرقص واحد واتنين عشان ينقل فريقه من الدفاع للهجوم؛ ودي اسمها الشخصيه..
_ الشخصيه كمان ظهرت في مباراه طنجه الذهاب آخر ٥ دقايق وهو بيزعق لزمايله وبيقف ع الكوره عشان يطلعهم ؛ الوقت ده تقريبا كان كل اللاعيبه ركبها بتخبط ف بعض باستثناؤه هو وطارق وجنش !!
_ عمر خربين كان ف جيب عبد الله الشوط الأول ف ماتش بيراميدز لما كان بيلعب جناح ؛ ولما دخل ف العمق ظهر عبد الله هجوميا ومع ذلك كان مساند جيد لعلاء في الغلق علي خربين..
_ خربين للاسف جاب للجون بعد ما عبد الله انطرد لما مكانش حد واقف علي العارضه الشمال للزمالك..
عبد الله جمعه فيه كلام انه يروح المنتخب : هو يستحقها بجداره وانا شايف انه حاليا بيقدم مردود اعلي من افضل باك ليفت مصري وهو عبد الشافي : حرفيا ..
_ جروس مخلقش عبد الله من العدم ؛ عبد الله واضح انه تعب واشتغل علي نفسه واشتغل علي كل تفصيله ذكرناها بشكل جيد جدا ..
_ دموع عبد الله جمعه رغم طرده الظلم توحي بانه لاعب يتحمل المسؤليه وشايل هم فريق وعارف انه حايش عنهم بلاوي ؛ وكانه حاسس ان الطرد هيخلي فريقه يتعادل 
دموع مسؤليه ورجوله مش دموع تخاذل وتقصير ..
⚠ رساله لكل لاعب ف الفرقه : انت شوفت عبد الله واوباما كانوا فين وبقوا فين ؟! المدرب معاك وبيساعدك والجمهور بيدعمك ؛ بس اعرف كويس انك اول واحد تقدر تساعد نفسك ؛ والفرص ما بتجيش الا للي مستنيها ؛ والنجاح مش بيحصل لما بتحلم بيه !! لا انت لازم تصحي اول واحد عشان تحققه



















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق