يمكنك الكتابة معنا بالموقع
الكتابة بحرية تامة
سجل حسابك بالموقع الان انه مجاني

تلخيص محور التوحيدي بالدارجة للي مش فاهمو جملة

2019-01-26 17:08:05 منوعات ...






ملخص محور التوحيدي بالدارجة



أبو حيان التوحيدي هو اديب عاش في القرن
الرابع و القرن هذا كلو مشاكل و اضطرابات عرفها المجتمع استقر التوحيدي في بغداد
مدة كبيرة و كان ديما كل ليلة  يمشي يسهر
مع الوزير ابن سعدان  الي هي المسامرات  و سجلها في كتابه
الامتاع و المؤانسة
.



وفي السهرات هاذي كان الوزير يسأل حول مواضيع
فكرية ادبية و التوحيدي يجاوبو و ديما توفى السهرية بملحة و هي طريفة ولا تكون بيت
شعر جميل .



و عندنا زادة المقابسات كتاب اخر لتوحيدي و هو كتاب فلسفي
يكتبلنا فيه دروس متع استاذه في الفلسفة ابو سليمان المنطقي (هوكا اسمو على جسمو
جاية من المنطق ديما تفكروها) و كان يكتب فيه زادة آراء فلاسفة اخرين و حوارات
حول  قضايا فكرية راقية .



اهم حاجة نركزو فيهاا هي حضور العقل في كتب التوحيدي و نلقاوها
خاصة من المصطلحات الي هي ريناها برشا في نصوصنا كيما فلسفة فكر نفس وجود معى ...وزادة
من المواضيع كيما الفرق بين النفس و الروح ..و شكون خير العلم و لا المال و لا
عندك الفلسفة و الشريعة و لا النثر او الشعر هوكا كل شي تفهموم من شرح نصوص
ارجعولهم ديما و ركزو عليهم..و اخر حاجة الشخصيات الي التوحيدي حكى عليهم و نقل
كلامهم الي اغلبهم فلاسفة هنا نفهموا قداش العقل كان حاضر في كتب التوحيدي ..



و عنا حاجة مهمة في محورنا هذا و الي هي الحجاج في كتب التوحيدي و الحجاج هو دفاع
على اطروحة و فكرة بحجج و يستعملها باش يغير تفكير المتلقي و سلوكه و يآثر عليه



و عندنا المسارات
الحجاجية
اولا نقولو الطريقة الحجاجية و عندنا اهم حاجة هي
الحوارية هي يكون النص في شكل حوار كيما الحوارات الي في الصوص الي عندنا
كالمحاورة الشهيرة بين الفيلسوف متى بن يونس و عالم اللغة السيرافي و هوما يتحاورو
شكون خير الفلسفة اليونانية و لا النحو العربي ارجعو لكتاب اقراوه..



وفما حاجة نراوها عند عمك التوحيدي هي المسار
الاستقرائي اي من قواعد جزئية نوصلو لقاعدة عامة مثلا في نص الاختلاف نراو
فمااختلاف بين الامم اختلاف بين الاديان اختلاف في المذاهب و هكا نوصلو لنتيجة الي
هي الاختلاف  ظاهرة انسانية .و فما برشا
حاجات اخرى حكا عليهم التوحيدي اما صعاب هاكا علاه حكيتلكم على هاذي تجمو ترجعو
لكرارسكم و تلوجو على المسارات الحجاجية الاخرى



و ماننساوش اسهل حاجة هي انواع الحجج كيما حجة دينية و لا من
الواقع و لا حجة التاريخ حجة السلطة حجة المقارنة الخ..



اخر حاجة اهداف
الحجج
و هي تكون اهداف اصلاحية خاطر التوحيدي هذا يحب ينصح
الوزير باش يكون عادل مع الرعية ولا اهداف اخلاقية باش يبرهن ان العلم خير من
المال و لا اهداف حضارية باش يفهمهم الي الحضارة العربية خير من الحضارة اليونانية
و من هاذم نخرجو القضايا السياسية و الاجتماعية و الأخلاقية الين فهموها بالعصر و
المجتمع الواكل بعضو و الي يغلي بالفساد في قرن الرابع هاذاكا 


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق