كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

الاموات يحترقون

2018-03-19 13:05:43 قصص و حكايات ...






انا اسمي احمد فراج انتقلت انا واتنين من صحابي من القري للمدينه علشان ندرس في الجامعه..  هعرفكم بأصدقائي عبدالرحمن احمد و سعد احمد

لما قولتلهم ان في شقه قريبه من الجامعه و سعرها رخيص جدااا مكدبوش خبر ت قالوا مستني ايه يلا نروووح نحجزها..


 هما مش واخدين بالهم ان المبلغ قليل لدرجه القلق و الخوف؟ انا كنت بقولهم اني لقيتها مش علشان نسكن فيها انا كنت عايز اقولهم ان ليا فايده و اعرف اتصرف في اي حاجه و اساعدهم معايا

مش مهم هروح اجهز كل هدومي علشان هقابلهم في المحطه بكره الصبح...

ازيك يا سعد ازيك يا عبدالرحمن  رد سعد بس ايه ياسطا الشقه الجامده دي رخيصه بغباااء اتكلم عبدالرحمن اه والله انا استغربت لما سمعت المبلغ..


احمد:يلا القطر جيه اركبوا احنا لسه هنتكلم..  ركبنا و نمت في القطر زي عادتي بس حلمت بكابوس مرعب كأن ناس بتتحرق و بتموووت قومت مفزووع ببص قدامي لقيت راجل عجوز مركز معايا و ابتسم و مشي.. وصلنا الشقه بس غريبه اوووي دي نضيفه و غاليه جدا و شكلها راقي غريبه خاالص الحكايه دي سألوني متأكد ياسطا ان هي دي ، دي غاااليه باين عليها

رديت والله هي دي اللي في العنوان يلاا ندخل.. استقبلنا الراجل بس انا مش هسكت لازم اعرف ايه حكايه الشقه دي  بس قولي يا عمي هي ليه الشقه رخيصه كده مع ان شكلها مدي علي اكتر من كده بكتييير و شكلها غالي  الراجل اتلجلج في الكلام و ضحك و قال انا لما عرفت انكم طلاب جامعيين قولت اساعدكم و اخد ثواب و يلا بقا علشان ترتاحوا من السفر اقعدوا براحتكم استأذن انا و مشي بسرعه.. عمال استغرب كل مره و التانيه اكتر من اللي قبلها الراجل غريب و خلص الموضوع بسرعه..

بقولكم ايه انتوا مش حاسين ان الراجل دا غريب؟ في حاجه مريبه كده و كلامه مش مريحني..  رد سعد يابني الراجل شكله طيب و قالك عايز ثواب عااايز يعمل خير انا هروووح اختار الاوضه اللي هنام فيها..

اليوم عدا و كل واحد في اوضه كأنه ملك و سرير جميل اووي و اوض روعه في الجمال.. نمت.. هعمل ايه يعني؟ نمت من التعب و التفكير.. انا فين؟ انا في الاوضه و واقف و قدامي راجل مصلوب و ضهره كله مشوه و متدغدغ كأنهم بيجلدوه 


انا واقف و بتفرج علي المنظر الراجل صاحب البيت واقف جنب اللي مصلوب و لقيتوا بيغرقوا بماده سائله و بكل سهوله طلع كبريت و ولع في الراجل انا بحاول امد ايدي علشان انقذه الدنيا ضلمت و سامع صوت صريخ الراجل و صوت النار عماله تاكل في جسمه حاجه شدتني من رجلي قلبتني علي وشي انا بحاول ابعد و هي بتشدني ليها عمال اقول الحقووني الحقوني و اصرخ و مش قاادر لحد ما سمعت صوت عبدالرحمن يا احمد يا احمد اصحي يابني مالك في ايه؟  قومت مفزوع و خايف شربوني ميه و قالوا انت بتحلم متخافش في ايه.. بدأت اهدي و كل واحد دخل اوضته يكمل نومه بس ببص علي رجلي لقيت علامه صوابع كأن حد كان ماسك رجلي انا لازم اقوم اتكلم مع الراجل.. النور قطع و حاسس اني متكتف مكاني و حاسس بأن السائل اللي كان بيحطه علي الراجل المصلوب بيتحط عليا فضلت اصرخ و اقول لا لا لا مش عايز اموت مش عايز اموت.. دخلوا الاوضه يصحوني من النوم اصحي يا احمد صحيت بعيط بقولهم كانوا صالبين راجل و حد مسك رجلي و و و.. و حتي بصوا علي رجلي و العلامه اللي عليه و شوفعها لما صحيتوني من شويه.. سعد قال بس احنا مصحيناش حد من شويه و مفيش حاجه علي رجلك انت فيك حاجه غريبه مالك.. قولتلهم معرفش خلاص مفيش حاجه.. اتصلت بعمي هو شيخ و يفهم في الحاجات دي و الصبح كان عندي دخل البيت فضل يقرا قرآن قالي انتوا ازاي عايشين هنا البيت دا كله جن و فيه ارواح اموات احنا لازم نبلغ عن صاحب البيت و نعرف ايه اللي بيحصل.. الخبر وصل للشرطه و تم تفتيش البيت فعلا و طلع الراجل صاحب البيت بيعمل اعمال و بيستخدم الجن الناري ب اجزاء من الناس اللي بتسكن و الجن بعد ما ياخد اللي هو عايزه يحرقها مقابل تنفيذ اوامر من الساحر دا و تم اكتشاف قبو في المنزل و فيه اكتر من ٢٣ جثه محروقه و تم القبض علي صاحب البيت و احنا رجعنا بلدنا تاني بس الاحلام فضلت مستمره معايا انا و سعد و عبدالرحمن و شكل نهايتنا وحشه


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق