كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

اشباح التايتنك

2018-03-15 17:59:42 قصص و حكايات ...






انا وليد .. عندى 61 سنه و مش متجوز  ايام ما كنت شباب عندى 25 سنه كنت بحاره عالمى والكل بيحلف بأسمى ده لأن من صغرى بحب البحر وبحب اكتشف خباياه ... المهم فى سنة 1912 بالتحديد يوم 14 ابريل غرقت اكبر سفينه فى العالم وهى سفينة تايتنك كنت انا ايامها عندى 23 سنه كده فحبيت اعرف اكتر عن السفينه دى  المهم حددت انا وطاقم العمل اللى شغالين معايا اننا هنروح نستكشف بس بدون اى اذونات من الحكومه لأن ممنوع اصلآ نروح هناك 


المهم حددنا يوم 14 ابريل هنروح هناك لكن سنة 1914 علشان اللى هيرتب اموره وكده وفى ناس متجوزه وعندها عائلات وكمان علشان احنا مش عارفين هنرجع ولا لا لأن المعروف عن المنطقه اللى غرقت فيها السفينه انها منطقه خطيره جدآ  وبالفعل استعدينا لليوم ده اتم استعداد اخدنا سفينتى وكانت سفينه ضخمه جدآ وفيها كل حاجه ممكن نحتاجها واتجهنا الى شمال المحيط الأطلسي مكان ما غرقت تيتانك  وكان معايا طاقم العمل مكون من رجاله وستات لكن مش هحكى عنهم دلوقتى هتعرفوهم مع التسلسل الزمنى لكن اهم شخص وكان بمثابة دراعى اليمين كان شريف وكان عنده 31 سنه

الرحله دى علشان نوصل بس هناك هتاخد 4 ايام


لكن الــ4 ايام دول احنا شوفنا فيهم البدع اول يوم عدى عادى لكن من تانى يوم ابتدت بقى المصايب تحصل  جالى شريف وقالى

شريف : الحق يا كابتن وليد البوصله مش شغاله وليد : بوصلة ايه اللى بظت انت بتهزر !! شريف : والله بتكلم بجد يا كابتن وليد


وليد : ايه اللى بوظها يعنى ! شريف : مش عارف احنا لقيناها مره واحده كده ابتدت تلف سريع بطريقه مجنونه وليد : طيب وباقى الأجهزه شغاله ؟! شريف : ايوه يا كابتن باقى الأجهزه شغاله حلو وليد : طيب فى بوصله انا كنت جايبها حرص يعنى تعالى نبص عليها بصه

ثم تدخل عليهم نرمين صارخه الحق يا فندم فى حاجه غريبه اوى بتحصل بره وليد : اهدى يا نرمين بس حاجه ايه اللى بتحصل !! نرمين : فى قطه عايمه برا وليد : اه دى تلاقيها مهاجره هجره غير مشروعه يابنت المجنونه نرمين : والله ما بهزر يا فندم تعالى وشوف

وليد : انتى سخنه !؟ احنا فى المحيط يا بنتى واساسا القطط بتخاف من المايه  نرمين : طب تعالى بس

يذهب الكابتن وليد وشريف مع نرمين الى خارج السفينه ؟! وليد : فين يا قطه القطه ؟! نرمين : والله كانت عايمه .. مش عارفه بقى تلاقيها غرقت شريف : غرقت ايه بس يا انسه نرمين دى تلاقيها تهيوئات وليد : تعالى يا شريف نشوف البوصله التانيه شريف : فين هى يا كابتن وليد : متسألش السؤال ده تانى علشان الرد مش هيعجبك شريف : انا اقصد البوصله يا كابتن  وليد : فى شنطة اللبس بتاعتى

بينزلوا فى السفينه علشان يجيبوا البوصله التانيه لكن المفاجأه ان البوصله التانيه كمان بايظه

شريف : يا كابتن فى حاجه مش طبيعيه  وليد : لا مفيش حاجه يا شريف هو ممكن الموجات الكهرومغناطيسيه هنا تكون شديده فعلشان كده البوصله بتلف عمال على بطال شريف : طب والحل يا كابتن ؟!  وليد : خليها على الله .. ادى اوامرى اننا نفضل ماشين فى نفس الأتجاه لحد ما يطلع الليل ونمشى على حسب النجوم شريف : علم وجارى التنفيذ يا كابتن  وليد : اتفضل انت وابعتلى عمرو بسرعه

وبعد 5 دقايق دخل عمرو على الكابتن وليد ..

عمرو : اوامرك يا كابتن وليد : بوص يا عمرو احنا بالليل هنستبشر بالنجوم علشان البوصله بايظه تمام ؟؟ عمرو: تمام يافندم وليد : انا عارف ان باقى الفريق مسميك عمرو عبقرينو  عمرو : صح يا فندم وليد : طيب يا عمرو تعرف تصلحلنا البوصله ؟!  عمرو : مينفعش يا فندم بس اقدر اعملكوا بوصله جديده لكن بتاخد وقت جامد منى يافندم علشان بتتظبط بالملى وليد : المهم تطلعلنا بوصله صح مش ابقى ماشى شرق وتقولى غرب تمام عمرو : تمام يا كابتن وليد : هتخلصها فى قد ايه ؟! عمرو : 48 ساعه يا فندم وليد : قدامك 6 ساعات على رأى السادات وتكون البوصله عندى يلا اتكل على الله  عمرو : حاضر يا فندم

وبعد ساعتين كان بدأ الليل يليل فخرج الكابتن وليد علشان يستبشر بالنجوم ويعرف هما ماشيين ازاى لكن المصيبه ان كانت السماء كلها ضباب والكابتن مش شايف النجوم لكنه عرف ان فى ظرف ساعه او ساعتين هيضرب المكان اعصار جامد وممكن يغرق السفينه

وفعلآ بعد ساعه ونص حصل اعصار فى المحيط ولكن حصل مع الأعصار شئ غريب جدآ وهو ان ...

يتبع...


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق