كلنا بنحب الكتابة
#اربح_من_الكتابة_بحرية_تامة
سجل حسابك بالموقع الان

كيف تجلب المزيد من الزوار لمواضيعك

2018-02-25 19:08:49 دروس تعليمية ...






إيه مفهومك عن المحتوي الحصرى ؟ و هيفرق اد ايه مع موضوعك ؟


هل ممكن تستخدم مواضيع حصريه مع شوية منقولين ؟ هل دا هيفيد الموضوع ام يضره ؟ 1- حصرية الموضوع مش Copyscape

في طرق زي انك تاخد نصوص فيديوهات اليوتيوب تحطها ف موقعك ، وتدور ف جوجل متلاقيهاش وتفرح ، تفحص بالـ Copyscape متلاقيش حاجة ساعات ف تتبسط، و ف الاخر الموقع يتعاقب ، وتقول ليه؟ يأخي بقى جوجل شركة واحدة فرع يوتيوب و فرع بحث ، مفيش بينهم تواصل ف الجزئية بتاع الـ Transcript مثلا ؟ أكيد كل دا جوجل هرسو ف ميت تحديث ، وبالفعل من سنتين عملت تجربة بالطريقة دي مع تعديل عنوان مواضيع و تجميع صور و مقدمة و مؤخرة :D و الموضوع مجابش زوار من البدايه اصلا غير ضعيف ، واتعاقب محتوي. ودا المتوقع! 2-حصرية الموضوع مش ( إعادة صياغة، مش Spinner، مش تجميع كوبي بيست و تعديل ، مش ترجمة )

حصرية الموضوع إن جوجل يفرح بيك كدا لما يلاقي كلام ف مقالك متكتبش ف اي موقع تاني :D طيب مانت مش هتخترع جديد برضو ، لكن هتكتب بأسلوب محدش كتب بيه قبل كدا ، هتختار مرادفات محدش اختارها مع التركيز ع الكلمة الاساسية، دا مسموش اعادة صياغة، لإنك هتعمل كدا من اكتر من موقع بكذا لغة فـ دا اسمو بحث و كتابة بإسلوبك، هتقرا الجمله و تكتبها انت من دماغك. و تضيف عليها لمستك كمان و ابداعك، معندكش القدرة تعمل كدا " رغم إن محدش هيعمل مواضيع لموقعك احسن منك " تقدر تتفق مع حد تعبئه محتوي يعملك كدا ، وتراجع وراه كل الشغل برضو. 3- إستخدام منقول مع حصري ، زمان كان حلو و بيعدي ، دلوقت بيقلل من الاثورتي بتاع موقعك ، و بالتالى بيضعف ترتيبه ف الـ SERP. 4- ليه المحتوي هو الأهم و ليه بيقولو Content Is King ؟ ما الناس كلها شغاله حصري و بتزيد زي الفل :D

محتوي كويس و مظبوط و بيشد الزائر عامل زي المنتج اللى بيعجبك من اول ما تشوفو ، ف بتقول لصحابك عليه "المنتج الحلو بيسوَّق نفسه بنفسه " و المحتوي الحلو برضو بيسوّق نفسة بنفسة ، هتلاقي تفاعل عليه من السوشيال ميديا Fb/Twitter/Google+، و هتلاقي بعض المواقع بتاخد منك صورة من المقاله مثلا وتذكرك كـ مصدر. ودا هيكون بنسبة كبيرة ف المحتوي الاجنبي. هيساعدك إنك تحصل علي باك لينك من غير ما تقوم ببناء باك لينك وتتعب نفسك أقوي باك لينك لموقعك هو اللى بيتم طبيعي بالشكل دا. زي ذكرك كـ مصدر ، أو استخدام صور من موقعك.



بعد المحتوي الجيد ،

لو صفحاتك مبدأتش تتصدر الصفحات الاولي. يبقى انت مش عامل باك لينك كويس. او عامل محتوي علي كيورد منافستها مش مناسبة لموضوعك طيب الحل ايه؟!

1- إبدأ حط خطة باك لينك بشكل يومي ، متزودش و متركزش علي كلمات ومواضيع واحدة فقط. استمر ف التنويع مع التركيز الزيادة ع الكلمات المهمة او الاصعب.

2- إبدا اعمل تركيز داخلي بين مواضيعك علي الكلمات الاهم. شوف المواضيع المشابهه و حط لينكات تربطهم ببعض ع كلمات مهمة.

3- إبدأ زود ف فايدة موضوعك و ناقش فيه زوايا اكتر. زيادة عدد الكلمات ف الموضوع = زيادة فرصة ظهورك ف البحث. ليه؟ عشان كل كلمة بتكتبها لو في فرصة ان حد يبحث عنها ، هتظهر بيها ف البحث. الناس بتبحث عن اي حاجة بـ " الكتابة " .. عشان تظهر اكتر " أكتب اكتر " ( ف السياق طبعا ).

4- إبدا صلح أهم اخطاء مواضيعك ، ( حصرية المحتوي ، السرعه، المواضيع الصغيرة، تحديث المواضيع القديمة .. )

5- إبدأ زود اهتمامك ب السوشيال سيجنالز. من خلال شغل مجاني ( شير ع صفحات و جروبات مشابهه لمجالك ) او مدفوع ( حملات اعلانية ، شراء بوستات مدفوعه ف صفحات كبيرة ، .. ) المهم تشغل مواضيعك وهتفرق معاك بأذن الله.

معرفة ما يبحث عنه الزائر

فيه ناس كتير بتشتغل على محركات البحث فى
مجال معين بس مابيكونوش عارفين يجيبو مواضيع وافكار جديده ازاي --- انا
حابب اقولكم دى الطريقة اللى انا بتبعها عشان اجيب المواضيع اللى محدش كتب
فيها + المواضيع اللى الناس بتبحث عنها ---- خلونا متفقين ان اي موقع جديد
او موقع صغير فى مجاله صعب يطلع فى الكلمه الاساسيه يعنى مثلا لو انا شغال
على الموضه وعملت موضوع لبناطيل موضة 2017 الطبيعى انى مش هظهر ف الاول
بسهوله - طيب انا دلوقتى المفروض اشتغل فيهم واجيب زوار ازاي ::: بص يا سيدى
دلوقتى ليه انا اشتغل على الكلمة الرئيسية وانا عمرى ماهجيب منها زوار فى
الوقت الحالى طب ماركز على الكلمات الفرعية -- لا مش الفرعية اقصد الفرعية
اوى اوى على قد ماتقدر - اولا المواقع الكبيره مابتكونش شغاله فيها لانها
بتركز ع الكبير وثانيا هتجيبلك زوار كتير وانا حابب اقولكو ان اعلى مواضيع
بتجيب عندى زوار هيا مواضيع لو شوفتها هتقول ايه التفاهه دى + المواقع
الكبيره عمر ما يخطر ببالها انها تجيب اسامى المواضيع دى -- انا بقى جايبها
من الطريقة اللى بقولكو عليها بكتب على سبيل المثال وليكن هكتب فى فرد
الشعر بقوم رايح لجوجل كاتب : (فرد الشعر) واخد مسافة يقوم جوجل جايبلك
الاحتمالات اللى الناس بتبحث عنها واقوى احتمالات. طيب هل هيا دى كل
النتايج العشره اللى ظهرولى او الحداشر هما دول كل النتايج عشر مواضيع
وخلاص؟ لا طبعا دى كده اقوى عشر مواضيع تقريبا بيتبحث عنهم واللى انت صعب
تظهر فيهم انت بقى هتعمل ايه هتاخد واحده منهم وتبحث عنها وتاخد مسافة.
يعنى مثلا (فرد الشعر للرجال) تاخد بعدها مسافة هتلاقى (فرد الشعر للرجال
بالبروتين) اهى دى بقى تقدر تشتغل عليها حاليا وانت فى الاول لان دى اخر
ديل للكلمه وهيفرق معاك تخصص البحث يعنى مثلا لو موقع كبير حاطط موضوع فرد
الشعر وانت حاطط فرد الشعر للرجال بالبروتين والزاير بيبحث عن عنوانك وقت
ما موقعك ياخد وقته ف الموضوع ده هتلاقى انت فوق الموقع الكبير ف نتايج
البحث وعن تجربه. طيب دلوقتى حد هيقولى مين هيبحث عن الكلمات الفرعية
اوى دى هتلاقى زوارها تعبانين --- احب اقولك اللى هتاخده من المواضيع دى
هيبقى اضعاف اضعاف اللى هتاخده من المواضيع الكبيره خصوصا وانت لسه صغير بل
ممكن ماتعملش واحد زاير من المواضيع الكبيره وانت لسه فى الاول. الفكره انك بتطلع فى الكلمه سلمة سلمة الصغير اوى فى الكلمه بيرفعك درجة درجة لحد ماجوجل يلاقيك اهل لانك تظهر فى الكلمة الاساسية.
طيب انا خلصت العشر كلمات اللى ظهرولى فى احتمال البحث -- اقوم واخد
الكلمه تانى وكاتب بعدها حرف ابجدى من دماغى واشوف احتمالاته يعنى مثلا
(فرد الشعر ق) هقوم الاقى احتمالات ابعد وابعد واصعب على ناس كتير جدا انها
تخمنها او تفكر فيها وهتلاقى انت بس اللى شغال فيه وكمثال هتلاقى (فرد
الشعر قبل الولاده) (قبل الحمل) (قبل النوم) (قبل الصبغة) وهكذا كل دول لو
ضمنت مقال واحد فى كل واحد فيهم هتضمن زواره بالكامل -- كل دى كانت امثلة
واتمنى بجد تكونو فهمتو قصدى ودى صورة لامثلة احتمالات البحث على البناطيل
بالعربى وزوجة ميسى بالانجلش.


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده



افضل 30 كاتب هذا الاسبوع

اكثر المواضيع مشاهدة علي الاطلاق